1.අධික පිපාසය සහ සෑම විටම මුත්‍රා කිරීමට අවශ්‍ය වීම
මෙය දියවැඩියාව රෝගයේ රෝග ලක්ෂණවලින් එක් විශේෂ රෝග ලක්ෂණයකි.
ඔබගේ රුධිරයේ අතිරික්ත ග්ලූකෝස් ප්‍රමාණයක් තිබේනම් ඔබට අසාමාන්‍ය පරිදි පිපාසයක් දැනෙන අතර නිරන්තරයෙන් මුත්‍රා කිරීමට ද අවශ්‍ය වේ.
මෙම තත්ත්වය ඇති වූ විට වකුගඩු මගින් සීනි පෙරා ගැනීමට අමතර ශක්තියක් යොදවන බැවින් ඔබට සෑම විටම මුත්‍රා කිරීමට අවශ්‍ය වේ.මේ ආකාරයට විශාල ප්‍රමාණයකින් මුත්‍රා පිටවීම මගින් ශරීරය වියලෙන නිසා අධික පිපාසයක් ද ඇති වේ.
2.ශරීරයේ බර ක්ෂණිකව අඩුවීම සහ විශාල කුසගින්නක් දැනීම.
ඔබ බර අඩුකර ගැනීම සඳහා සිදුකරන ව්‍යායාම සහ කෑම පාලනය වැනි කිසිවක් නොකර සුළු කාලයක් තුළ ඔබගේ ශරිරයේ බර අඩු වූවා නම් ඔබ ඒ පිළිබඳව සැලකිලිමත් විය යුතුයි.මාස හයක කාලයක් තුළ ඔබගේ ශරීරයේ බර 5% අඩු වූවා නම් ඔබ වෛද්‍ය උපදෙස් ලබාගත යුතුයි.
3.නිදන්ගත තෙහෙට්ටුව
ඔබට සෑම අවස්ථාවකදීම විඩාවක් දැනෙනවා නම් එයට හේතුව වන්නේ ඔබ සෑම විටම මුත්‍රා කරන නිසා ඔබගේ ශරීරය වියළීමයි.ඔබ එසේ නොකරනවා නම් ඔබගේ ශරීරය තුළ ශක්තිය ලබාගැනීම සඳහා සීනි පාලනය කිරීමේ ගැටළුවක් ඇත. මෙයද දියවැඩියාවේ එක් රෝග ලක්ෂණයකි.
4.ඇස් බොඳවීම
ඔබගේ ඇස් පෙනීම බොඳ වනවා නම් එයට හේතුව වන්නේ ඔබගේ රුධිරයේ ඇති අධික ග්ලූකෝස් ප්‍රමාණයයි.මෙහිදී පටක තුළ ඝන රැධිරය පිරීම මගින් ඇස් නිසියාකාරව නාභිගත නොවෙයි. එමඟින් සමහර අවස්ථාවන්හිදී පෙනෙන දෑ බොඳ වී පෙනෙනු ඇත.
5.තුවාල සෙමින් සුවවීම.
තුවාල සෑදුණු විටදී අසාමාන්‍ය ආකාරයට තුවාල සුව වීමට වඩාත් කාලයක් ගත වන්නේ නම් මෙයද දියවැඩියාව රෝගයේ එක් රෝග ලක්ෂණයකි.රුධිරයේ ඇති අධික සීනි ප්‍රමාණය තුවාල සුවවීමේ ක්‍රියාවලිය සඳහා බාධා ඇති කරනු ලබයි.
6.නිරන්තරයෙන් ආසාදන ඇති වීම.
නිරන්තරයෙන් විවිධ වූ ආසාදනයන් ඇතිවීම මගින් දියවැඩියාව රෝගයේ රෝග ලක්ෂණ පෙන්නුම් කරනු ලබන අතර කාන්තා දියවැඩියා රෝගීන්ට මුත්‍රාශයේ සහ යෝනියේ ආසාදන ඇතිවේ.
7.අත් සහ පාදවල හිරිවැටීම, දැවිල්ල සහ වේදනාව ඇති වීම
මෙම රෝග ලක්ෂණ ද ඇතිවන්නේ රුධිරයේ අධික සීනි සාන්ද්‍රණය නිසා ස්නායු හානි වීම මගින්.
8.සමෙහි ඇතිවන ක්ෂණික ගැටලු
දියවැඩියාව රෝගයේ තවත් එක් රෝග ලක්ෂණයක් වන්නේ සම මත බිබිලි සෑදීම, කබර දැමීම හෝ ඛෙල්ල අවට සහ කිහිල්ල යට කළු වීම වැනි තත්ත්වයන් ක්ෂණිකව සම මත ඇති වීමයි.
එලෙසම දියවැඩියාව නිසා ඇතිවන රෝග ලක්ෂණ අනුව රෝගීන් කාණ්ඩ 3 කට වර්ගීකරණය කරනු ලබයි.
1. රෝග ලක්ෂණ රහිත (Asymptomatic) ආකාරය
2. තීව්‍ර (Acute) ආකාරය
3. උපතීව්‍ර (Sub-acute) ආකාරය
1. රෝග ලක්ෂණ රහිත ආකාරය
මෙම ආකාරයේ දියවැඩියා රෝගීන්ට කිසිඳු රෝග ලක්ෂණයක් නොමැතිවීම විශේෂත්වයකි. අවාසනාවකට මෙන්, දියවැඩියා රෝගීන්ගෙන් වැඩි ප්‍රමාණයක් අයත්වන්නේ මෙම කොටසටය. එමනිසා, මෙවැනි රෝගීන්ට දියවැඩියා රෝගය වැළඳී වසර ගණනාවක් යනතුරු එය හඳුනාගැනීමට නොහැකි වේ.
2. තීව්‍ර ආකාරය
දියවැඩියාවේ තීව්‍ර ආකාරය බහුලව හටගන්නේ තරමක් වයසින් අඩු අයටය. ඔවුන්ට සති 2 ක සිට සති 6 ක් දක්වා කාලයකදී බහුලව ඇතිවන රෝග ලක්ෂණ 3 ක් ඇතිවනු දැකිය හැක.
1.වැඩිපුර මුත්‍රා පහවීම (Polyuria)
2.අධික පිපාසය
3.බර අඩුවීම
රෝගය ගයේ මුල් අවධියේදී ඇතිවන මෙම රෝග ලක්ෂණ හඳුනානොගැනීම නිසා නිසි ප්‍රතිකාර වලට යොමු නොවුනහොත්, මෙවැනි දියවැඩියා රෝගීන්ට මුත්‍රා සමග කීටෝන (Ketone bodies) පහවීම සහ කීටෝන ආම්ලිකතාවය (Ketoacidosis) නම් වූ උග්‍ර රෝග තත්ත්වය වැළඳීම සිදුවිය හැක.
3. උපතීව්‍ර ආකාරය
දියවැඩියා රෝගයෙහි මෙම ආකාරය වැඩිපුර වැළඳෙන්නේ වැඩිහිටි අයටය. බොහෝවිට ඔවුන්ගේ රෝග ලක්ෂණ මාස ගණනාවක සිට වසර ගණනාවක් දක්වා පැවතිය හැක. අධික පිපාසය, වැඩිපුර මුත්‍රා පහවීම, සහ බර අඩුවීම ඔවුන් අතර බහුලව දැකිය හැකි රෝග ලක්ෂණ වේ. ඒවාට අමතරව, නිතර මස්පිඩු පෙරලීම, ශරීරයට තෙහෙට්ටුවක් දැනීම, පෙනීම බොඳවීම, කාන්තාවන්ගේ යෝනි මුඛය කැසීම, හෝ පුරුෂයන්ගේ ශිෂ්ණයේ පෙරසම හා ශිෂ්ණ මුණ්ඩය තුවාළවීම වැනි රෝග ලක්ෂණ ඇතිවිය හැක.
දියවැඩියාව දිගුකලක් පැවතීම හේතුවෙන් හටගන්නා සංකූලතා නිසා ඇතිවිය හැකි රෝග ලක්ෂණද පවතී. ඒවා නම්:
1.පුරුෂ ලිංගය ප්‍රාණවත් නොවීම.
2.පාද සහ යටිපතුල් වල 3.හිරිගතියක් ඇතිවීම.
4.සෛලීයදාහය (Cellulitis) වැනි සමේ ආසාදන ඇතිවීම.
5.ඇසේ දෘෂ්ටිවිතානයේ 6.ස්නායු දුර්වල වීමෙන් 7.පෙනීම අඩුවීම (Diabetic retinopathy).
8.හෘදයාබාධය, අංශභාගය, සහ පර්යන්ත වාහිනික රෝගය (Peripheral vascular disease or PVD) වැනි ධමනි රෝග වැළඳීම.
වෛද්‍යවරයෙකු විසින් දියවැඩියා රෝගියෙකුට ඇතියැයි හඳුනාගන්නා රෝග නිමිතිද කිහිපයක් පවතී. ඒවා නම්:
1.ශරීරයේ බර අඩුවීම
2.විජලණය
3.සමේ ආසාදන
4.රෝගියාට කීටෝන 5.ආම්ලිකතාවය ඇත්නම්, ඔහුගේ හෝ ඇයගේ පිටකරන හුස්ම කීටෝන සුවඳින් යුක්ත වියහැක.
6.දෘෂ්ටිවිතානයේ ඇතිවන හානි.
7.බෙල්ලෙහි සහ කිහිලි වල සම කලුපැහැවීම
8.පාදවල සංවේදනය අඩුවීම.
ඇතැම් රෝගීන් හෘදයාබාධය, අංශභාගය, හෝ පර්යන්ත වාහිනික රෝගය සමග ඇතිවන රෝග ලක්ෂණ සහිතව වෛද්‍යවරයා වෙත පැමිණෙන අවස්ථාද පවතී.
මෙවැනි රෝග ලක්ෂණ යම් කෙනෙකුට ඇත් නම් ඒ පිළිබඳව දැනුවත් වීමත්, ඒ සදහා අවශ්‍ය ප්‍රතිකාර කිරීමත් වැදගත් වෙනු ඇත.
Leo Rashmi Shashikala
Faculty of Art
University Of Colombo
