සංස්කෘතිය හා සම්ප්‍රදාය මත පීඩිත කාන්තාව

 සංස්කෘතිය හා සම්ප්‍රදාය මත පීඩිත කාන්තාව

*කාන්තාව යනු කාන්තාවමය.ඇය ලෝකයේ බටහිර සිටියත් නැගෙනහිර සිටියත් ඇය ඇයමයි.නමුදු ඇගේ ජාතිය,ආගම,සම්ප්‍රදාය අනුව ඇයට අත්වන ඉරණම සමානද ?*

තම සැමියාට, තම දරුවන්ට, තම පවුලටම අති මහත් සේවයක් ඉටු කරන නමුත් කිසිදා කෙසේහෝ පැසසුම් නොලබන කොටසකි කාත්නාවන්. කාන්තාවන් ගත් කල කෙතරම් සේවයක් සමාජයට ඉටු කළද ඔවුන් ඈත අතීතයේ පටන්ම සමාජයේ මුල්ලකට කර තැබීමේ තත්ත්වයක් දක්නට ඇත. ලංකාවට පමණක් සීමා නොවූ මෙකී තත්ත්වය ආසියාතික රටවලද දැඩි වශයෙන් දක්නට ලැබෙයි. සංස්කෘතික කාරණා මෙන්ම ආගමික කාරණා මගින්ද කාන්තා නිදහස වාරණයන්ට ලක් වී තිබේ. 

1. සැමියා මිය ගිය විය බිරිද සමාජයෙන් කොන් කර තැබීම. 

ඉන්දියාවේ වෘන්දාවන් (Vrindavan) ජාතිකයින් ජීවත් වන නගරය වීධවාවන්ගේ නගරය ලෙස හැඳින්වෙයි. මේ නගරයේ සාම්ප්‍රදායිකව, සැමියා මියගියොත් බිරිදට සමාජයෙන් වෙන්වී ජීවත් වීමට සිදුවුණා.

එවිට එම කාන්තාවන් සුදු ඇඳුම් පැළඳීම, ආභරණ නොපළඳීම යනාදී සීමාවන්ට යටත්වීමට සිදු වුනි. 

2. සැමියා මියගිය විට බිරිඳත් මිය යාම

ඉන්දියාවේ පැරණි සිරිතක් ලෙස, ස්වාමිපුරුෂයා මිය ගියොත්, බිරිඳත් ඔහු සමඟම සියදිවි නසාගැනීමේ සාම්ප්‍රදායයක් තිබුණි. 19 වන සියවසේදී බ්‍රිතාන්‍ය පාලන සමයේ මෙම ක්‍රියාවලිය තහනම් කළද, ඇතැම් ප්‍රදේශවල එය සඟවා පවත්වාගෙන යමින් තිබෙයි. මෙම කාන්තාවන්ට විවාහය වෙනුවෙන්ම ජීවත් වීමට සිදුවී, සැමියා නැති වූ විට විවාහය වෙනුවෙන්ම සිය ජීවිතය පූජා කිරීමට සිදු වුණි. 

3. මාසික ඔපස් අවධියේදී කාන්තාවන් වෙන් කිරීම

නේපාලයේ ඇතැම් ගම්මානවල, කාන්තාවන්ට මාසික ඔපස් වීම ආරම්භ වූ (Periods) විට ඔවුන් කිලිටි යයි විශ්වාසයක් පවතියි. මේ හේතුවෙන්, ඔවුන් පවුලේ සාමාජිකයන්ගෙන් වෙන්වී, ගමෙන් පිටත හුදකලා ආශ්‍රමයක (Chhaupadi Huts) ජීවත් විය යුතුය. මෙහිදී, කාන්තාවන්ට ආහාරපාන අඩුවීම, පිළිකා ආසාදන/විසබීජ ආසාදන ඇති වීම ආදී හේතු නිසා තම ජීවිතයෙන් වන්දි ගෙවන්නටද සිදුවී තිබේ. 

4. ගැබ් ගත් කාන්තාවන්ට විශේෂ ආහාර නොදීම

දකුණු ආසියාවේ ඇතැම් සංස්කෘතීන්හි, ගැබ් ගත් කාන්තාවන්ට විශේෂ ආහාර ගැනීම නුසුදුසුයි යැයි විශ්වාසයක් තිබුණි. 

ඉන්දියාවේ හා නේපාලයේ ඇතැම් ගම්මානවල, ගැබ් ගත් කාන්තාවන්ට ශක්තිය වඩවන ආහාර (Eggs, Meat, Milk) ගැනීම තහනමට ලක් කර ඇත.  මෙයින්, ඔවුන්ගේ පෝෂණය පහළයාමත්, ගැබ් දරු මරණ සංඛ්‍යාව වැඩිවීමත් සිදුවුණි. 

5. පිරිසිදු බව තහවුරු කිරීමේ පැරණි සිරිත්

ඇෆ්‍රිකාවේ සහ මධ්‍යම නැගෙනහිර රටවල කාන්තා යොවුන් කලාප (Female Genital Mutilation - FGM) වල තවමත් සිදු කරයි. විවාහයට පෙර, කාන්තාවන් පිරිසිදු බව (Virginity) තහවුරු කිරීම අරමුණු කරගෙන ඔවුන්ගේ ශරීරයට සෝධන ක්‍රම සහිත ශල්‍යකර්ම සිදුකරයි. මෙකී ක්‍රියා හේතුවෙන් කාන්තාවන්ට ආශ්‍රිත සෞඛ්‍ය ගැටළු රැසක් ඇතිවිය හැකිය.

6. ගැහැනු දරුවන් විකිණීම 

අප්‍රිකාවේ ගානා, ටෝගෝ සහ බෙනින් වැනි රටවල මේ සිරිත අනුව පවුලක දැරියක් උපන් විට මෙම දැරියන් දේවස්ථානවලට විකිණීම සිදු කරයි. මෙයින් කාන්තා දරුවන්ට අධ්‍යාපනික, ආර්ථික සහ මානසික පීඩනයන්ද ඇති වෙයි. 

7. කාන්තා ලිංග කපාදැමීම (Female Circumcision) 

මධ්‍යම නැගෙනහිර සහ උතුරු ආප්‍රිකාවේ ඇතැම් මුස්ලිම් සහ කිතුනු ජනතාව අතර, කාන්තා ලිංගය කපා ඉවත් කිරීම සිරිතක් ලෙස පැවතිණි. මෙය  පිරිසිදු බව තහවුරු කිරීම නමින් සිදුකළත්, විවාහයට පෙර කාන්තාවන්ගේ ලිංගික අයිතිවාසිකම් සම්පූර්ණයෙන්ම අහිමි කරන ක්‍රියාවක් වෙයි. බොහෝවිට, මෙය අවුරුදු 5-10 අතර වයසැති දරුවන්ට සිදු කෙරුණි. මෙමගින් සෞඛ්‍ය ගැටලු ඇතිවීමේ අවධානමක් පවතියි.

8. බාල වයසේ විවාහය

මලාවි, සම්බියාව සහ සිම්බාබ්වේ වැනි රටවල, කුඩා දැරියන් වයස අවුරුදු 12-14 වැනි අවධියේදීම විවාහවීමට බල කරන පුරුද්දක් පැවතුනි. විශේෂයෙන්ම “අකුසසා” (Akusasa) නැමති මේ දේශීය සිරිත, සිරිතක් ලෙස සලකා විරුද්ධ නොවී සම්මත කර ඇත. නමුත් මෙවැනි විවාහයන්හි, ගැබ් ගැනීමේ අවදානම, අධ්‍යාපනය නැතිවීම, සහ ගෘහස්ථ හිංසනයට ලක්වීම යන අවදානම් වැඩි වේ.

මරු කැඳවූ රිය අනතුරක අමිහිරි මතක සටහනක්

 මරු කැඳවූ රිය අනතුරක අමිහිරි මතක සටහනක්...

මිනිස් ක්‍රියාකාරකම් හේතු කොට ගෙන ජීවිත හා දේපල හානි සිදුවන අවස්ථා මානුෂීය ආපදා ලෙස හඳුන්වනවා. 

මෙහිදී වසර කීපයකට පෙර තමා මුහුණ දුන් අනතුරක මතකය අවදි කරමින් තොරතුරු ලබාදීමට මැදිවියේ කාන්තාවක් අප හා එක්වුණා. 

නිවේදකයා: ආයුබෝවන් මහත්මිය. ඔබතුමියට පුළුවන්ද ඔබ මුහුණ දුන් ඒ අනතුරේ ස්වභාවය විස්තර කරන්න?

දත්ත දායකයා: ආයුබෝවන්. ඔව් පුළුවන්. ඒක හදිසියේම සිද්ධවුණු රිය අනතුරක්.

පුතාලගේ තාත්තා පපුව අමාරුව හැදිලා ඉස්පිරිතාලේ නවත්තල ඉන්නකොට බලන්න ගිහින් ලොකු පුතත් එක්ක බයික් එකේ අනුරාධපුර පාරෙ අපි ආපහු එමින් හිටියේ. හැන්දෑවේ හය හමාරට විතර තමයි මේ අනතුරට මුහුණ දුන්නෙ. පුතා තමා බයික් එක පදවගෙන ආවේ. හදිසියේම මනුස්සයෙක් පාර හරහා පැන්නා. එතන කහ ඉරක් තිබුනෙත් නෑ. ඒ හරියේ පාරේ විදුලි ලාම්පු තිබුණේ නෑ. අඳුරු පාට ඇඳුමක් ඇඳලා හිටපු නිසා කළුවරේ ඒ මනුස්සයව අපි දැක්කේ නෑ. ඒ මනුස්සයා බයික් එකට හැප්පිලා විසික්ක වෙලා ගිහිල්ලා වැටුණා. බයික් එක පෙරලිලා පුතා පාරෙන් අයින පැත්තටත් මම පාරෙ මැද්දටත් විසික්ක වුණා. 

ඉස්සරහින් ලොකු වාහන ආවා. වාහන එනකොට අපිට නැගිට ගන්න බෑ. කකුල් වැදිල මම බොහොම අමාරුවෙන් හිටියේ. කොහොම හරි මම බඩගාගෙන පාර අයිනට  ගියා. නැත්තං එදා තමයි අපි මැරෙන්න ලියවෙලා තිබුන දවස. මම හෙමින් හෙමින් බඩගාගෙන පාර අයිනට ගියපු නිසා තමයි බේරුනේ.

නිවේදකයා: ඒ අනතුරට මුහුණ දුන්න අයට සිද්ධ වෙච්ච හානිය කොයි වගේද?

දත්ත දායකයා: එදා මගේ  දණහිස පැනලා තුවාල වෙලා සුමාන දෙකක් විතර බෙහෙත් කරා. පුතාගෙත් අත පය තුවාල වෙලා. කොන්දටත් හානි වෙලා තිබුණේ. කොන්දට බෙහෙත් කරන්න එයාට තුන් මාසයක් විතර ඇඳේ ඉන්න වුණා. මගේ දණහිස හොඳටම සුව වෙන්ඩ මාස දෙකක් විතර ගල් කන්දෙන් සිංහල බෙහෙත් කරා.

නිවේදකයා: ඒ සිද්ධිය ආර්ථිකයට බලපෑවේ කොහොමද? 

දත්ත දායකයා: ඒ වෙලාවේ මහත්තයත් අසනීප වෙලා හිටියේ. අපේ ව්‍යාපාරත් කරගන්න බැරුව කඩා වැටුණා. බෙහෙත් හේත් වලට ගොඩක් වියදම් වුණා. බයික් එක හදාගන්නත් තව වියදමක් ගියා. ඒ වෙලාවේ අපි ගොඩක් අසරණ වුණා. සමහර වෙලාවට ණයට මුදල් ගන්නත් සිද්ධ වුණා.

නිවේදකයා: එතකොට අනතුරට මුහුණ දුන්න අනෙක් පාර්ශවයට මොකද වුණේ? 

දත්ත දායකයා: ඒ මනුස්සයාට වයසයි. අවුරුදු හැත්තෑවක් විතර ඇති. අනතුරෙන් එයාටත් තුවාල සිද්ධ වුණා. එයාව මහව මහ රෝහලට ඇතුළත් කරා. එයාට සෑහෙන කාලයක් බෙහෙත් කරා.

නිවේදකයා: අනතුර සම්බන්ධව නීතිමය කටයුතු සිද්ධ වුණේ කොහොමද? 

දත්තදායකයා: අනතුරට පත් වුණු මනුස්සයාගේ පවුලේ උදවිය අපට විරුද්ධව පොලිසියේ පැමිණිල්ලක් දැම්මා. අවසානයේදී නඩු මාර්ගයට ගියා. ඒගොල්ලන්ට වන්දි මුදලක් අවශ්‍යයි කියලා දැඩි තීරණයක හිටියේ. ඒ වෙලාවේ අපි ආර්ථික වශයෙන් කඩා වැටිලා වන්දියක් ගෙවන්න තරම් හැකියාවක් තිබුණෙ නෑ. අනතුරට පත්වෙච්ච මනුස්සයා අවුරුද්දක් විතර ජීවත් වෙලා ඉඳලා මැරුණා. එතනින් නඩුව අවසන් වුණේ නෑ. අපට රුපියල් 25000ක වන්දි මුදලක් ගෙවන්න සිද්ධ වුණා. අවුරුදු දහයකට විතර ඉස්සර අපි ණය වෙලා තමයි ඒ මුදල ගෙව්වේ.

නිවේදකයා: ඒ අනතුරට මුහුණ පෑමෙන් ඔබතුමියට ලැබුණු අත්දැකීම් මොනවද? 

දත්තදායකයා: තුවාල සිද්ධ වුණ නිසා ශාරීරිකවත් පවුලේ සාමාජිකයින්ගේ ලෙඩ රෝගත් ව්‍යාපාර කඩාවැටීම්, නීතිමය ප්‍රශ්න නිසා මානසිකවත් සෑහෙන කරදර වලට මුහුණ දුන්නා. ඊට පසුව ඉතාම සුපරික්ෂාකාරීව තමයි වාහනවල ගමන් යන්නේ. 

නිවේදකයා: වරද සිදුවුණේ ඔබතුමියගේ පාර්ශවයෙන් නේද? 

දත්ත දායකයා: ඔව්. අනතුරක් වළක්වා නොගැනීම යටතේ අපට වරද පැවරුණා. පදිකයින්ද මාර්ග නීතිවලට අනුගත වෙන්න ඕනේ කියන එක තමයි මගේ අදහස. ඒ වෙලාවේ නීතිඥවරුන්ටත් මුදල් ගෙවන්න සිද්ධ වුණා.

නිවේදකයා: මේ ප්‍රශ්නවලින් පස්සේ කොහොමද නැවත සාමාන්‍ය තත්ත්වයට පත්වුණේ? 

දත්ත දායකයා: අපේම ධෛර්යයෙන් තමා හැමදේම දරාගෙන හිටියේ. පසුව අසනීපෙන් හිටපු මහත්තයත් මිය ගියා. හැම දෙයක්ම ඉවසගෙන ජීවිතය ඉස්සරහට ගෙනියන්න මානසික ශක්තිය තමා උපකාර වුණේ.

නිවේදකයා: ඒ අවස්ථාවේ රාජ්‍ය හෝ පෞද්ගලික වශයෙන් රැකවරණයක් රක්ෂණාවරණයක් තිබුනද?

දත්ත දායකයා: ඔව්. මහත්තයාට රාජ්‍ය ආයතනයක ජීවිත රක්ෂනාවරණයක් තිබුණා. ඒකෙන් රුපියල් පනස්දාහක මුදලක් ලැබුණා. 

නිවේදකයා: අවසාන වශයෙන් වර්තමාන තත්ත්වය පිළිබඳව ඔබගේ අදහස් මොනවාද? 

දත්ත දායකයා: ඇත්තටම ගොඩක් ප්‍රශ්න වලට මුහුණ දීලා හෙම්බත් වෙලා ඉන්නේ.  මහත්තයත් නැතුව දරුවන්ගෙ වගකීම මට පැවරිලා තියෙන්නේ. ලොකු පුතා ඉන්න එක මට ශක්තියක්. අනිත් දරුවො දෙන්නගේ අධ්‍යාපන කටයුතු අවසන් වෙනකන් වගකීම් ගොඩක හිරවෙලා ඉන්නේ. ජීවිතයේ ලොකු සතුටක් නෑ. 

නිවේදකයා: බොහොම කණගාටුයි ඒ පිළිබඳව. ඒ වගේම මම ස්තුතිවන්ත වෙනවා ඔබතුමියට මේ තොරතුරු අප සමග බෙදා ගත්තට.

ප්‍රඥාවේ දොරටු විවර කළ නවම් පුන් පොහොය

 

ප්‍රඥාවේ දොරටු විවර කළ නවම් පුන් පොහොය

අද ශ්‍රී බුද්ධ වර්ශ 2568  ක් වූ නවම් පුර පසළොස්වක පොහෝ දින පෙබරවාරි 12 වෙනි  බදාදා දිනයයි.

අවුරුද්දේ දෙවැනි පොහොය ලෙස හැදින්වෙන්නේ නවම් පොහොය යි. 

දුරුතු පොහොය ශාසනයට වැදගත් වන්නේ යම් සේ ද නවම් පොහොයත් එසේම ය.මිනිසාගේ සිත්සතන්හි මෝක්ශ මාර්ගයට දොර විවර කරන්නට පාදම දමා ඇත්තේ ද නවම් පොහොය දා ය.

මෙහි සිදු වූ වැදගත් සිදුවීම් කිහිපයක් අප පහතින් විමසා බලමු.    

                                                                                             මෙහිදී සිදු වූ වැදගත් සිදුවීම්...

☑️ සැරියුත් - මුගලන්‍ රහතන් වහන්සේ දෙනමට අගසව් තනතුරු ලැබීම.

☑️ ඕවාද ප්‍රාතිමෝක්ශ දේශනා කිරීම.

☑️ බුදුරදුන් ආයු සංස්කාරය අත් හැරීම.

☑️සැරියුත් - මුගලන් දෙනමගේ පිරිනිවන් පෑමෙන් පසු රජගහ නුවරින් නික්ම බුදුරදුන් චාපාල චෛත්‍යය වෙත වැඩම කිරීම.

මේ නවම් පොහොය  සිද්ධි සමුදායකින් උපකල්ශිත වී ඇත.ඒ සිද්ධි අතර ප්‍රමුඛ වන්නේ සැරියුත් - මුගලන් මහ රහතන් වහන්සේ සම්බුද්ධ ශාසනයේ අගසව් තනතුරු ලැබීමේ සිද්ධිය යි. එමෙන් ම ප්‍රථම ධර්ම සංගානයනාව සිදු වූයේ ද නවම් පොහෝ දා ය.තව ද මහා සංඝ රත්නයට ඕවාද ප්‍රාතිමෝක්ශය දේශනා කළේත් නවම් පෝ දාකය.බුදුරදුන් පිරිනිවන් පෑමට තුන්මසකට ප්‍රථමයෙන් ආයු සංස්කාරය අත් හළේත් නවම් පුන් පොහෝ දිනක ය.

තරු පිරිවරා ගත් සද මඩල මෙන් බුදුරදුන් උරුවේල කස්සප,නදී කස්සප හා ගයා කස්සප යන තුන් බෑ ජටිල භික්ෂූන් ප්‍රධාන දහසක් භික්ෂු පිරිස ද, එක්දහස් දෙසිය පනසක් රහතන් වහන්සේද වේළුවනය එදා බබළවන්නට වූහ.මහා සගරුවන පිරිවරා ගත් බුදුරදුන් සාරිපුත්ත හා මොග්ගල්ලාන යන මහාක්ශීණාශ්‍රවයන් වහන්සේ දෙනම දකුණත් සහ වමත් සව්වන් වශයෙන් සංඝ සමාජයට හදුන්වා දුන්නේ මේ උතුම් නවම් පුන් පොහෝ දා ය.මෙම අග්‍ර ශ්‍රාවක තනතුරවලට පත් වීම මහත් අසිරියක් නොවන්නේද?

' *ඕවාද* *ප්‍රාතිමෝක්ෂය* ' දේශනා කළේද නවම් පුන් පොහෝදාක ය.එය බුදුරදුන්ගේ ශාසනයෙහි ප්‍රථම බෝධියෙහි ( විසි වසක්) පිරිසිදුව නොකැළැල්ව පැවැතුණි.එබැවින් මහ සගරුවන සම්බන්ධයෙන් විනය පැනවීමට කිසිදු අවශ්‍යතාවයක් නොවීය.ඉන් අනතුරුව කාලයාගේ ඇවෑමෙන් සංඝ සමාජයේ වැරැදි සිදු වන්නට විය.ඒ හේතුව මත ඕවාද ප්‍රාතිමෝක්ෂය දේශනා කරන්නට විය.

බුදුරදුන් කිසිවකුට කිසිම දිනක විනයක් පනවන්නට ගියේ නැත.විනය පනවන්නට යොමු වූයේ වැරැද්දක් කළවිට දී ය.සංඝ සමාජයේ දැඩි නීති - රීති පනවා සගරුවන අතිශය අසීරුතාවට පත්කිරීමට බුදුන් වහන්සේ නොපෙළඹුණහ.එකිනෙකා අතින් සිදු වුණ වැරැදි පදනම් කරගෙන යළිත් එකම වැරැද්ද නොකිරීමට කටයුතු යෙදීම බුදුරදුන්ගේ පිළිවෙත විය.අපට විනය පිටකයක් ඇති වූයේ එහි ප්‍රතිඵලයක් වශයෙනි.

බුදුරදුන්ගේ ආයුසංස්කාරය අත්හළේද නවම් පුන් පොහෝ දාක ය.බුදුරදුහු සැරියුත් හා මුගලන් දෙනමගේ පිරිනිවන් පෑමෙන් පසු රජගහ නුවරින් නික්ම චාපාල චෛත්‍යය වෙත වැඩියහ.එහිදී බුදුරදුහු ආනන්ද හිමියන් අමතා " *ආනන්දය* , *සතර* *ඉර්ධිපාද* *වැඩූවහුට* *කැමැති* *නම්* *ආයුස්කල්පයක්* *වුවද* *ජීවත්* *විය* *හැකි* *ය* " *යි* වදාළහ.බුදුරදුන් තෙවරක්ම මෙය අවධාරණය කළදා ආනන්ද හිමියන්ට මෙය නොවැටහිණි.ආයුස්කල්පයක් ජීවත් වීමට ඉඩකඩ තිබුණ ද අදහසක් ප්‍රකාශ කිරීම යටපත් වූ හෙයින් ආයුසංස්කාරය තුන් මසකින් හරින බව පැවැසීමෙන් අනතුරුව කල්පයක් වැඩ සිටින ලෙස ආනන්ද හිමියන් කීව ද එයින් පලක් වූයේ නැත.

ආයුසංස්කාරය අත්හළ කෙණෙහිම මහා භූම් චලනයක් එදා ඇති විය.එය සිදු වූයේ ද නවම් පෝ දා ය.චාපාල චෛත්‍යයයෙන් විසල් පුරයට වැඩම කළ තථාගතයන් වහන්සේ කූඨාගාරයට රැස් වූ භික්ශූන් අමතා සත්තිස් බෝධිපාක්ෂික ධර්ම වදාරා අන්තිම අවවාද කළහ. ' *යො* *ධම්මං* *පස්සති* *සො* *මං* *පස්සති* ' යනුවෙන්  " යමෙකු ධර්මයට වදින්නේ නම් ඒ මට (බුදුරදුන්ට) වැදීමක් වන්නේ යි" යනුවෙන් වදාළහ.ධර්මය ප්‍රථම තැන තබා ජීවිතයට මෝක්ෂ මාර්ගය හෙළි කලේ සත්වයා සසරේ වැටී ඇති ආගාධයෙන් ගොඩගැනීම උදෙසා ය.

ප්‍රඥාවන්තයින්ගේ අරබයා දෙසූ දහම දුක්ඛ, සමුදය, නිරෝධ,මාර්ගය යන චතුස්සත්‍ය නුවණින් දැක නිවන දකින්නට ය.නවම් පොහොය අප ජිවිතයට කඩඉමක් කරගන්නේ ඒ හේතුව මතය.

කාන්තා නිදහස මත පදනම් වූ ප්‍රචණ්ඩත්වය*

 *කාන්තා නිදහස මත පදනම් වූ ප්‍රචණ්ඩත්වය*

*ලොවටම ආදරය*

 *බෙදන* ❤️

*ලොවටම සෙනෙහස බෙදන* 💁‍♀️

*ඈ හට*

*ඔබ කෙතරම් ආදරය*

*සෙනෙහස බෙදයි ද ??*

ස්ත්‍රී පුරුෂ සමාජ භාවය මත පදනම්වූ ප්‍රචණ්ඩත්වය කාන්තා නිදහසට බාධාවකි.

ස්ත්‍රී පුරුෂ සමාජභාවය මත පදනම් වූ ප්‍රචණ්ඩත්වය ලොව පුරා කාන්තාවන්ගේ නිදහසට සැලකිය යුතු බාධාවක්වේ. ලොව පුරා කාන්තාවන්ට සහ ගැහැණු ළමයින්ට එරෙහිව ප්‍රචණ්ඩත්වය ප්‍රමාණාත්මකව භයානක වන අතර එය බරපතළ මානව හිමිකම් උල්ලංඝනය කිරීමකි. මේ හේතුවෙන් ගෝලීය වශයෙන් මිලියන සංඛ්‍යාත කාන්තාවන් සහ ගැහැණු ළමුන්ගේ ජීවිතවලට  බරපතල වශයෙන් ගැටලු ඇති කරයි. 

ස්ත්‍රී පුරුෂ සමාජභාවය මත පදනම් වූ ප්‍රචන්ඩත්වයට පිරිමි සහ ගැහැණුන් අතර සමාජීය වශයෙන් ආරෝපණය කරන ලද ස්ත්‍රී පුරුෂ භාවය මත පදනම් වූ පුද්ගලයකුගේ කැමැත්තට එරෙහිව සිදුකරන ඕනෑම හානිකර ක්‍රියාවක් ඇතුළත්වේ. ස්ත්‍රී පුරුෂ අසමානතාවය මුල් බැසගත් සමාජයක් තුළ කාන්තාවන්ට සහ ගැහැණු ළමයින්ට එරෙහි ප්‍රචණ්ඩත්වය ඔවුන්ගේ ලිංගික හා ප්‍රජනක සෞඛ්‍ය සහ අයිතිවාසිකම් සඳහා ප්‍රධාන බාධකයක්වේ. 

ස්ත්‍රී පුරුෂ අසමානතාවය එනම් කාන්තාවන් හා පිරිමින් අතර අසමාන බල ගතිකත්වයන් සහ කාන්තාවන් සඳහා සම්පත්වලට ප්‍රවේශ වීමට ඇති අසමානතාව ඉස්මතු කිරීම සඳහා කාන්තාවන් ප්‍රචණ්ඩත්වයට ලක්වීම බහුලවේ .පුරුෂාධිපත්‍ය හා ස්ත්‍රීත්වය පිළිබඳව සංකල්ප කාන්තාවන්ට එරෙහි ප්‍රචණ්ඩත්වයේ මූලිකවේ.

ස්ත්‍රී පුරුෂ සමාජභාවය මත පදනම් වූ ප්‍රචණ්ඩත්වයට ප්‍රසිද්ධියේ හෝ පෞද්ගලිකව ශාරීරික හිංසනය, වාචික, මානසික ප්‍රචණ්ඩත්වය,  ලිංගික හිංසනය, සමාජ, ආර්ථික හිංසනය,  බලහත්කාරයෙන් ගබ්සා කිරීම, කාන්තා ලිංගික අවයව ඡේදනය, ස්ත්‍රී දුෂණය, බලහත්කාර විවාහ ආදිය ලෙස ප්‍රචණ්ඩත්වයන් සිදුවිය හැකිය.

කාන්තාවන්ට එරෙහි ස්ත්‍රී පුරුෂ සමාජභාවය පදනම් කරගත් ප්‍රචණ්ඩත්වයේ ව්‍යාප්තිය පිළිබඳ සංඛ්‍යා තැතිගන්වන සුළුය. ලෝක සෞඛ්‍ය සංවිධානයේ දත්ත වලට අනුව, ගෝලීය වශයෙන් කාන්තාවන්ගෙන් තුනෙන් එකක් තම ජීවිත කාලය තුළ අවම වශයෙන් එක් වරක් හෝ ප්‍රචණ්ඩත්වය අත්විඳිති.

 කාන්තාවන්ට එරෙහි ස්ත්‍රී පුරුෂ සමාජභාවය පදනම් කරගත් ප්‍රචණ්ඩත්වයේ ව්‍යාප්තිය පිළිබඳ සංඛ්‍යා තැතිගන්වන සුළුය. ලෝක සෞඛ්‍ය සංවිධානයේ දත්ත වලට අනුව, ගෝලීය වශයෙන් කාන්තාවන්ගෙන් තුනෙන් එකක් තම ජීවිත කාලය තුළ අවම වශයෙන් එක් වරක් හෝ ප්‍රචණ්ඩත්වය අත්විඳිති. පසුගිය වසරවලදී Covid 19 වසංගතය හමුවේ වැඩි වන ස්ත්‍රී පුරුෂ සමාජ භාවය මත පදනම් වූ ප්‍රචණ්ඩත්වය ඉහළ ගියේය. තිදෙනෙකුගෙන් එක් අයෙකු පමණ තම ජීවිත කාලය තුළ ලිංගිකව සමීප සහකරුවෙකු අතින් ප්‍රචණ්ඩත්වයට ලක්ව ඇත.ඉන්දියාවේ ගෘහස්ථ ප්‍රචණ්ඩත්වයට පත් වූවන් හඳුනා ගැනීමේදී  පිළිසුම් තුවාල  හේතුවෙන් වාර්ෂිකව කාන්තාවන් 91000ක් මිය යයි. UNFPAහි වාර්තාවන්ට අනුව ශ්‍රී ලංකාවේ කාන්තාවන් සහ ගැහැණු ළමයින්ගෙන් 90%ක් පොදු බස් රථ සහ දුම්රියවල ලිංගික හිරිහැරයන්ට මුහුණ දී ඇති අතර කාන්තාවන්ගෙන් හතර දෙනෙක්ගෙන් එක් අයෙකු වයස අවුරුදු 15 සිට ශාරීරික හෝ ලිංගික හිංසනයන්ට මුහුණ දී ඇති බව වාර්තා කරයි.

මෙම ප්‍රචණ්ඩත්වයෙන් දිවි ගලවා ගත් අය විනාශකාරී ප්‍රතිවිපාකවලට මුහුණ දෙති. බොහෝ දෙනෙකුට දරුණු ශාරීරික තුවාල, අනවශ්‍ය ගැබ් ගැනීම් සහ HIV හෝ වෙනත් ලිංගිකව සම්ප්‍රේෂණය වන ආසාදනවලට නිරාවරණය වීම අත්විඳිය හැකිය. ස්වයං-හානිකර ගැනීම, මානසික අවපීඩනය, කාංසාව සහ පශ්චාත් කම්පන ආතති ආබාධ ද සුලභ වේ. 

ස්ත්‍රීන් ලිංගික ප්‍රචණ්ඩත්වයට පත්වීමෙන් පසු ලක්වී දිවි ගලවා ගත් අය නිතරම වින්දිතයින්ට දොස් පැවරීමට හෝ සමාජීය වශයෙන් නෙරපා හැරීමට ලක් වන අතර, එමඟින් ඔවුන් දරිද්‍රතාවය, හුදකලාව සහ තවදුරටත් ප්‍රචණ්ඩත්වයට ගොදුරු වීමේ අවදානමට ලක්වීම සුලභය.  විටෙක සමහරුන්ට තම අපරාධකරුවන් සමඟ විවාහ වීමට බල කෙරෙයි. තවත් සමහරු තම අත්දැකීම් වාර්තා කිරීම සඳහා පළිගැනීම්වලට මුහුණ දෙති . නිර්දෝෂි කාන්තාව නිරපරාදේ සමාජ සංස්කෘතිය තුළ පීඩාවට පත්වේ.

 

ස්ත්‍රී පුරුෂ සමාජභාවයේ ප්‍රචණ්ඩත්වය අත්විඳින පුද්ගලයන් ජීවත්වීමට ඇති අයිතිය, වධහිංසාවලින් සහ අවමන් සහගත සැලකීමෙන් නිදහස, වෙනස් කොට සැලකීමෙන් නිදහස සහ  ආරක්ෂාව සඳහා ඇති අයිතිය ආදි වශයෙන්  මානව හිමිකම් උල්ලංඝනයෙන් පීඩා විඳිය හැකිය. මේ හේතුවෙන් ඔවුන්ගේ නිදහසට අභිමානයට සහ පුද්ගලික සහ වෘත්තීය වර්ධනයට ඇති අවස්ථා සීමාවේ. ඇතැම් විට හුදෙකලා භාවය මානසික අවපීඩනය නිසා සියදිවි නසා ගැනීමටද ඔවුන් පෙළඹෙයි.

කාන්තාවන්ට එරෙහි හිංසන නැවැත්වීමට දරන ප්‍රයත්නයන්හිදී බොහෝවිට නීතිමය හිඩැස් සහ සමාජ අපකීර්තිය ඇතුළු බාධක වලට මුහුණ දෙයි.  ප්‍රචණ්ඩත්වය සඳහා පුළුල්ව දඬුවම් ලැබිය යුතුය. කාන්තාවන්ගේ සහ ගැහැණු ළමයින්ගේ ස්වාධීනත්වය සහ නිදහස ප්‍රවර්ධනය කිරීම සහ ප්‍රචණ්ඩත්වයෙන් තොර ජීවිතයක් සඳහා කාන්තාවන්ගේ සහ ගැහැණු ළමයින්ගේ අයිතිය සාක්ෂාත් කර ගැනීම සහතික කිරීම සඳහා සැලකිය යුතු උත්සාහයන් තවමත් අවශ්‍ය වේ.

ස්ත්‍රී පුරුෂ සමාජතාවය මත පදනම් වූ ප්‍රචණ්ඩත්වය වැළැක්වීමට කාන්තාවන්ට එරෙහි ප්‍රචණ්ඩත්වය පිළිබඳ ඇති ආකල්ප, ස්ත්‍රී පුරුෂ භාවයේ භූමිකාවන් සහ ඒකාකෘති වෙනස් කිරීම සහ විවිධ ආකාරයේ ප්‍රචණ්ඩත්වය පිළිබඳ දැනුවත්භාවය ඉහළ නැංවීමයි. අධ්‍යාපන ක්‍රමය තුළ, වින්දිතයන් සමඟ වැඩ කරන වෘත්තිකයන් අතර සහ රාජ්‍ය නොවන සංවිධාන, මාධ්‍ය සහ පෞද්ගලික අංශය සමඟ සහයෝගයෙන් කටයුතු කිරීම හා මහජනතාව වෙත ළඟා වීම සඳහා ක්‍රියාමාර්ග ගත යුතුය

ලෝකය පුරා රටවල් සහ සංවිධාන සම්මුති තුළින් ස්ත්‍රී පුරුෂ සමාජ භාවය මත පදනම් වූ ප්‍රචණ්ඩත්වයට එරෙහි සියලු ආකාරයේ වෙනස්කම් තුරන් කිරීමට විවිධ ක්‍රියාමාර්ග ගෙන ඇත.

ඇල්ෆා පිරිමි

 විවිධාකාර පෞරුෂයන්ගෙන් සපිරුණු මිනිසුන් ජීවත් වන ලෝකයක “The Lion of Modern Society” ලෙස හඳුන්වන ඇල්ෆා පිරිමි (Alpha Male) නායකත්වයේ හා විශ්වාසයේ නවීන මූලාකෘතිය වේ.

ඇල්ෆා පිරිමි (Alpha Male) යනු කවුද?

ඇල්ෆා පිරිමියා යන පදය මූලික වශයෙන්ම පැමිණ ඇත්තේ සත්ත්ව රාජධානි හරහාය. සත්ත්ව කණ්ඩායමක සිටින වඩාත්ම බලවත් හා ප්‍රබල සත්ත්වයා “ඇල්ෆා” ලෙස සඳහන් කර ඇත. මෙහිදී ඉහළ තත්ත්වය, හොඳම සහකරුවන් හා ආහාර මොහුට හිමි වූ අතර කණ්ඩායම මෙහෙයවීම හා ආරක්ෂා කිරීමේ වගකීම ද පැවරී තිබුණි. මේ ආකාරයටම සමාජයේ දක්නට ලැබෙන වඩාත් සාර්ථක, ශක්තිමත් සහ ප්‍රබල ආකර්ශණීය පුද්ගලයින් ඇල්ෆා පිරිමි ලෙස හඳුනා ගත හැකි ය. ඇල්ෆා පිරිමියෙකු බොහෝ විට දක්නට ලැබෙන්නේ ආත්ම විශ්වාසය, ඔරොත්තු දීමේ හැකියාව සහ තම අරමුණු මත කැපවී ක්‍රියාකරන්නෙකු ලෙස ය. ආක්‍රමණශීලීත්වයෙන් තොරව අන් අයට මඟ පෙන්වීමක් ලබා දෙන හා චිත්තවේගීය බුද්ධිය සමඟ තම බලය තුලනය කරන්නෙකු ලෙස ද කැපී පෙනේ. මොවුන්ගේ මූලික අරමුණ තම දියුණුව සාක්ෂාත් කර ගැනීම වන අතර බිය, සැක හා අනාරක්ශිතභාවය පිළිබඳව මොවුන් තම අවධානය යොමු නොකරයි. ඇල්ෆා පිරිමින් තම අරමුණු සාක්ෂාත් කර ගැනීමේදී අන් අයගේ අවසරය හා කැමැත්ත මත රඳා නොපවතින අතර තමාටම ආවේණික වූ නීති රීති හා සාරධර්ම මත කටයුතු කරයි. කාන්තාවන් ආකර්ෂණය කර ගැනීමට හා වසඟ කර ගැනීමට මොවුන් දක්ෂ වේ. ඇල්ෆා පිරිමි පුද්ගලයෙකු උපතින්ම මෙම ගුණාංග වලට උරුමකම් නොකියන අතර කාලයත් සමඟ එම ගුණාංග වර්ධනය කර ගනු ලබයි.

ඇල්ෆා පිරිමි පුද්ගලයෙකු සතු ගති ලක්ෂණ ප්‍රධාන වශයෙන් පහත පරිදි හඳුනා ගත හැකිය.

ඉහළ ආත්ම විශ්වාසය

ඇල්ෆා පිරිමියෙකු සතු ප්‍රධානම ලක්ෂණයක් වන්නේ තම අරමුණු හා හැකියාවන් පිළිබඳ ඉහළ විශ්වාසයකින් යුක්තව කටයුතු කිරීමයි. තමා ලබා ගත් ජයග්‍රහණයන් පිළිබඳව අධිතක්සේරුවෙන් කතා කිරීමට ඇල්ෆා පිරිමින් කිසිම අවස්ථාවකදී කැමැත්තක් නොදක්වන අතරම ඔවුන්ට ඒ සඳහා අවශ්‍යතාවයක් ද නොමැත. තම වටිනාකම් ඉතා හොඳින් හඳුනන අතරම තම ආත්ම විශ්වාසය බිඳ දැමීමට කිසිම අයෙකුට මොවුන් විසින් ඉඩ දෙන්නේ ද නැත. එමෙන්ම ඇල්ෆා පිරිමින් සතු ප්‍රධානතම ලක්ෂණයක් වන්නේ කටහඬ, ශරීර භාෂාව ( Body Language) සහ අක්ෂි සබඳතා (Eye contacts) හරහා තමා තුළ ඇති විශ්වාසය ප්‍රදර්ශනය කිරීමයි. ඒ හරහා ස්වාභාවිකවම සෙසු අය තමා වෙත ආකර්ෂණය කර ගැනීමට මොවුන් සමත් වේ. සැබෑ ආත්ම විශ්වාසය ඇල්ෆා පුරුෂයාට පීඩනය යටතේ වුව ද සන්සුන්ව සිටීමට උපකාරී වන අතර අවදානම් තත්ත්ව පාලනය කර ගැනීමට සහ ඔහු වටා සිටින අය කෙරෙහි විශ්වාසය හා ගරුත්වය ඇති කිරීමටද ඉඩ සලසයි.

නායකත්වය

ඇල්ෆා පිරිමියෙකු ස්වභාවිකවම වගකීම් හා නායකත්වය භාර ගන්නා අයෙකි. තමාගේ කාර්යයන් සිදුකිරීමට අන් අය පසුපස හඹායාම සිදු නොකරන අතර තමාගේම දැක්මක් සමඟ අධිෂ්ඨානයෙන් යුතුව කැපකිරීම් සමගින් තම අරමුණු කරා ගමන් කරයි කරයි. තම ආදර්ශමත්භාවයෙන් නායකත්වය ලබාදෙන අතර අන් අයගේ අදහස් සහ යෝජනාවලට ගරු කරයි. නමුත් එම අදහස් හෝ යෝජනා තම ඉදිරි දැක්ම කෙරෙහි බලපෑමක් කර නොගනියි. ඔහු අන් අය තමා පසුපස ගෙන්වා ගැනීමට හෝ බලහත්කාරයෙන් තම බලය පැතිරවීමට උත්සහ නොකරයි.

අධිෂ්ඨානශීලීබව

ඇල්ෆා පුරුෂයෙකු තම අදහස් හා යෝජනා ඉදිරිපත් කිරීමට කිසිසේත් මැලි නොවන අතර ඔහු තම වටිනාකම් පිළිබඳව විශ්වාස කර‍යි. අයුක්තියට හා අසාධාරණයට එරෙහි වන අතරම ඔහු තම කාර්යවලදී අන් අයගේ අදහස් හා විවේචන නොසලකා හරිමින් අධිෂ්ඨානශීලීව තම අරමුණු කරා ගමන් කරයි.

ස්වයං පාලනය

ඇල්ෆා පිරිමියෙකුට තම හැඟීම් සහ ආවේග පාලනය කිරීම හා නියාමනය කළ හැකිය. ඔහු කෝපයට, බියට හෝ කලකිරීමට පත් නොවේ. ආවේගශීලීව හෝ නොසැලකිලිමත්ව ක්‍රියා නොකරන අතර තම අවධානය සහ පරීක්ෂාවන් වෙනතකට යොමු කිරීමේ විශේෂ හැකියාවක් පවතී. අනවශ්‍ය ඇබ්බැහිවීම් වලට හසු නොවෙයි. තම ශක්තිය හෝ කාලය සුළු කාරණා සඳහා වැය නොකරන අතරම වගකීම් පැහැර හැරීම හෝ කල්දැමීම සිදු නොකරයි.

ආශාවන්

ඇල්ෆා පිරිමියෙකුට ජීවිතයේ අරමුණු හා ඉලක්ක පවතින අතර ඒවා සාක්ශාත් කර ගැනීමට දැඩි ආශාවකින් යුක්තව කැපවීමෙන් හාඅධිෂ්ඨානයෙන් ක්‍රියා කරයි. ඔහු සෑම විටම අලුත් දේවල් ඉගෙන ගැනීමට හා අත්හදා බැලීම් සිදු කිරීමට ආශා කරයි. ඔහු තමාටම අභියෝග කරගන්නා අතර උද්‍යෝගයෙන් යුතුව තම ආශාවන් පසුපස හඹා යයි.

ඇල්ෆා පෞරුෂයන් සහිත වර්තමාන ලෝකයේ උදාහරණ බොහෝ ය.

එක්සත් ජනපදයේ හිටපු ජනාධිපති බැරැක් ඔබාමා මේ සඳහා එක් නිදසුනකි. ඔහු ලෝකයේ තම දැක්ම හා අරමුණු, කඩවසම්භාවය, කථන විලාශය හා රාජ්‍ය තාන්ත්‍රික සබඳතා හරහා ආකර්ශණය දිනා ගත් පුද්ගලයෙකි. ඔහුට එල්ල වන විවේචන හමුවේ නිර්මාණාත්මකව හා දූරදර්ශී ආකාරයට ක්‍රියා කරමින් තම නායකත්වය විදහා පෑමට ඔහු දක්ෂයෙකි. එමෙන්ම දුෂ්කර අවස්ථා වලදී දැඩි තීරණ ගැනීම තම අරමුණු කරා නොබියව ගමන් කිරීම ද ඔහුගේ ලක්ෂණයකි.

එමෙන්ම ටෙස්ලා සමාගමේ ව්‍යවසායකයා හා නිර්මාතෘ වන එලෝන් මාස්ක්ද උද්‍යෝගිමත් ඇල්ෆා පිරිමියෙකු සඳහා කදිම නිදසුනකි. දේශගුණික විපර්‍යාස, අභ්‍යවකාශ ගවේෂණය හා කෘතිම බුද්ධිය පිළිබඳ නව අත් හදා බැලීම් සිදු කරන ඔහු තම අරමුණු යථාර්තයක් කර ගැනීමට මහත් පරිශ්‍රමයක් දරන පුද්ගලයෙකි.

එමෙන්ම සුප්‍රකට පාපන්දු ක්‍රීඩක ක්‍රිස්ටියානෝ රොනාල්ඩෝ ද මේ සඳහා තවත් නිදසුනකි ඔහුගේ අධිෂ්ඨානශීලීබව, ආචාර ධර්ම හා නායකත්වය දීමට ඇති හැකියාව ඇල්ෆා පිරිමියෙකුගේ ලක්ෂණ මනාව ලෝකයට විදහා දක්වයි.

තවද රංගනය තුළින් ලෝක ප්‍රසිද්ධියට පත් විල් ස්මිත්, ඉන්දියානු ක්‍රිකට් ක්‍රීඩක විරාත් කෝලි, ඉන්දියානු අගමැති නරේන්ද්‍ර මෝදි වැනි ලෝකයේ ආකර්ෂණය හා අවධානය දිනා ගත් සුවිශේෂ පුද්ගල චරිතයන් ද ඇල්ෆා ලක්ෂණ සහිත පෞරුෂයන් සඳහා නිදර්ශන සපයයි.

ඇල්ෆා පිරිමියෙකු යනු විශ්වාසය, ආත්ම දමනය, කැපවීම හා ආශාව සංකලනය කරගත් පෞරුෂත්ව සංකලනයකි. මෙම ලක්ෂණ හරහා ඔහුව සමාජයේ අනෙකුත් පුද්ගලයන් අතර කැපී පෙනීමට සලස්වන අතර අන් අයගේ ආකර්ෂණය හා අවධානය දිනා ගැනීමටද උපකාරී වේ. තම අරමුණු වෙනුවෙන් කැපවී ක්‍රියා කරන මොවුන් හොඳ නායකයෙක්, උපදේශකයෙක්, මිතුරෙක් ලෙස සමාජයේ කැපී පෙනේ.

ඇල්ෆා පිරිමියෙකු වීම යනු “ ඔබ තුළ සිටින හොඳම කෙනා ඔබ විසින්ම එළියට ගැනීමයි”

Alpha personality (male)

Alpha personality (male)

   The concept of the "alpha male" personality has long been a topic of interest in discussions about human behavior, psychology, and social dynamics. The term "alpha male" is borrowed from animal behavior studies, where it originally described the dominant male in a pack of social animals, like wolves or primates. The alpha male is seen as the leader who commands respect, controls resources, and ensures the survival and success of the group. In human culture, this idea has been translated into a social construct that identifies certain men as naturally dominant, assertive, and often successful in life, whether in leadership, business, or social situations. However, it is essential to explore this concept in more depth to understand both its nuances and the controversy surrounding it.                                                                                        

   In social situations, the alpha male is often seen as a leader, someone who naturally gravitates toward positions of authority or responsibility. Whether in a business setting, a group of friends, or even in romantic relationships, the alpha male is frequently depicted as taking charge and setting the tone. This leadership often comes from an internal sense of self-assurance, which can manifest as calmness under pressure and the ability to make decisions quickly and confidently.

   Another characteristic often attributed to the alpha male personality is physical presence. While modern psychology emphasizes that leadership and dominance are more than just physical traits, the traditional view of the alpha male includes attributes like strength, fitness, and an imposing stature. This stereotype has been reinforced by media portrayals of powerful men in sports, politics, and action films.

 

   The strengths of the alpha male personality are often apparent in competitive environments. One of the most obvious is leadership. Alpha males are often effective leaders because they can inspire confidence in others. Their assertiveness means they are not afraid to take risks or make tough decisions, which can be crucial in business, politics, or other high-stakes situations. Their natural inclination to lead allows them to quickly assess situations and direct teams toward common goals, making them valuable in group dynamics where a clear sense of direction is needed.

   Furthermore, alpha males often exhibit a strong sense of independence. This is a double-edged sword, as it allows them to stand on their own and face challenges head-on without seeking approval from others. Independence in thought and action often leads to innovation and success, especially in entrepreneurial ventures where taking calculated risks is part of the process. An alpha male's ability to trust his own judgment and make decisions swiftly can give him a competitive edge.

   Another strength is resilience. Alpha males tend to be highly goal-oriented, and this focus often equips them with a strong work ethic and determination. They are unlikely to give up in the face of adversity, viewing setbacks as challenges to overcome rather than reasons to quit. This trait often contributes to their success in various arenas, from career achievements to personal growth.                                                                                                                                             

   Socially, alpha males can be very charismatic. Their confidence and assertiveness often make them attractive to others, both romantically and in friendships. People are drawn to strong personalities, and the alpha male’s sense of purpose and direction can provide a sense of security for those around him. This social magnetism is another reason why alpha males are often seen as natural leaders.

 

   While the alpha male personality has certain strengths, it has also been the subject of much criticism, especially in recent years as society’s understanding of gender roles and power dynamics has evolved. One of the primary criticisms is that the concept of the alpha male reinforces toxic masculinity. By encouraging men to prioritize dominance, aggression, and control, the alpha male archetype can contribute to unhealthy behaviors and attitudes, particularly when it comes to relationships and social interactions.

   Toxic masculinity refers to cultural norms that associate masculinity with aggressive behavior, emotional repression, and a sense of entitlement over others. In this context, the alpha male archetype can promote unhealthy competition, violence, and the suppression of vulnerability. For example, men who strive to fit the alpha male mold may feel pressure to hide their emotions, maintain a facade of invincibility, and engage in overly aggressive behavior to assert their dominance, even when cooperation or emotional expression would be more appropriate.                                                                     

   In today’s workplaces, for example, successful leaders are often those who demonstrate empathy, collaboration, and effective communication—qualities that were not historically associated with the alpha male personality. These qualities are critical in diverse, complex environments where cooperation and understanding are necessary for success. A modern alpha male is someone who can balance assertiveness with empathy, confidence with humility, and strength with vulnerability.                                                                                                                                                                              The alpha male personality remains a powerful concept in discussions of male behavior, leadership, and success. While traditionally associated with dominance, assertiveness, and physical strength, the modern understanding of the alpha male is evolving to include emotional intelligence, cooperation, and a more balanced approach to power. The traditional alpha male archetype has its strengths, particularly in competitive and leadership roles, but it also has significant limitations and criticisms, especially in relation to toxic masculinity and unrealistic expectations.

   In the end, the alpha male personality is one of many ways to understand male behavior and leadership, but it is not the only way. As society continues to challenge and redefine gender roles, it is likely that the concept of the alpha male will continue to change, reflecting a broader and more inclusive understanding of what it means to be strong, successful, and male in the modern world.

ජිවිතය පෙරලූ රිය අනතුර

ජිවිතය පෙරලූ රිය අනතුර

මානව ක්‍රියාකාරකම් හේතුවෙන් ඇතිවන ආපදා මානුශිය ආපදා ලෙස හැඳින්වේ.රිය අනතුරු එවන් ආපදා අතර ප්‍රධාන ස්ථානයක් ගනී . රිය අනතුරක් යනු මාර්ගයේ වාහන අතර හෝ වාහන හා පදිකයන් අතර ඇතිවන අනතුරක් වන අතර, එය ජීවිත හා දේපළ සඳහා දැඩි හානි සිදුකරනු ලබයි.

මීට වසර දෙකකට ප්‍රථම බස් රථයක් හා ලොරි රථයක් එකිනෙක ගැටීමෙන් සිදු වූ රිය අනතුරක මතකය ආවර්ජනය කරමින් එම අත්දැකීමට මුහුණ දුන් බස් රථ මගියෙක් අද අපිත් එක්ක තොරතුරු බෙදාගන්න එකතු වෙලා ඉන්නව.

නිවේදකයා :- ආයුබෝවන් මහත්මා ඔබට පුළුවන්ද ඔබ මුහුණ දුන් අනතුර ගැන පොඩි විස්තරයක් කරන්න.

දත්ත දායකයා:- ආයුබෝවන් ඔව් පුළුවන්. ඒ සිදුවීම නම් හිතාගන්නවත් බැරි විදිහට හදිස්සියේම සිදුවන රියනතුරක්.එදා මම බස් එකෙ නැගලා  ටවුන් එකට යන්න තමයි ගියේ .ඒ වෙලාවේ ගොඩක් වේගෙන් ආපු ලොරි  රථයක් එකපාරම ඇවිල්ල බස් එකේ හැප්පුනා.බස් එකේ හිටපු මිනිස්සු එක පාරම ඉස්සරහට විසි උනා ඩ්‍රයිවර් නම් එදා එතනම නැති උනා ඒවගේම ඉස්සරහ සීට් එකේ හිටපු තවත් එක මනුස්සයෙක්  මට මතක විදියට නැති වුණා. අනිත් මගීන්ට  නම් ජීවිත හානි නොවුනට , තුවාල වගේ කායික ආබාධයන්ට ලක්වුනා.එදා මගේ කකුලක් සීට් එකේ වැදිලා ඇතිවුන තුවාලේ කැලලක්  තාමත් තියෙනවා මහත්තයෝ..

නිවේදකයා:- මේ රිය අනතුර හින්දා ඔබට ඇතිවුණු හානි මොන වගේද?

දත්ත දායකයා:- මම දියවැඩියා රෝගයට බෙහෙත් ගන්න කෙනෙක්. එදා අනතුර හින්දා මගේ කකුලෙ තුවාලයක්ඇතිවුණා. ඒකත් එක්කම මගේ රෝගී තත්ත්වය උත්සන්න වුණා.මට තියෙන  රෝගී තත්වේ නිසා තුවාලය සුව කරගැනීමටත් මට කාලයක් ගත වුණා.ඒ වගේම එදා ඇතිවුණු කම්පනයත් එක්ක ලොකු බිඳවැටීමකට මම පත්වුණා.මේ වෙලාවේ ඇතිවුණු මානසික ආතතිය මට විස්තර කරන්න බැරි තරම්..මට විතරක් නෙවෙයි මේ හැඟීම් බස් එකේ හිටපු හැමෝටම දැනෙන්නැති කියලා මං හිතනවා. ඒ වගේම මේ අනතුර හින්දා ඇතිවෙච්ච ලොකුම හානි සිදුවුණේ බස් එකට,  බස් රථයේ ඉදිරි වීදුරුව ගැලවී යන තරම් වේගයෙන් ඇවිත් ලොරි රථයේ හැප්පුනා නම් මේ නිසා බස් එකට ගොඩක් ලොකු හානියක් වුණා.

නිවේදකයා:- මේ සිද්ධිය ඔබතුමාගේ ආර්ථිකයට බලපෑමක් ඇති කරාද? ඒ බලපෑම් මොන වගේද?

දත්ත දායකයා :- රිය අනතුර හින්ද මගේ කකුල තුවාල වුණා. ඒත් එක්කම මට ඇවිදින්න පවා අපහසු වුණා. මේ නිසා මගේ රැකියාව කරගෙන යාමට පවා මට දුෂ්කරතාවයන් මතුවුණා.තුවාලය සනීප කර ගැනීමට බෙහෙත් ගැනීමේදී ත්  ගැටලුවලට මුහුණ දෙන්න මට සිද්ධ වුණා. රැකියාවට යාමට නොහැකි වීම නිසා ආර්ථිකය කඩා වැටීමකට ලක්වුණා. මගේ රැකියාව වුණේ පොලේ බඩු විකුණන එක මහත්තයෝ. පවුලේ ගෘහ මූලිකයා වශයෙන් මගේ රැකියාව කිරීමට  නොහැකි වීම නිසා පවුලේ අයටත් දැඩි ආර්ථික අපහසුතාවලට මුහුණ දීමට සිදු වූ කාලයක් තමයි උද්ගත වෙලා තිබ්බෙ. 

නිවේදකයා:- බොහොම කණගාටුයි ඔබට සිදුවූ දේ පිළිබඳව මට තවත් දෙයක් දැනගන්න ඕනේ මේ අනතුරට මුහුණ පෑව  අනෙක් පාර්ශවයට මොකද උනේ ?

දත්ත දායකයා:- අහ්  ඔබතුමා අහන්නේ ලොරි රථයේ හිටපු රියදුරා ගැන  වෙන්න ඇති ලොරි රථයේ හිටියේ එක්කෙනෙක් ඒ ඩ්‍රයිවර් මහත්තයා බීමතින් පදවපු හින්දා තමයි ලොරිය ඇවිත් බස් එකේ හැප්පුනෙ කියලා තමයි අපිට කිව්වේ දැන් නම් ඒ මනුස්සයා මේ කරපු වරදට අවුරුදු ගානකට හිරේ ගිහින් ඉන්නේ මයෙ හිතේ .

නිවේදකයා :- රිය අනතුර හින්ද නීතිමය වශයෙන් සාධාරණයක් ඔබතුමාට සිදුවුණාද? 

දත්ත දායකයා  :- ඇත්තටම කිව්වොත් ඒ ගැන නම් කතා කරන්නත් කනගාටුයි මහත්තයෝ.. එදා වෙච්ච අනතුර හින්දා ලොරියේ හිටපු ඩ්‍රයිවර් හිරේ ගියපු එක විතරයි සිද්ධ උනේ ,අනතුරට ලක් වෙච්ච මගීන් ගැන කවුරුත් හොයලා බැලුවේ නෑ. මං මගේ පෞද්ගලික වියදමින් තමයි මට ඇතිවෙච්ච තුවාලෙට බෙහෙත් කරේ ,මං හිතන විදියට අනිත් මගින්ටත් එහෙම වෙන්න ඕනේ .අපිට ඇති වෙච්ච ලෙඩ රෝග වලටත් ආධාරයක් ලබාදීම සිද්ධ කළේ නෑ. ලබා දුන්න එකම සාදාරනය තමයි අපිට මේ අනතුර සිදුවීමට හේතුව වූ රියදුරා  අත්අඩංගුවට ගෙන සිරගත කිරීම..

නිවේදකයා:- මං තව දෙයක්  ඔබගෙන් අහන්න කැමතියි, මේ රිය අනතුරට මුහුණ දීමෙන් ඔබ ලැබූ අත්දැකීම් මොන වගේද ?

දත්ත දායකයා :- එදා සිද්ධ වෙච්ච දෙයින් පස්සේ තාමත් මම බස්වල ගමන් කරන්නේ බයෙන්..මේ හින්ද මට සෞඛ්‍ය ප්‍රශ්න, ආර්ථික ප්‍රශ්න ඇති වුණා ,මේ වගේ අනතුරකින් පස්සේ මිනිස්සුන්ගේ ජීවිතේ ගොඩක් අභියෝගාත්මකයි. ඉතින් මං ඒ දේවල්වලට මුහුණ දුන්නා මගේම උත්සාහයෙන්.. මං ඔබතුමාට කිව්වනේ මට රජයෙන් ආධාරයක් ලැබුනේ නැහැ ,මං තනි උත්සාහයෙන් නැගිටලා ආපහු යථා තත්ත්වයට ආවා දැන් මගේ තුවාලේ සනීපයි. මං ආයෙත් මගේ පරණ පුරුදු රස්සාව කරගෙන ඉන්නවා මහත්තයෝ..

නිවේදකයා:- මෙච්චර වෙලා මාත් එක්ක සුහදව අත්දැකීම් බෙදා හදාගත්ත ඔබතුමාගේ අවසාන වශයෙන් ප්‍රශ්නයක් අහන්න කැමතියි. මේ වගේ රිය අනතුරු වළක්වා ගන්න අපි කරන්න ඕනෙ මොනවද ?ඒ සම්බන්ධයෙන් ඔබතුමා දරන්නේ මොනවගේ මතවාදයක්ද? 

දත්ත දායකයා :- මම නම් හිතන්නේ රියදුන්  අතෙන් සිදුවන වැරදි වළක්වා ගත්ත නම් බොහෝ දුරට මේ අනතුරු වළක්වා ගන්නන පුළුවන්. මිනිස්සු බීලා වාහන එලවනවා ඉතිං මහ මග ඉන්න අහිංසක මිනිස්සු නිරපරාදේ  මැරිලා යනවා ,මේවට නීතිමය ක්‍රියාමාර්ග ත් ගත්ත නම් යම්තාක් දුරකට අපිට මේවා අඩු කරගන්න පුළුවන් වෙයි. මං කියන්නේ  නැ රියදුරු විතරක් සැලකිලිමත් වෙන්න ඕනි කියලා. මගින්ගේ අතිනුත් මේකේ වගකීමක් තියෙනවා. මේ දෙගොල්ලොම හරියට කටයුතු කරා නම් මේ රිය අනතුරු වළක්වා ගන්න පුළුවන් අපිට..

නිවේදකයා :- ගොඩක් ස්තුතියි අපිත් එක්ක මේ අත්දැකීම් බෙදා හදාගන්න එකතු උනාටනැවත කිසිම දිනකොට මෙවන් අනතුරකට මුහුණ පෑමට ඔබට හෝ කිසි කෙනෙකුටත් නොවේවායි මා හදවතින්ම ප්‍රාර්ථනා කරනවා ....

*රිය අනතුරු වළක්වා ගැනීම සඳහා මාර්ග නීති පිළිපැදීම, වාහන නඩත්තු කිරීම, සුරක්ෂිත රියදුරන් ලෙස කටයුතු කිරීම අත්‍යවශ්‍ය වේ. එමෙන්ම අනතුරෙන් පසුව ලබාගත හැකි රාජ්‍ය සහ පුද්ගලික සහයෝගිතා පිළිබඳව දැනුවත් වීම ,මෙවැනි මානුෂිය  ආපදා  කළමනාකරණය කිරීම සඳහා හේතුවෙයි*