ඉංග්රීසී භාෂා සන්නිවේදනය : බිය නොවී වෘත්තීය ලෝකයට පිවිසෙන මග
අද ලෝකය ගෝලීයකරණය වී ඇති සමයක, රටවල් අතර සීමා ඉක්මවා සන්නිවේදනය සිදුවන්නේ ප්රධාන වශයෙන් ඉංග්රීසී භාෂාව මගිනි.අධ්යාපනය,තාක්ෂණය,ව්යාපාර හා වෘත්තීය ක්ෂේත්ර වල ඉංග්රීසී භාවිතය විශාල වශයෙන් වර්ධනය වී ඇත.ඒ අනුව බියනොවී වෘත්තීය ලෝකයට පිවිසෙන මග මෙලෙස ඉංග්රීසි භාෂා සන්නිවේදනය හරහා සිදුවන්නේ කෙලෙසද?
වර්තමාන වෘත්තීය ලෝකයේ ප්රසිද්ධ ආයතනවල හෝ විදේශ රැකියා වල හෝ අන්තර්ජාලය හරහා රැකියා සිදුකරනවිට හෝ විදේශ ගනුදෙනුකරුවන් සමග සන්නිවේදනය කරන විට හෝ මෙම කුමන අවස්ථාවක වුවද ඉංග්රීසී භාෂාව භාවිතා කිරීම වෘත්තීය ලෝකයට පිවිසීමේ මාර්ගය පහසුවෙන් විවෘත කරනු ලබයි.නිදසුන් ලෙස පහත අවස්ථා කෙරෙහි අවධානය යොමු කර බලන්න.
01.සම්මුඛ පරීක්ෂණයකදී ඔබේ පෞරුෂය සහ දැනුම විදහා දැක්වීම
02.ආයතනික සන්නිවේදනය වෘත්තීය මට්ටමින් පවත්වා ගැනීම
03.යම් අවස්ථාවක ඔබේ අදහස් හා යෝජනා අන් අය ඉදිරියේ ඉදිරිපත් කිරීම
04.දෙස් විදෙස් ගනුදෙනුකරුවන් සමග විශ්වාසවන්තව කටයුතු කිරීම
යන අවස්ථා රැකියා ලෝකයේදී ඉංග්රීසි භාෂා සන්නිවේදනය වැදගත් වන ප්රධාන අවස්ථා බව අපට හදුනාගත හැක.
අද වනවිට ඉංග්රීසි භාෂා සන්නිවේදනය දියුණු කරගත හැකි ක්රම ඕනෑතරම් අපට හමුවේ. තනිව වුවද එම හැකියාවන් දියුණුකර ගැනීමේ හැකියාව අප සතුව පවතී.එනම් දිනපතා සරලව ඉංග්රීසී බසින් එකිනෙකා සමග කතා කිරීම, short film/prodcast යනාදිය නැරඹීම,ඉංග්රීසී ලිපි කියවීම යනාදී සරල ක්රම මගින් මෙම සන්නිවේදන හැකියාව ඇතිකරගත හැකි බව පැහැදිලි වේ.
වෘත්තීය මට්ටමින් ඉහළට යන විට ඉංග්රීසි භාෂා ප්රවීණතාවය යනු හුදෙක් අමතර සුදුසුකමක් නොව, ඔබේ වෘත්තීය ගමනේ වේගය සහ දිශාව තීරණය කරන ප්රධානතම සාධකයකි. ඔබ ආයතනික ඉණිමඟේ ඉහළට යන විට, ඔබට හමුවන වගකීම් සහ අභියෝග දේශීය සීමාවන්ගෙන් ඔබ්බට ගොස් ගෝලීය මට්ටමට විහිදේ. එවැනි අවස්ථාවක ලෝකයේ පොදු ව්යාපාරික භාෂාව වන ඉංග්රීසි හැසිරවීමට ඇති හැකියාව, ජාත්යන්තර ගනුදෙනුකරුවන් සහ විදේශීය සගයන් සමඟ විශ්වාසයෙන් යුතුව කටයුතු කිරීමට ඔබට මග පාදයි.
විශේෂයෙන්ම කළමනාකරණ සහ විධායක මට්ටමේ තනතුරු වලදී, තීරණ ගැනීම සහ නායකත්වය ලබා දීම සඳහා පැහැදිලි සන්නිවේදනයක් අත්යවශ්ය වේ. රැස්වීම් මෙහෙයවීම, ව්යාපාරික යෝජනා ඉදිරිපත් කිරීම සහ සංකීර්ණ ගැටලු නිරාකරණය කිරීමේදී ඔබේ අදහස් නිරවුල්ව සහ තර්කානුකූලව ඉංග්රීසියෙන් ප්රකාශ කිරීමට හැකි වීමෙන් ඔබේ වෘත්තීය පෞරුෂය ඉස්මතු වේ. මෙය ආයතනය තුළ ඔබේ මතයට ලැබෙන වටිනාකම ඉහළ නැංවීමටත්, අනෙක් අයගේ ගෞරවය දිනා ගැනීමටත් සෘජුවම බලපායි.
මීට අමතරව, ඕනෑම ක්ෂේත්රයක නවතම දැනුම, තාක්ෂණය සහ ගෝලීය ප්රවණතා පිළිබඳ තොරතුරු මුලින්ම ප්රකාශයට පත් වන්නේ ඉංග්රීසි භාෂාවෙනි. එබැවින්, ඉහළ තනතුරක සිටින වෘත්තිකයෙකු ලෙස නිරන්තරයෙන් යාවත්කාලීන වීමටත්, ලොව පුරා විසිරී සිටින ප්රවීණයන් සමඟ සම්බන්ධතා ගොඩනඟා ගැනීමටත් (Networking) මෙම භාෂාමය හැකියාව විශාල පිටුවහලක් වේ. අවසාන වශයෙන්, ඉංග්රීසි භාෂාව මැනවින් හසුරුවන වෘත්තිකයින්ට වඩාත් ඉහළ වැටුප් තලයන් සහ ජාත්යන්තර මට්ටමේ රැකියා අවස්ථාවන් සඳහා ප්රවේශ වීමේ වැඩි ඉඩකඩක් පවතී.
ඒ අනුව ඉංග්රීසි භාෂා සන්නිවේදනය මගින් බියනොවී වෘත්තීය ලෝකයට පිවිසීමට හැකියාව ලැබෙන බවට නිගමනය කළ හැකි ය.
ඇසළ පුර පසළොස්වක පොහොය දිනය බෞද්ධ ඉතිහාසයේ සුවිශේෂී ස්ථානයක් හිමි කර ගන්නා ආගමික සිදුවීම් සමුදායකට සම්බන්ධ වේ. බුද්ධ ශාසනයේ මූලික සිදුවීම් ග...
Every year on July 11, the world pauses to reflect on a powerful reality , our growing population. But World Population Day isn’t just about...