ජාත්‍යන්තර සංක්‍රමණිකයන්ගේ දිනය ලෙස සැලකෙන්නේ මිලියන සංඛ්‍යාත සංක්‍රමණිකයන් ඔවුන්ගේ සත්කාරක රටවල ආර්ථිකයන් සදහා කරන ලද දායකත්වය සහ ඔවුන්ගේ මූලික මානව අයිතිවාසිකම් වලට ගරු කිරීම ප්‍රවර්ධනය කිරීම සදහා වන දායකත්වය හදුනා ගැනිමේ අවස්ථාවක් ලෙසය.
සෑම වසරකම දෙසැම්බර් 18 වන දින ලොවපුරා ජාත්‍යන්තර සංක්‍රමණික දිනය සමරයි.සංක්‍රමණිකයන් මුහුණ දෙන අභියෝග ඉස්මතු කරමින් ඔවුන්ගේ වැදගත් දායකත්වය හදුනා ගැනීමට වෙන් කරන ලද දිනයක් ලෙස අද දිනය හදුනා ගත හැකිය.
2000 දෙසැම්බර් 4 වන දින එක්සත් ජාතීන්ගේ මහා මණ්ඩලය ලෝකයේ විශාල සහ වැඩිවන සංක්‍රමණිකයන් සංඛ්‍යාව සැලකිල්ලට ගනිමින් දෙසැම්බර් 18 දින ජාත්‍යන්තර සංක්‍රමණික දිනය ලෙස නම් කලේය.1990 දී මෙම දිනයේදී සියලුම සංක්‍රමණික සේවකයන්ගේ සහ ඔවුන්ගේ පවුල් වල සාමාජිකයින්ගේ අයිතිවාසිකම් ආරක්ෂා කිරීම පිලිබද ජාත්‍යන්තර සම්මුතිය සභාව විසින් අනුමත කරන ලදි.
සෑම වසරකම දෙසැම්බර් 18 දින එක්සත් ජාතීන්ගේ සංවිධානය සංක්‍රමණය සදහා වූ ජාත්‍යන්තර සංවිධානය (IOM)හරහා ජාත්‍යන්තර සංක්‍රමණිකයන්ගේ දිනය යොදා ගනිමින් අභ්‍යන්තරව අවතැන් වූ මිලියන 41කට වැඩි සංඛ්‍යාවක් ඇතුලුව දළ වශයෙන් මිලියන 272ක සංක්‍රමණිකයන් විසින් කරන ලද දායකත්වය ඉස්මතු කරයි.
IOM හි 500 කට ආසන්න රටේ කාර්‍යාල සහ උප කාර්‍යාල මෙන්ම රාජ්‍ය ජාත්‍යන්තර සහ දේශීය සිවිල් සමාජ හවුල්කරුවන් විසින් සංවිධානය කරන ලද සිදුවීම් මගින් සහය දක්වන මෙම ගෝලීය උත්සවය , සංක්‍රමණ මාර්ගෝපදේශනය වෙනුවෙන් පෙනී සිටීම සදහා පුලුල් පරාසයක සංක්‍රමණ තේමා,සමාජ සහජීවනය,අභිමානය,සූරාකෑම,සහයෝගීතාවය පරීක්ෂා කරයි.මානුෂිය හා විධිමත් සංක්‍රමණය සංක්‍රමණිකයන්ට සහ සමාජයට ප්‍රතිලාභ ලබා දෙයි යන මූලධර්ම මගිනි.
1997 දී පිලිපීනය සහ අනෙකුත් ආසියානු සංක්‍රමණික සංවිධාන දෙසැම්බර් 18 සංක්‍රමණිකයන් සමග සහයෝගීතාවයේ ජාත්‍යන්තර දිනය ලෙස සැමරීම සහ ප්‍රවර්ධනය කිරීම ආරම්භ කලේය.මෙම දිනය තෝරාගනු ලැබුවේ 1990 දෙසැම්බර් 18 වන දින එක්සත් ජාතීන්ගේ සංවිධානය විසින් සියලුම සංක්‍රමණිකයන්ගේ අයිතිවාසිකම් ආරක්ෂා කිරීම පිළිබද ජාත්‍යන්තර සම්මුතිය සම්මත කරන ලද බැවිනි.1999 අග භාගයේදී එක්සත් ජාතීන්ගේ සංක්‍රමණිකයෙකු නිල වශයෙන් නම් කිරීම සදහා අන්තර්ජාල හරහා ප්‍රචාරක කටයුතු ආරම්භ කරන ලදි.අවසානයෙ 2004 දෙසැම්බර් 4 දින ප්‍රකාශයට පත් කරන ලදි.
එක්සත් ජාතීන්ගේ ජාත්‍යන්තර සංක්‍රමණික දිනය ප්‍රකාශයට පත් කිරීම වැදගත් පියවරක් වන අතර සංක්‍රමණිකයන්ගේ ආරක්ෂාව සම්බන්ධයෙන් සැලකිලිමත් වන සියලු දෙනා සදහා පෙළගැස්මක් ඉදිරිපත් කරයි.සංක්‍රමණිකයන්ගේ මානව හිමිකම් සහ මූලික නිදහස පිලිබද තොරතුරු බෙදා හැරීම , අත්දැකීම් හුවමාරු කර ගැනීම සහ සංක්‍රමණිකයන්ගේ ආරක්ෂාව තහවුරු කිරීමට ක්‍රියාමාර්ග ගනිමින් මෙම දිනය සැමරීමට එක්සත් ජාතීන්ගේ සංවිධානය සියලුම එක්සත් ජාතීන්ගේ සාමාජික රටවලට , අන්තර් රාජ්‍ය සහ රාජ්‍ය නොවන සංවිධාන වලට ආරාධනා කරයි.
Leo Poornima Nethmini
First Year
Faculty of Arts
