W3 Article 02

 

W3

Waste | Wise | Waves

Phase I

 

Article 2

 

අද අපි කතා කරන්නේ “පරිභෝජනයෙන් පසු ඉවතලන ප්ලාස්ටික්  නැවත භාවිතයට ගත හැකිද?” යන මාතෘකාව ඔස්සේ යි.

 

ඒ සදහා අපි කොළඹ විශ්වවිද්‍යාලයීය ZeroPlastic Colombo Communityහි සාමාජිකාවක් වන කවීෂා හංසි සොයුරියව සම්බන්ධ කරගත්තා.

 

ආයුබෝවන් කවීෂා  - ආයුබෝවන් ශානි

 

ඇත්තටම කවීෂා  අපි එක්වරක් භාවිතා කරලා ඉවත් කරන දේවල් නැවත භාවිතයකට ගන්න පුලුවන් කියන කතාව ඇත්තක් ද?

 

ඔව් අනිවාර්යයෙන් , හැම දෙයක් ම නෙමෙයි නමුත් බොහෝ ද්‍රව්‍ය එක් වරකට වඩා භාවිත කරන්න පුළුවන්.

 

එවැනි අවස්ථාවන්ට උදාහරණ කිහිපයක් කිව්වොත්?

 

ප්ලාස්ටික් , රෙදි , ලී ,වීදුරු වගේ අමුද්‍රව්‍යවලින් නිපදවන  භාණ්ඩ නැවත භාවිතයට ගන්න පුළුවන් සහ ඒවා ප්‍රතිචක්‍රිකරණය කරලා නව නිෂ්පාදන කරන්න පුළුවන්.  විශේෂයෙන් ප්ලාස්ටික් ආශ්‍රිත නිෂ්පාදන බොහොමයක් ප්‍රතිචක්‍රීකරණය හරහා නව නිෂ්පාදන හදලා නැවත භාවිත කරන්න පුළුවන්.

 

අපේ රට තුළත් එවැනි ආයතන, සංවිධාන හෝ පුද්ගලයන් දැකගන්න පුලුවන් ද?

 

ඔව් , රාජ්‍ය හා පෞද්ගලික ආයතන කිහිපයක් ම මේ ප්ලාස්ටික්  ප්‍රතිචක්‍රීකරණ ක්‍රියාවලිය හරහා නව නිෂ්පාදන කරන්න පටන් අරන් තියෙනවා. නමුත් තවම ඒක ප්‍රමාණවත් මට්ටමකින් සිද්ධ වෙනවා අඩුයි.

 

ඔබ කිව්වත් වගේ සළකා බැලිය හැකි මට්ටමකින් එවැනි අවස්ථා මෙරට තුළ නොතිබෙන නිසාම මම කැමැතියි ඔබගෙන් විමසන්න, සංවිධානයක් විදියට ඔබලා සතුව පවතින රට තුළ පවතින මෙකී තත්ත්වය වෙනස් කිරීමට සුදුසු යෝජනා අදහස් මොනවාද යන්න?

 

අනිවාර්යයෙන් ශානි, ZeroPlastic Colombo Community විදියට අපි උත්සාහ කරනව ශ්‍රී ලංකාව තුළ මේ ප්ලාස්ටික් අපද්‍රව්‍ය නිසා සිදුවන විනාශය පිළිබඳ නිර්මාණශීලී ප්‍රවේශවලින් ප්‍රජාව දැනුවත් කරන්න සහ මේ ප්ලාස්ටික් දූෂණයට එරෙහි විසඳුම් යෝජනා කරන්න.

 

එතනදි අපි කතා කරන්න කැමති 3R සංකල්පය ගැන. අපිට පුළුවන් ප්ලාස්ටික් භාවිතය අඩු කරන්න ,Reduce. ඊළඟට ප්ලාස්ටික් නැවත භාවිත කරන්න , Reuse. ඒවගේ ප්‍රතිචක්‍රිකරණය කරන්න , Recycle. මේ විදියට භාවිතය අඩු කිරීම , නැවත භාවිතය හා ප්‍රතිචක්‍රිකරණය තුළින් අපට පුළුවන් මේ ගැටළුවට යම්කිසි තිරසාර විසඳුමක් හොයාගන්න. ඉතින් ප්‍රමාණවත් තරම් විධිමත් ආයතනික යාන්ත්‍රණයක් තවමත් රට තුළ නිර්මාණය වෙන මොහොතක තනි පුද්ගල ක්‍රියාකාරීත්ව ඉහළ නැංවීම ගොඩක් වැදගත්. මේවා ඒ තරම් අපහසු දේවල් නෙමෙයි. අවශ්‍ය වෙන්නෙ ජීවන රටාවෙ පොඩි වෙනසක්.

 

තනි තනි පුද්ගලයන්ට පවා මෙහෙදී සුවිශේෂි කාර්යභාරයක් හිමිවෙන බවද ඔබ අදහස් කරන්නේ?

 

ඔව් ඇත්තටම. ශ්‍රී ලංකාව තුළ පමණක් ගත්තත් ඒක පුද්ගල ප්ලාස්ටික් භාවිතය ඉතා ඉහළයි. ශානි අහල තියෙනවා නෙ කතාවක් “මම හැදුනොත් අපි හැදේවි “  කියල . අපි තනි තනිව තිරසර ජීවන රටාවක් වෙත යොමු වෙනවා නම් අවසානයේ මුළු සමාජයම මේ තිරසර ඉලක්ක වෙත ළඟා වෙලා තියේවි.

 

ඔව් ඔබ හරි. මම හිතනවා මෙය කියවන පාඨකයන්ට පවා මේ හරහා ඉතා වටිනා පණිවුඩයක් සම්ප්‍රේෂණය වෙන්න ඇති කියලා. ඉතින් කවීෂා අවසාන වශයෙන් ඔයාට අපිත් එක්ක බෙදාගන්න සුවිශේෂි පණිවිඩයක්  තියෙනවද?

 

මං කැමතියි මෙහෙම කියන්න.

 

මේ අපි ඉපදුණු පොළව. අපට සියල්ල ලබා දුන් පොළව. ඉතින් අපේ අත්වලින් ම ඒ මව් පොළව විනාශ කරන්නෙ ඇයි? අපි අපේ ජීවන රටාව පොඩ්ඩක් වෙනස් කරමු. 3R සංකල්පය සමඟ එකතු වෙමු.

 

එහෙනම් කවීෂා ඔබටත් ZeroPlastic Colombo Community එකටත් බොහොම ස්තූතියි අද අපිත් එක්ක එකතුවීම සම්බන්ධව.

 

අපට ආරාධනා කිරීම වෙනුවෙන් ස්තූතියි !

 

අපගේ මීළග ලිපිය හරහා “ආහාර හා ජලය ක්‍රමවත්ව හා අරපිරිමැස්මෙන් භාවිතය” යන මාතෘකාව ඔස්සේ වැඩි දුරටත් කතා කිරීමට සුදානම් වන බව දන්වමින් සමුගනිමු.

 

ස්තූතියි!

 

By ,

Leo Shani Batuwanthudawa

 

#leo_uoc_foa

#LeosofUOCFOA

#leodistrict306A1

#LeoMD306

#leosOfSriLankaMaldives

 

W3 Article 01

W3

Waste | Wise | Waves

Phase I

 

Article 1

 

මොකක්ද මේ,

Responsible Consumption  එහෙමත් නැත්තන් වගකිවයුතු පරිභෝජනය කියන්නෙ

 

මෙය පාරිසරික, සමාජීය සහ දේශපාලන සංවිධාන විසින් ඉදිරිපත් කරන ලද සංකල්පයක් වන අතරම එමගින් මිනිසා තම පරිභෝජන පුරුදු වෙනස් කර, තම සැබෑ අවශ්‍යතාවලට ගැලපෙන පරිදි පරිසර සංරක්ෂණය සහ සමාජ සමානාත්මතාවය ප්‍රවර්ධනය කරන වෙළඳපොලේ ඇති විකල්ප සඳහා යොමුවීම පිළිබඳව අදහසක් විදිහට අපට හදුනාගන්නට පුළුවන්.

 

නමුත් මෙහි සරලම අදහස වන්නෙ,

 

ඔබ යම් දෙයක් පරිභෝජනය කරන්නේ නම් එය වඩාත් පරිසර හිතකාමී විය යුතු බවත්, එසේම එමගින් සිදුවන සමාජ හා ආර්ථික බලපෑම් පිලිබඳවද මනා සැලකිල්ලක් දැක්විය යුතු බවත්ය…

 

අපට වගකිවයුතු පරිභෝජනය සිදුකිරීමට හැකිද ❔

 

සැබවින්ම ඔබට කිරීමට ඇත්තේ ඉතාමත් කුඩා කාර්යයන් කිහිපයක් පමණයි

 

 ඔබ යමක් මිල දී ගන්නා විට එය නිෂ්පාදනය කරන අමුද්‍රව්‍ය මොනවාද, එහි නිෂ්පාදන ක්‍රියාවලිය පරිසරයට බලපාන්නේ කෙසේද සහ එයින් සමාජය (සමාජ සම්මතයන්ට) කෙරෙහි අහිතකර බලපෑමක් සිදුවන්නේ දැයි හොඳින් බලන්න.

 

අළුතින් මිලදී ගැනීමට පෙර, ප්‍රතිචක්‍රීකරණය කරන ලද, නැවත නැවත භාවිතා කළ හැකි භාණ්ඩ පරිභෝජනය කරන්න.

 

ඇසුරුමට වඩා අන්තර්ගත ද්‍රව්‍ය පිලිබඳ අවධානයක් දෙන්න.

 

ඔබ යමක් මිල දී ගන්නා සෑම අවස්ථාවකම අපද්‍රව්‍ය හා කසළ නිසා ඇතිවන බලපෑම ද සලකා බලන්න.

 

නිෂ්පාදන ආපසු ලබා දිය හැකි හෝ නැවත භාවිත කළ හැකි බහාලුම්වලට ප්‍රමුඛත්වය දෙන්න.

 

නොමිලේ භාවිත කල හැකි දේවල් සඳහා නිතරම යොමුවන්න.

 

ඔබ පරිභෝජනය කරන සියලු දේ සඳහා මෙම ප්‍රමුඛතාවයන් ලබා දෙන්න (ආහාර, ඇදුම්, උපාංග, ...)

 

ඉතින් තවත් කල් නොයවන්න ඔබෙන් පටන් ගන්න වගකීමෙන් භාණ්ඩ පරිභෝජනය කරන්නට හුරු වන්න එවිට ඔබද මුළු මහත් සමාජයද රැකෙන බව මතකයෙහි තබාගන්න

 

අපගේ මීළග ලිපිය හරහා “පරිභෝජනයෙන් පසු ඉවතලන දෑ නැවත භාවිතයට ගත හැකිද?” යන මාතෘකාව ඔස්සේ වැඩි දුරටත් කතා කිරීමට සුදානම් වන බව දන්වමින් සමුගනිමු.

 

ස්තූතියි!

 

By ,

Leo Malshan Fernando

 

#leo_uoc_foa

#LeosofUOCFOA

#leodistrict306A1

#LeoMD306

#leosOfSriLankaMaldives

ඇසළ පොහොය

 

ඇසළ පොහොය

ඇසළ පුන් පොහොය දිනය අදට යෙදී තිබේ.ඇසළ පෝය වනාහී ලෝකවාසී සියලු බෞද්ධ

ජනතාවටම සුවිශේෂී වූ පෝය දිනයකි.විශේෂයෙන් ම ලංකාවේ සිව් දිගේ වූ පුදබිම්

උත්සවශ්‍රීයෙන් බබළවන්නේ ඇසළ සමයටයි.

බෞද්ධ ඉතිහාසයේ වූ සුවිශේෂි සිදුවීම් රැසක් අද වැනි ඇසළ පුන් පොහොය දිනයේදී සිදුවී

ඇත.අප මහ බෝසතාණෝ තුසිත දෙව්ලොව දී දේවතාරාධනයෙන් පස් මහා බැලුම් බලා මිනිස්

ලොව උපදින්නට මහාමායා දේවියගේ කුස පිළිසිඳ ගන්නේ ඇසළ පොහොය දීනයකදි ය.එසේම

ගිහිගෙය කලකිරීමට හේතු වු සතර පෙරනිමිති දැක අභිනිෂ්ක්‍රමණය සිදු විමත්,සිද්ධාර්ථ

කුමරුගේ පුතණුවන් වන රාහුල කුමරු ජනිත වීමත් සිදු වන්නේ ඇසළ පොහොය දිනයේදීය.

එසේම බුදු රජාණන් වහන්සේ තීර්ථකයන්ගේ මානය බිදීම සඳහා ගන්ධබ්බ රුක්ඛ මූලයේදී

යමාමහ පෙළහර පෑම සිදුකළේද අද වැනි පෝය දිනයකදී ය.එමෙන්ම මාරයා විසින් සිදුහත්

බෝසතුන්ගේ ගිහිගෙය හැරයාම වළකා දින හතකින් සක්විති රජකම ලැබෙන බව පවසන්නේ

ද ඇසළ පෝ දිනයේදී ය.ගිහිගෙය හැරගොස් වසර හයකට පසුව ලොව්තුරා බුද්ධත්වයට පත්ව

බරණැස ඉසිපතන මීගදායේ දී ප්‍රථම වරට පස්වග තවුසන් උදෙසා ධම්ම චක්ක පවත්තන

සූත්‍රය දේශනා කොට වදාළේ ද ඇසළ පොහොය දිනකයි.

මේ ආකාරයට ඇසළ පොහොය දිනය බුද්ධ චරිතයට අදාළ සිදුවීම් වලට අමතරව ශාසන

ඉතිහාසයේ වැදගත් සිදුවීම් රැසකට ද හිමිකම් කියයි.විශේෂයෙන්ම ලක්දිව කිත් සිරි මෙවන්

රජ සමයෙහි හේමමාලා කුමරිය හා දන්ත කුමරයා විසින් ලංකාවට වැඩම කරවන ලද

දන්තධාතුන් වහන්සේ උදෙසා සිදු කරනු ලබන මහනුවර දළදා පෙරහැර ආරම්භ කිරීම සිදු

කරන්නේ ද මෙම ඇසළ පුර පසළොස්වක පොහොය දිනකයි.

මෙලෙස ඓතිහාසික වශයෙන් මෙන්ම ශාසනික වශයෙන් ද සුවිශේෂී වූ වැදගත්කම්

රාශියක් නිසාවෙන් ඇසළ පුර පසළොස්වක පොහොය දිනය බෞද්ධ ජනයාට ඉතා වැදගත්

වේ.එබැවින් ගිහියෙකු වන ඔබත් ආමිස හා ප්‍රතිපත්තිමය පුජා වලටද දායක වෙමින් අද දිනය

වඩාත් අර්ථවත් දිනයක් බවට පත් කරගැනීමට අදිටන් කර ගන්න.

රචනය -

ලියෝ තරුෂි වීරසිංහ

දෙවන වසර

කොළඹ විශ්වවිද්‍යාල ශාස්ත්‍ර පීඨය

ESALA POYA DAY

 Esala Poya Day is a significant religious observance celebrated by Sri Lankans with great reverence. Falling in the month of Esala (July/August), it commemorates pivotal events in the life of Lord Buddha. This auspicious day holds immense importance for the Buddhist community, as it marks the first sermon delivered by the Buddha, known as the Dhammacakkappavattana Sutta.

The specialty of Esala Poya Day lies in the vibrant and elaborate Esala Perahera, a grand procession held in the city of Kandy. This magnificent cultural event showcases beautifully adorned elephants, traditional dancers, drummers, and the sacred Tooth Relic of Lord Buddha. The air becomes filled with devotion, as locals and tourists alike gather to witness this spectacular display of religious fervor and cultural heritage.

Esala Poya Day is not only a time for religious observances but also an occasion for self-reflection, meditation, and acts of generosity. Sri Lankans engage in meritorious deeds, such as donating alms, engaging in meditation retreats, and visiting temples to offer prayers and seek spiritual solace.

Overall, Esala Poya Day serves as a unifying force, bringing people together in the shared celebration of their faith and cultural heritage, promoting peace, harmony, and spiritual growth among Sri Lankans.

#leo_uoc_foa

#LeosofUOCFOA

#leodistrict306A1 

#LeoMD306 

#LeosOfSriLankaMaldives

ඇසළ පොහොය දිනය

 ඇසළ පොහොය දිනය ශ්‍රී ලාංකිකයන් මහත් ගෞරවාන්විතව සමරන සුවිශේෂී ආගමික උත්සවයකි.ඇසළ මාසය (ජූලි/අගෝස්තු) යෙදෙන අතර එය බුදුරජාණන් වහන්සේගේ ජීවිතයේ වැදගත් සිදුවීම් සිහිපත් කරයි.ඇසළ පොහෝ දිනයේ වැදගත් සිදුවීම් වශයෙන් සිදුහත් කුමරුවන් මව්කුස පිළිසිඳ ගැනීම, මහාභිනිෂ්ක්‍රමණය කිරීම,රාහුල කුමරුවන්ගේ උපත, සම්බුදුරජාණන් විසින් පස්වග මහණුන්ට දම්සක්පැවතුම් සූත්‍රය දේශනා කරමින් මංගල ධර්ම දේශනාව පැවැත්වීම ,තීර්ථකයන්ගේ මානය බිඳීම සඳහා සැවැත්නුවර ගණ්දබ්බ රුක මුලදී යමාමහ පෙලහැර පෑම, සම්බුදුන් දෙව්ලොවට වැඩම කරවා මාතෘ දිව්‍ය රාජය ඇතුළු දෙවියන්ට ගැඹුරු අභිධර්මය දේශනා කිරීම, බුද්ධ පරිනිර්වාණයෙන් පසුව කාශ්‍යප මහ රහතන් වහන්සේ මුල් වරට ධර්ම සංගායනාවක් කළ යුතු යැයි තීරණය කිරීම,කොණ්ඩඤ්ඤ තවුසාගේ සෝවාන් වීම,භික්ෂූන් වහන්සේලා පෙරවස් එළඹීම සහ අරිට්ඨ කුමරු සහ සිංහලයින් 56 දෙනෙකු උපසම්පදාව ලැබීමත් සිදු විය.තවද ශ්‍රී ලාංකිය බෞද්ධයන්ගේ මුදුන් මල්කඩ බඳු ශ්‍රී දළදා වහන්සේ ලක්දිවට වැඩම කිරීම සනිටුහන් කරන මෙම උතුම් දිනය බෞද්ධ සමාජයට ඉමහත් වැදගත්කමක් දරයි.

ඇසළ පොහෝ දිනයේ විශේෂත්වය වන්නේ මහනුවර නගරයේ පවත්වනු ලබන මහා පෙරහැරක් වන විචිත්‍රවත් ඇසළ පෙරහැරයි. මෙම අතිවිශිෂ්ට සංස්කෘතික උත්සවය අලංකාර ලෙස සැරසුණු අලි ඇතුන්, සාම්ප්‍රදායික නර්තන ශිල්පීන්, බෙර වාදකයන් සහ බුදුරජාණන් වහන්සේගේ පූජනීය දළදා වහන්සේ ප්රදර්ශනය කරයි. ආගමික උද්යෝගය සහ සංස්කෘතික උරුමයන් පිළිබඳ මෙම දර්ශනීය සංදර්ශනය නැරඹීමට ස්වදේශීය සැදැහැති බෞද්ධයන් මෙන්ම අන්‍යාගමිකයන් ද , සංචාරකයින්ද එක්රැස් වන බැවින් සෙංකඩගල රාජධානිය භක්තියෙන් පිරී යයි.මීට අමතරව කතරගම,රත්නපුර,දෙවිනුවර දේවාලයන්හිද ඇසළ පෙරහැර පැවැත්වෙයි.

ඇසළ පොහොය දිනය ආමිස පූජාවන්ට මෙන්ම ප්‍රතිපත්ති පූජාවන්ට ද අවස්ථාව සලසයි.ශ්‍රී ලාංකිකයන් දාන,සීල,භාවනා ආදියෙහි යෙදෙමින් ආධ්‍යාත්මික සැනසීම ලබා ගැනීම සඳහා ආගමික වතාවත්වල නිරතවෙයි.

සමස්තයක් වශයෙන්, ඇසළ පොහොය දිනය ශ්‍රී ලාංකිකයන් අතර සාමය, සහජීවනය සහ අධ්‍යාත්මික වර්ධනය ප්‍රවර්ධනය කරමින්, ඔවුන්ගේ ඇදහිලි සහ සංස්කෘතික උරුමයන් බෙදාහදා ගනිමින් සැමරීමට ජනතාව එක්සත් කිරීමේ බලවේගයක් ලෙස ක්‍රියා කරයි.

ඔබ සැමට ධර්මාවලෝකයෙන් සිත් සතන් සැනසෙන පින්බර අධි ඇසළ පුන් පොහෝ දිනයක් වේවා!!!

 Breaking the P-P Loop

First of all, I want all who reading this to close their eyes and check whether you can relate the below event of incidents into your life.

Your phone starts ringing suddenly and your friend on the other end asks,” Hey do you know sir has uploaded an assignment?” Immediately you check the LMS for the deadline. Having full two weeks to complete the assignment brings you a sense of relief. In your mind, your map and think about billion creative ideas on how to do the assignment and achieve the highest grade in the class.  You can’t wait to start writing the assignment with those amazing ideas. But as the deadline gets closer, something changes. You want to make the assignment perfect.  So, you keep delaying the start of the process. “I have to do more research, gather more information to make it really good. I’ll get started tomorrow-I’ve got time,” you tell yourself. Finally, it’s the day before the deadline. You know you are running out of time and you only write 1/100th of the ideas you thought earlier. On the due date, you regret for letting go off a big opportunity and panic and stress for not completing the assignment as expected.”

In this short article, I am going to introduce you the P-twins who created all this trouble to you. They are perfectionism and procrastination. 

Perfectionism and Procrastination forms an infinite loop that destroys your productivity as well as mental health. Perfectionists tend to make their work 100% error less. They always criticize their work thinking that, their performances are not good and have to be much better. Procrastination is often a symptom of perfectionism. Because perfectionists fear about being unable to complete a task perfectly, they put off doing that task as long as possible. They feel that their work consists of something wrong always and they are unworthy. Also, perfectionists fear that their failures will bring about embarrassment for them. As this fear of failure and embarrassment increases, the perfectionists tend to procrastinate more. It is important to break this negative cycle of perfectionism and procrastination. One reason is that you waste your valuable time by putting off tasks that are due today for some invalid reasons. The other reason is that, this P-P cycle is the enemy of creativity and productivity. Also keep in mind that both perfectionism and procrastination can negatively affect your mental and physical health. 

So, in the next time you are given a task to complete don’t get caught to this P-P cycle and get into life. Remember, “we can’t be 100% perfect!”

Leo Ashmini Karunarathne

 දන්ත දාඨා වඩින පෙරමග - බලා සිටිනා මැඳුරෙ වගතුග

කලාබර නිකිණි පුරහඳෙහි චන්ද්‍රකාන්තියට වත්තම් ව සොබාදම් මාතාවගේ මේ ගෙවී යන්නේ වසරේ මල්වර කාර්තුවයි .ඇගේ වස්සාන හසකැන් පූජා ස්වරයෙන් කාන්තිමත් කරවන බැතිබර සැන්දෑ හෝරාවන් ගණනාවක් සෑම වසරකම අගෝස්තුවේ එළඹෙනු ලබයි .එකල කිත්සිරිමෙවන් රජ දවස ඇරඹී සකල ජනානන්දකරවූ උත්තම දළදා පෙරහැර පූජෝත්සවය මෙවර කන්ද උඩරට විරාජමානව ගමන් අරඹනුයේ 1712 වන වතාවටයි .දළදා පෙරහැර වනාහි ලෝකවාසී හා ලංකාවාසී බෞද්ධ සැදැහැවතුන්ගේ මුදුන්මල්කඩ බඳු තිලෝගුරු බුදු පියාණන් වහන්සේගේ වාම දළදාව උදෙසා වාර්ෂිකව සිදු කරවනු ලබන උත්තුංග පූජාවයි .අතීතයේ දී දළදා පෙරහැරෙහි අවසන් දිනය වන මහා රන්දෝලිය දිනයේදී පමණක් මෙම උතුම් වාම දළඳා වහන්සේ දළඳා මාළිගාවෙන් පිටතට වැඩම වූ බව සඳහන් වෙයි .නමුත් වත්මන් පෙරහැර චාරිත්‍ර අනුගතව මෙම උතුම් වාම දළදා වහන්සේ වැඩ සිටින කරඬුන් වහන්සේ පමණක් මහා රන්දෝලියේදී මාලිගාවෙන් පිටතට වැඩමවා සහසක් දනන්ගේ සාධුකාර නද මස්තකප්‍රාප්ත කරවන බව සඳහන් වේ .

දන්ත ධාතුන් වහන්සේ,  දළදා පෙරහැර, දළදා මාළිගාව යන ත්‍රිවිධ තේමාවන් ඓතිහාසික හා සංස්කෘතික වටිනාකම් රැසක් රැගෙන වත්මනට පැමිණ තිබෙන බැවින් මෙම ත්‍රිකලාංගයන් විස්තර කිරීම එක් ලිපියකින් සිදු කළ නොහැක්කකි .මේ නිසා උතුම් දන්ත ධාතුන් වහන්සේ වැඩ සිටින දළදා මාළිගාව පිළිබඳ මෙසේ ගෙනහැර දක්වමි.

දන්තධාතූන් වහන්සේ වර්තමානයේ වැඩ සිටින මහනුවර දළදා මාළිගාව මහල් කිහිපයකින් සමන්විත වේ .මනස්කාන්ත ස්වභාවික භූමි දර්ශනයක් අළලා නිර්මාණය වූ මෙය, වාස්තු විද්‍යාත්මක ලක්ෂණ, උඩරටටම ආවේණික වූ ලක්ෂණයන්ගෙන් මෙන් ම ඉපැරැණි සංස්කෘතික නිර්මාණ ලක්ෂණයන්ගෙන් ද සුපෝෂිත ය.මහනුවර නගරයට නැගෙනහිරින් පිහිටි උඩවත්ත කැලය ආසන්නව මෙය ඉදි කර ඇත .දළදා මාලිගාවට උතුරෙන් රජ මාලිගයත්, දකුණෙන් කිරි මුහුද හෙවත් මහනුවර වැවත් ,බටහිරින් නාථ-පත්තිනි දේවාලත් පිහිටා ඇත්තේ දළදා මාළිගා පරිශ්‍රය තවත් සෝබමාන කරවමිනි .වර්ෂ 1988 දී යුනෙස්කෝ ලෝක උරුමයක් ලෙස ප්‍රකාශයට පත් කළ මෙය අනභිබවනීය සංස්කෘතික වටිනාකම් රැසක් රැගෙන වර්තමානයේ වැජඹෙනු ලබයි.ජීවමාන කලා හැකියාවන් පිඬුකරවූ මේ මහා නිර්මාණය අදටත්,හෙටටත්,මතුවටත් ලෝවැසි සුවහසක් බොදු දනන්ගේ සාධු නාදයන් මධ්‍යයේ චිරාත්කාලීන අනුප්‍රාණයකින් වැජඹෙනු නොඅනුමානය.

Leo දිනිති නවෝද්‍යා සුදුසිංහ