ලෝක පරිසර දිනය

 ලෝක පරිසර දිනය

ප්ලාස්ටික් දූශණය අවම කරමු

ලෝක පරිසර දිනය සැමරෙන්නේ ජුනි මස 5 වන දිනයි.මෙම දිනය 1972 දී ජිනීවා හි පැවති ජාත්‍යන්තර පරිසර සමුළුවේදී එක්සත් ජාතීන්ගේ සංවිධානය විසින් පිහිටුවන ලදී.එය පසුකාලීනව වසරකට වරක් විවිධ රටවල සංවිධානය වන පරිසර සන්ධාන වැඩසටහන් සහ පුනරුත්ථාපන වැඩසටහන් සදහා ප්‍රමුඛ අවස්තාවක් වී ඇත.

ඔබ දන්නවාද?

පෘතුවි තලයේ තවත් එක් ජීවියෙකු පමණක් වන මිනිසා මහපොළවේ සාරය සූරාකෑම සහ පරිසරය් විනාශ කරමින් සිටින්නේ අදක් ඊයෙක සිට නොවේ.ගැනිය නොහැකි කාලයක් මුළුල්ලේ පරිසරය හායනය කරනු ලබන පිරිසක් අප හා සිටී.නමුත් තවත් පිරිසක් එය වැළැක්වීමට පියවර ගත්තද, පරිසර විනාශය අතින් අප තවමත් අන්තරායක අඩවියක සිටින් බැව් සෑම තත්පර තුනකට වරක් පාපන්දු පිටියක ප්‍රමාණයේ වන වැස්මක් ලොවෙන් ඉවත් වෙමින් අපට පසක් කරවයි.

මිනිසාගේ අහිතකර ක්‍රියා හේතුවෙන් 50% ක් පමණ ලෝකයේ තෙත් බිම් අපට මේ වන විට අහිමි වී තිබෙනවා.කොරල් පර පද්ධතීන් ද මේ වන විට 50% ක් පමණ විනාශ වී ඇත.මේ ආකාරයට තවත් ඉදිරියට මේ දූශිත ක්‍රියාවන ගලාගෙන ගියහොත් 2050 පමණ වන විට 90% ක් පමණ ඉතිරි කොරල් පර විනාශ වීමට බොහෝ ඉඩකඩ ඇත.එසේම අමතක නොකළ යුතු කරුණක් වන්නේ පසුගිය වසර සියය තුල ආසන්න වශයෙන් 1.5*C° ඉහළ ගොස් ඇති ගෝලීය උෂ්ණත්වය තව දුරටත් ඉහළ යාම අපට සිහිනයක් නොවේ.

එමෙන්ම දකුණු ඇමෙරිකාවේ ඇමේසන් වනාන්තරය ලෝකයාගේ අසාධූ ක්‍රියාවන් හේතුවෙන් විනාශ මුඛයට පාත්‍ර වන අන්දම අපට සියැසින් දැක බලා ගත හැක.ඔබ දන්නවාද?, ලොවා විශාලතම කොරල්පරය වන ඕස්ට්‍රේලියාවේ  'මහා බාධක පරය' 50% ක්ට වඩා අහිමි වී ඇත්තේ මිනිසාගේ අනිසි   ක්‍රියාකාරකම් හේතුවෙනි.ලෝක පරිසර දිනය තුල අප ඒ ගෝලීය තොරතුරු පිළිබදව දැනුවත් වීම නිසැකයෙන්ම අත්‍යවශ්‍ය වනවා නේද? 

මෙසේ අධිකව ලෝකය නැවතත් හරිත පැහැයෙන් ජීවයක් ලබා දීමට අත්වැල් බැදගෙන ඇති බව සතුටට කරුණකි.ඒ පිළිබදව නියමිත අවධානයක් ලබා දෙමින් නැවත වතාවක් පෘථිවියේ නිසි ජීවී ගුණය ලබා දී නැවත් ප්‍රතිශ්ථාපනය කිරීමට මූලික පියවර තබා ඇති බව සදහන් කල යුතුම කරුණකි.ඕසෝන් වියන රැක ගැනීමට මුල පුරා ඇති අතර , හෙක්ටයාර් දහස් ගණනකින් නැවතත් වනාන්තර සිටුවීමට අරඹා ඇත.කිලෝමීටර් සියගණනක කොරල්පර පද්ධතීන් නැවත පිළිසකර කිරීමට මුල පුරා ඇත.එසේම වද වී යාමට ආසන්නයේ සිටි ජීවී විශේශ විශාල සංඛ්‍යාවක් එම අනතුරෙන් මුදවා ගැනීමට කටයුතු කර ඇත.අධික සම්පත් පරිභෝජනය, පොසිල ඉන්ධන දහනය,ගෝලීය උණුසුම ඉහළ යාම වැළකීම වැනි ක්‍රියාවන් සදහා මුලිකව හඩ අවධි කොට ඇත.

2025 වසරේ ලෝක පරිසර දිනයේ ප්‍රධාන තේමාව වූයේ *ගෝලීය* *ප්ලාස්ටික්* *දූශණය* *අවසන්* **කිරීමයි* . ප්ලාස්ටික් දූශණය ජල මාර්ග,මිනිසුන්ගේ සෞඛ්‍යය සදහා දැඩි බලපෑම් ඇති කරවයි.මෙම තේමාව මගින් ප්ලාස්ටික් භාවිතය අඩු කිරීම,නැවත භාවිතා කිරීම සහ පරිසර හිතකාමී විකල්ප භාවිතය ප්‍රවර්ධනය කිරීමේ අවශ්‍යතාවය මතු කරයි.මෙම වසරේ පරිසර දිනයේ ආයෝජක රට වන්නේ දකුණු කොරියාවයි.ආයෝජක ස්ථානය ජේජු දූපත,දකුණු කොරියාව.

මේ සදහා ඔබට කල හැකි දේ මොනවාද? 

☘️ප්ලාස්ටික් භාවිතය අඩු කිරීම.

එනම් එක් වරක් පාවිච්චි කරන ප්ලාස්ටික් භාණඩ නැවත භාවිතය හැකි තරම් අඩු කරන්න.

☘️සමෘද්ධිමත් පරිසරයක් සදහා කටයුතු කිරීම.

පරිසර හිතකාමී ක්‍රියාමාර්ග තව දුරටත් ගැනීම.

පොදුවේ සෑම වසරකම සමරනු ලබන ලෝක පරිසර දිනයේ අරමුණු මොනවාද? 

🍃පරිසරය රැක ගැනීම පිළිබද ජනතාව තුල අවබෝධය වැඩිදියුණු කිරීම.

🍃දූෂණය,වනාන්තර විනාශය,දූපත් ආපදා වැනි ගැටළු පිළිබද අවධානය යොමු කිරීම

🍃තිරසාර සංවර්ධනය උදෙසා ක්‍රියාමාර්ග ගන්නා ලෙස ආණුඩුව සහ ආයතන අවධානය යොමු කිරීම.

ඒ සදහා ජනතාව වන අපගේ වගකීම වනුයේ,

🌳 කසළ නිසි පරිදි නියමිත ස්ථානයන්ට බැහැර කිරීම.

🌳 දැව විනාශය වැළැක්වීම.

🌳 නව ආරක්ශිත තාක්ශණය භාවිතා කිරීම.

🌳 ජලය හා විදුලිය ඉතිරි කිරීම.

මේ ආකාරයට අප කොතරම් කරුණු පිලිබදව දැනුවත් වුවත් ලොක පරිසර දිනය සදහා අප වටිනා එක් ක්‍රියාවක් වත් කිරීම අගනේය.ඒ සදහා ලෝක වාසී අප සියලුම දෙනා එම දිනයට වටිනාකමක් එක් කල යුතුම වේ.

එක්සත් ජාතීන්ගේ සාම සාධක භටයින්ගේ ජාත්‍යන්තර දිනය

 එක්සත් ජාතීන්ගේ සාම සාධක භටයින්ගේ ජාත්‍යන්තර දිනය

සෑම වසරකම මැයි 29 වන දින, ලෝකය යුද්ධය සහ සාමය අතර සිටින විරුවන්ගේ මතකයන් සැමරීමට ඔවුන් ආදරයෙන් සිහිපත් කිරීමට එක්රැස් වේ. එක්සත් ජාතීන්ගේ සාම සාධක භටයින්ගේ නිල් හිස්වැසුම් ඔවුන්ගේ අනන්‍යතාවයයි. මෙම දිනයේදී, අපි ඔවුන්ගේ සේවයට, ඔවුන්ගේ පරිත්‍යාගයට සහ සියල්ලටම වඩා, මනුෂ්‍යත්වය පිළිබඳ ඔවුන්ගේ විශ්වාසයට ගෞරව කරමු. මුළු ලෝකයක් අද දිනයේදී  එක්සත් ජාතීන්ගේ සාම සාධක මෙහෙයුම්වල සේවය කරන සියලුම පිරිමින්ගේ සහ කාන්තාවන්ගේ වෘත්තීයභාවයට, කැපවීමට සහ ධෛර්යයට උපහාර දක්වන අතර, සාමය වෙනුවෙන් ජීවිත අහිමි වූවන්ගේ මතකයට ගෞරව කරයි. 

එක්සත් ජාතීන්ගේ මහා මණ්ඩලය, එහි 57/129 යෝජනාවෙන්, මැයි 29 වන දින එක්සත් ජාතීන්ගේ සාම සාධක භටයින්ගේ ජාත්‍යන්තර දිනය ලෙස නම් කරන ලදී. 1948 දී පළමු එක්සත් ජාතීන්ගේ සාම සාධක භට කණ්ඩායම "එක්සත් ජාතීන්ගේ සටන් විරාම අධීක්ෂණ සංවිධානය" හෙවත් UNTSO ලෙස නම් කරන ලද අතර, පලස්තීනයේ මෙහෙයුම් ආරම්භ කළ දිනය මෙයයි.

1948 සිට මිලියන දෙකකට අධික සාම සාධක භටයින් මෙහෙයුම් 71 ක සේවය කර ඇති අතර, එමඟින් රටවල් යුද්ධයෙන් සාමය වෙත පිවිසෙන දුෂ්කර මාවතක ගමන් කිරීමට උපකාරී වේ. වර්තමානයේ, රටවල් 120 කට වැඩි ගණනකින් සාම සාධක භටයින් 76,000 කට වැඩි පිරිසක් ගෝලීය මෙහෙයුම් 11 ක යොදවා ඇත. ඔවුන්ගේ වෙහෙස මහන්සිය සහ කැපවීම ගැටුම්වලින් පීඩාවට පත් මිලියන ගණනක් සඳහා සාමය සහ ස්ථාවරත්වය වර්ධනය කිරීමට උපකාරී වේ. පරිණාමය වන අභියෝග මධ්‍යයේ වුවද, සාම සාධක භටයින් සිවිල් වැසියන් ආරක්ෂා කිරීම, ජීවිත බේරා ගැනීම සහ සාමය ප්‍රවර්ධනය කිරීම සඳහා නොසැලී සිටියි.

1948 දී පළමු එක්සත් ජාතීන්ගේ සාම සාධක භට කණ්ඩායම පිහිටුවන ලද දා සිට, ප්‍රචණ්ඩ ක්‍රියා, අනතුරු සහ රෝග හේතුවෙන් සාමය වෙනුවෙන් සේවය කිරීමේදී පොලිස් සහ සිවිල් නිලධාරීන් 4000 කට වැඩි පිරිසකගේ ජීවිත අහිමි වී ඇත. මැයි 29 වන දින, සාමාජික රටවල් සහ රාජ්‍ය නොවන සංවිධාන සමඟ එක්ව, මියගිය සාම සාධක භටයින්ට ගෞරව කිරීම සඳහා එක්සත් ජාතීන්ගේ කාර්යාලය නොයෙකුත් උත්සව පවත්වයි.

සාම සාධක භටයින් සොල්දාදුවන් ය. නමුත් පොලිස් නිලධාරීන්, සිවිල් කාර්ය මණ්ඩලය, ඉංජිනේරුවන්, පරිවර්තකයින් සහ මානව හිමිකම් ආරක්ෂකයින් ද ඒ අතර වේ. බොහෝ විට කීර්ති නාමයන්, වරප්‍රසාද නොලබා මෙන් ම ඇතැම්විට ආරක්ෂාව පවා නොමැතිව ඔවුන් දැවැන්ත පීඩනයක් යටතේ සේවය කරයි. ඔවුන්ගේ කැපවීම ස්මාරකවල නොව, නැවත විවෘත කරන ලද පාසල්වල, නැවත ගොඩනඟන ලද රෝහල්වල සහ යුද්ධයේ රුදුරුබව වළකන සාම ගිවිසුම්වල සලකුණු කර ඇත.

වර්තමාන ගෝලීය භූ දර්ශනය තුළ, ගැටුම් තවදුරටත් යුධ පිටිවලට සීමා නොවේ. එය දේශගුණික විපර්යාස, ඩිජිටල් යුද්ධ, ජනවාර්ගික බෙදීම් සහ භාෂණයේ නිදහස අහිමි කිරීම් තුළ රැදී පවතී. එක්සත් ජාතීන්ගේ සාම සාධක භටයින්ට සිවිල් වැසියන් ආරක්ෂා කිරීම, මැතිවරණවලට සහාය වීම, ස්ත්‍රී පුරුෂ සමානාත්මතාවය ඉදිරියට ගෙන යාම සහ වසංගතවලට මුහුණ දීම පවා පැවරී ඇත.

විශ්වවිද්‍යාලයීය විද්‍යාර්ථයින් ලෙස, ලෝක පුරවැසියන් ලෙස සහ ඊළඟ පරම්පරාවේ නායකයින් ලෙස, අපි මෙම මෙහෙයුමෙන් වෙන් වී නැත. අප එහි කොටසකි. ජාත්‍යන්තර නීතිය, මානුෂීය කටයුතු, පුවත්පත් කලාව, අධ්‍යාපනය හෝ ප්‍රතිපත්ති හරහා වේවා, සාමය ගොඩනැගීමේදී අප සැමට කාර්යභාරයක් ඇත.මෙම දිනයේ දී, දුර සිට නිල් හිස්වැසුම් අගය නොකරමු. අපි ඔවුන්ගෙන් ඉගෙන ගනිමු. වඩා හොඳ සම්පත් ඇති සහ හෙට දවසේ අභියෝග සඳහා වඩා හොඳින් සූදානම් කරන ප්‍රතිසංස්කරණවලට සහාය දෙමු. සාම සාධක භටයින්ගේ පැමිණීම තවදුරටත් අවශ්‍ය නොවන ලෝකයක් ගොඩනැගීමට අපි කැප වෙමු.

සාමය යනු මෙහෙවරක් පමණක් නොව, එය මානසිකත්වයකි. සැමදෙනාගේම සිත් තුළ සාමය තිබිය යුතුයි. ලෝකයේ සැමදෙනාටම වෙඩි හඬ නොමැතිව බියක් සැකක් නොමැතිව ජීවත් වීමට අයිතියක් තිබේ. පවුලේ සියලු දෙනා හා එක්ව සිනාසීමට අයිතියක් තිබේ. කුඩා දරුවන්ට දෙමාපියන් අහිමි නොවන මව්වරුන්ට තම කිරිකැටි බිළින්දන් අහිමි නොවන සාමයක් ලෝකයට අවැසි මොහොතක අප ජීවත් වේ. මිනිස් ජීවිත මතින් බිම් කඩක අයිතිය සොයන වත්මන් ලෝකයේ සාම සාධක හමුදාව නිල ඇඳුමින් සැරසුණු අයට පමණක් නොවේ - එය අප සැමට අයත් වේ.

පාපන්දු දිනය .

 අද  2025 මැයි මස 25 වන දිනයි...එනම් අදට ලෝක පාපන්දු දිනය යෙදී ඇත.

ලෝක පාපන්දු දිනය අපට මතක් කරවන්නේ ක්‍රීඩාවක් ලෙස පමණක් නොව ජාත්‍යන්තර සන්සුන්භාවය හා ඒකාබද්ධතාවය ඇති කරවන ගෝලීය භාශාවක් ලෙස ද පාපන්දු ක්‍රීඩාව ඉහළින්ම සිටී.

 2024 මැයි 07 වන දින එක්සත් ජාතීන්ගේ මහා මණ්ඩල යෝජනාව සම්මත කර මැයි 25 වන දින ලෝක පාපන්දු දිනය ලෙස නම් කර ඇත.

ගෝලීය වශයෙන් අප මෙය මුලින්ම සමරනු ලබන්නේ සෞඛ්‍ය සාමය   එකමුතුකම සහ සංවර්ධනය ප්‍රවර්ධනය කිරීම සදහා වේ.

පාපන්දු ක්‍රීඩාව ගෝලීය වශයෙන් වාණිජ්‍යය සාමය හා රාජ්‍ය තාන්තිකභාවය ඇතුලු විවිධ ක්ශේත්‍රවල එහි බලපෑම සහ පාපන්දු සහයෝගීතාවය සදහා අවකාශයක් නිර්මාණය කරන බව හදුනා ගනී.ගෝලීය වශයෙන් සාමය ප්‍රවර්ධනය කිරීමේදී ක්‍ර්‍රීඩාව උපකාරී වී ඇති අතර තිරසාර සංවර්ධන ඉලක්ක සපුරා ගැනීමේදී තීරණාත්මක කාර්‍යභාරයක් ඉටු කර ඇත. 

  

මේ සදහා පහත සාධක අතිශය වැද්ගත් වේ.

 *ලිබියාවේ* *යෝජනාව* 

2024 මැයි 7 වන දින එක්සත් ජාතීන්ගේ මහා මණඩලය රටවල් 193 ක එකමුතුවකින් මැයි 25 වැනි දින ලෝක පාපන්දු දිනයක් ලෙස ප්‍රකාශ කරන යෝජනාවක් පිළිගෙන තිබේ.මෙම යෝජනාව එක්සත් ජාතීන්හි ලිබියාවේ තානාපති *ටාහෙර්* *එල්* *සොන්නි* විසින් ඉදිරිපත් කරන ලදී.රටවල් 160 කට අධික සංඛ්‍යාවකින් ඒ සදහා සහාය දැක්වුණි.

 *මෙම* *දිනයට* *මැයි* *25* *තෝරාගැනීමට* *හේතුව* 

1924 පැරීසියේ ඔලිම්පික් ක්‍රීඩා උළෙලේ පාපන්දු ඉසව්වට ලොව පුරා සිටින ප්‍රදේශ සියල්ලේ නියෝජනයක් ලැබී තිබුණි.එනම් 2024 වර්ශයේ ඔලිම්පික් උළෙල ද පැරීසියේ පැවැත්වෙනු ලබයි.එම නිසා එම අවස්තාවේ 100 වන සංවත්සරය සැමරීම සදහා එක්සත් ජාතීන් විසින් මැයි 25 ලෝක පාපන්දු දිනයක් ලෙස ප්‍රකාශ කිරීමට එකග විය.

 *පාපන්දු* *ක්‍රීඩාව* *පිළිබද* *කෙටි* *සටහනක්* ...

පාපන්දු ක්‍රීඩාව ගෝලීය  වශයෙන් ලොව වඩාත් ජනප්‍රිය ක්‍රීඩාව වන අතර එය මුල් වතාවට ක්‍රීඩාවක් ලෙස ආරම්භ කලේ මධ්‍යම එංගලන්තයේ දීය.නවීන පාපන්දු ක්‍රීඩාව 19 වන සියවසේ එංගලන්තයේ දී වර්ධනය විය.1863 දී *Football* **Association*  පිහිටුවා ක්‍රීඩාවේ නීතී සම්පාදනය කරනු ලැබීය. (FIFA)1902 දී පිහිටුවන ලද අතර එය ලෝක පාපන්දු ආයතනය බවට පත්විය.FIFA සතු සාමාජික සංඛ්‍යාව 211 ක් වන අතර එය එක්සත් ජාතීන්ගේ සාමාජිකයන්ට වඩා වැඩිය.එසේම මෙම පාපන්දු ක්‍රීඩාව ඔලින්පික් ක්‍රීඩාව සමග විශේෂ බැදීමක් ඇත. එයට හේතු,

1900 දී පැරීසියේ ඔලිම්පික් උළෙලේදී පිරිමි පාපන්දු ක්‍රීඩාව හදුනා ගන්නා ලදී.ආරම්භයේදී පිරිමි කණ්ඩායම් සදහා පමණක් ඉඩ දෙනු ලැබීය.

1996 ඇට්ලන්ටා ඔලිම්පික් උළෙලේදී කාන්තා පාපන්දු ක්‍රීඩාව හදුන්වා දෙන ලදී.

1932 වසර හැරැණු විට ඔලිම්පික් ක්‍රීඩා උළෙලේ පාපන්දු සෑම විටම ඇතුලත් වී ඇත.

ගෝලීය ක්‍රීඩාවක් ලෙස පාපන්දු ක්‍රීඩාව අද්විතීය ස්ථානයක් දරයි.හුදෙක් විනෝදාස්වාදයෙන් ඔබ්බට ගොස් එය ජාතික සමාජ ආර්ථික සංස්කෘතික සීමාවන් ඉක්මවා යයි.පාපන්දු ක්‍රීඩාවේ පුළුල් ආකර්ෂණය සහ ප්‍රවේශ්‍යතාවය සෞඛ්‍ය සහ යහපැවැත්ම ප්‍රවර්ධනය කිරීම සදහා ප්‍රබල මෙවලමක් බවට පත් කරයි.එය ස්ත්‍රී පුරුශ සමානාත්මතාවය ඉදිරියට ගෙන යාම සහ ක්ශේත්‍රය තුල සහ ඉන් පිටත කාන්තාවන් සහ ගැහැනු ලමයින් සවිබල ගැන්වීමේ වේදිකාවක් බවට පාපන්දු ක්‍රීඩාව පත් වී තිබේ.

අවසාන වශයෙන් ලෝක පාපන්දු දිනය පසුගිය ජයග්‍රහණය සිහිපත් කරමින් අනාගතයේ තරුණ ක්‍රීඩකයන්ට ආදර්ශයක් වෙමින් තාක්ශණයත් සමග ක්‍රීඩා ක්ශේත්‍රයේ අලුත් යුගයක් ආරම්භ කිරීමට සැරසෙන විශ්වීය දිනයක් ලෙස මෙය නම් තැබිය හැකිය.

හෙළ සිනමාවේ ලාලිත්‍ය ඔබයි මාලනිය...

 හෙළ සිනමාවේ ලාලිත්‍ය ඔබයි මාලනිය...

සිංහල සිනමාවේ නිලි රැජිණිය ඔබයී මාලනිය...

හෙළ සිනමාවේ රන හංසනිය ඔබයි මාලනිය...

ඔබ නැති රිදී රැයක් නොමැත මාලනිය...

මේ ඇයගේ ජීවිත වෘතාන්ත මතකයන්ගෙන් මදක්...

1947 අප්‍රේල් 30 වන දින කැලණිය ප්‍රදේශයේ උපත ලැබූ ඇය නමින් වන්නි ආරච්චිගේ මාලනී සෙනෙහෙලතා ෆොන්සේකා ය.හෙළ සිනමාවේ නිළි රැජිනිය ලෙස විරුදාවලිය ලබන්නේ මාලනිය යී.හැටදෙවසරක් හෙළ සිනමාවේ මතකයන් ජීවමාන කිරීමට විරු වූ ඇය රංගන දිවියට ප්‍රවිෂ්ට වන්නේ 1968 තිස්ස ලියනසූරියගේ පුංචි බබා චිත්‍රපටයෙනි.ඉන්පසුව 1969 වසරේ ජාතික නාට්‍ය උළෙලදී හොදම නිලිය සම්මානය ලබා ගැනීමෙන් අනතුරුව ඇය දක්ශ නිලියක් ලෙස  මුළු මහත්  හෙළ සිනමාවටම දැනෙන්නට විය.ඉන්පසුව 1980 වසරේ දී හිගන කොල්ලා චිත්‍රපටය ද,1982 වසරේදී ආරාධනා චිත්‍රපටය ද 1983 වසරේ දී යස ඉසුරු යන චිත්‍රපටවල ඇය දැක්වූ මනෝහාරී රංගනය තුලින් ඇය කීප වරක්ම සරවිය සම්මානය ද වසර 14 ක් මුළුල්ලේ හොදම නිළිය සම්මානය ද නිතැතිනම ඇය සතු කරගැනීමට තරම් විශිෂ්ටයෙක් විය.ඇය රංගනයෙන් දායක් වූ තවත් චිත්‍රපට කිහිපයක්...

2004 - ප්‍රතිරාවය

2006 - අම්මාවරුනේ,දේදුනු වැස්ස,මුතු ඇටයේ මෝඩයෝ

2007 - උප්පලවණ්ණා 

2008 - අබා,මචන් 

ඒ පමණක් නොව 2010 වසරේ දී ආසියාව තුල මෙතෙක් බිහි වූ දැවැන්ත රංගන ශිල්පිනියන් 25 දෙනාගෙන් එක් අයෙකු ඇය වන බව ඇමෙරිකානු CNN රූපවාහිනීය මගින් සදහන් කර ඇත.

ඇය සරසවිය සම්මානය හැරුණුකොට ජනාධිපති සම්මානය සේම OCIC සම්මාන වලින් ද පිදුම් ලබන්නට විය.

ශ්‍රී ලංකාවේ පලමු වරට ජාත්‍යන්තර තලයේ සම්මාන හිමි කරගත් විරාජිනිය වූයේ මාලනිය යී.එම ආලෝකයක ඇයට හිමි වූයේ 1975 වසරේ මොස්කව් ජාත්‍යන්තර චිත්‍රපට උළෙලදී ජූරීයේ විශේෂ සම්මානය හිමි කර ගැනීමත් සමගයි.එමෙන්ම 1977 නව දිල්ලි චිත්‍රපට උළෙලදී ඇය තවත් සම්මානයකින් පිදුම් ලබන්නට පාත්‍ර විය.2014 වසරේ මාර්තු 5 වන දා සිට 9 වන දා දක්වා ප්‍රංශයේ පැවැත්වූ 16 වන 'දෝවිල් සම්මාන උළෙලදී ' මෙම රන හංසියට 'රන් නෙළුම සම්මානය 'පිරිනමන්නට විය. 

රංගන ක්ශේත්‍රයේ පමණක් ම නොව ඇය ජීවිත ගමනේ තවත් එක් පියවරක් ලෙස 2010 අප්‍රේල් 22 සිට 2015 ජුනි 26 දක්වා ඇය ශ්‍රී ලංකාවේ පාර්ලිමේන්තු මන්ත්‍රීවරියක් ලෙස ද සේවය කරන්නට විය.එම පත්වීම හිමි වනුයේ ඇයට ජාතික ලැයිස්තු මන්ත්‍රී ධූරයක් ලෙසයි.

කලක් සිට රෝගාතුර වීමෙන් කොළඹ පෞද්ගලික රෝහලක ප්‍රතිකර්ම ලබමින් සිටි ඇය සුවහසක් රසිකයන්ගේ නෙතගට කදුලක් එක් කරමින් හෙළ සිනමාවේ රන් තරුව වන ඇයගේ ජීවන යාත්‍රාව අවසන් කරේ 2025 මැයි 24 වන දින අලුයම දී ය.වසර 78 ක ආයු කාලයක් ඇය රැගෙන එන්නට විය.

හෙළයේ මහා  රන හංසනියනි ඔබට අමා මහ නිවන් සුව... 

 

සිනමාවට ද ටෙලි නාට්‍ය කලාවට ද ඔබ දායාද කරන්නා වූ මෙම අපිරිමිත කැපකිරීමට අපගේ හදපිරි ප්‍රණාමය පුද කර සිටිමු.

ඇයගේ අවසන් කටයුතු රාජ්‍ය ගෞරව සහිතව මැයි 26 වන කොළඹ නිදහස් චත්‍රරස්‍ර පරිශ්‍රයේ දී....

වෙසක් පුර පසලොස්වක පොහොය🙏

 වෙසක් පුර පසලොස්වක පොහොය🙏

  

   ලෝකවාසි සියලු බෞද්ධයන් ඉතාමත් ගෞරවයෙන් හා බැති සිතින් සමරන පොහෝදිනයක් වන වෙසක් පුන් පොහෝ දිනය අදට යෙදී තිබේ.අප මහා ලොව්තුරා බුදුරජාණන් වහන්සේගේ උතුම් තෙමගුල සිහිපත් කරමින් සෑම වසරකම වෙසක් පොහෝ දින බොහෝ සැරසිලි උත්සව පවත්වයි.එමෙන්ම වෙසක් පොහෝදින සිදු වූ තවත් සුවිශේෂී සිදුවීම් මෙසේ පෙළගැස්විය හැක.

     ⭕ බුදුන් වහන්සේ දීපංකර බුදුරදුන් හමුවේ නියත විවරණ ලබා ගැනීම.

     ⭕ බුදුන් වහන්සේ කිඹුල්වත් නුවරදී සුද්ධෝදන රජු ඇතුළු නෑදෑ පිරිසට යමාමහ පෙළහර පෑම

    ⭕ බුද්ධත්වයෙන් 8 වන වර්ෂයේ මණිඅක්ඛිත නා රජුගේ ආරාධනයෙන් කැළණියට වැඩම කිරීම

   ⭕ සුමන සමන් දෙව්‍ රජුන්ගේ ආරාධනයෙන් සමනල පව්වට වැඩම කර බුදු සිරිපා පිහිටුවීම.

    ⭕ ආනන්ද හිමියන්ගේ පිරිනිවන් පෑම

    ⭕ කිසා ගෝතමිය විසින් නිබ්බුත පද කීම

මේ ආකාරයට වෙසක් පොහෝදින ඓතිහාසික මෙන්ම ශාසනික වශයෙන්ද වැදගත් සිදුවම් රාශියක් සිදු වී තිබේ.

 වෙසක් පොහෝදින ප්‍රධාන වශයෙන් සිදු කරනු ලබන සැරසිලි වත්පිළිවෙත් මෙසේය

    🛑 සෑම නිවසකම පාහේ වෙසක් කූඩුවක්, බෞද්ධ කොඩියක් දක්නට ලැබීම

   🛑 තම නිවස ඇතුළු සියලුම ස්ථාන පහන් ආදී විවිධ වෙසක් සැරසිලි වලින් අලංකාරවත් වීම

   🛑 ආගමික වතාවත් වල නියැලීම

   🛑 සීල සමාදානය ,භාවනා වැඩසටහන්,විවිධ ධර්ම දේශනා වැඩසටහන්,දානමය පිංකම් ආදී නොයෙකුත් අගමික වතාවත් සිදු කිරීම

   🛑 පන්සිය පනස් ජාතක පොතෙහි එන බුදු සිරිතේ විවිධ කතා වස්තු ඇතුළත් තොරණ් නිර්මාණය කිරීම,කවි බණ කීම,විවිධ නාට්‍ය රඟ දැක්වීම ආදිය සිදු කිරිම

   🛑 සිදුහත් කුමරුගේ උපත සිහිපත් කරමින් අලංකාර ලෙස නෙළුම් මල් නිර්මාණය මෙන්ම එවන් සිදුවීම් ආලලා වර්තමානය වනවිට විවිධ නිර්මාණ බිහිවී තිබේ.

    🛑 සෑම ප්‍රදේශයකම පාහේ දන්සල් පැවැත්වීම අද සුලබ දෙයක් බවට පත් වී තිබේ.

මේ ආකාරයට මුළු ලෝකය පුරාම සිටින බෞද්ධ ජනතාව එකට ආගමික වතාවත් වල නියැලේ.එමෙන්ම රජය විසින්ද වෙසක් පොහොය දිනයට සුරාසැල් විවෘත කිරීම,සත්ත්ව ඝාතනය වැනි නොයෙකුත් අධාර්මික ක්‍රියා නීතිය තුළින් තහනම් කර තිබේ.

 සැබෑ ලෙසම වෙසක් පොහොයේ අර්ථය විය යුත්තේ බුදුන් වහන්සේ තම ජීවිත කාලය පුරාවටම ලෝක වාසින් උදෙසා කරනු ලැබූ උතුම් මෙහෙය සිහිපත් කරමින් එය ඇගයීමයි.එමෙන්ම බුදුන් වහන්සේගේ දර්ශනය විකෘති නොකර උන්වහන්සේ පෙන්වා දුන් විමුක්ති මාර්ගයේ ගමන් කිරීමයි.නමුත් වර්තමානයේ මෙය හාත්පසින්ම වෙනස් වී තිබේ.බොහෝ මිනිසුන් තමන්ගේ පෞද්ගලික අරමුණු වෙනුවෙන් මෙන්ම විනෝදය ලබා ගැනීම වැනි පටු අරමුණු වෙනුවෙන් වෙසක් උත්සව සැමරීම සිදු කරයි.අවම වශයෙන් වෙසක් කූඩුවකින් අර්ථවත් වනුයේ බුදුදහමේ ගැඹුරුම දේශනයක් වන ආර්‍යාෂ්ටාක්ගිය මාර්ගය බව බොහෝ බෞද්ධයන් නොදන්නා කාරණයකි.එමෙන්ම එය ජීවිතයේ අනිත්‍ය මෙනෙහි කරවන්නකි.නමුත් මිනිසුන් තුළ මේ පිළිබඳ කිසිදු අවබෝධයක් නොමැත. එය බුදුන්වහන්සේ දේශනා කළ මාර්ගය නොවේ.

  එබැවින් පිටතට පෙනෙන්නට ආටෝපයට බෞද්ධයෙකු නොවී ඇතුලතින්ම බුදුන්වහන්සේට ගෞරව කරමින් උන්වහන්සේගේ මාර්ගයේ ගමන් ගන්නා සැබෑ බෞද්ධයෙකු වීම මෙම උතුම් පොහෝ දිනයේ සියලු දෙනාම තම වගකීමක් ලෙස සළකා ඉටු කිරීම උතුම් ය.

ඔබ සැමට උතුම් වෙසක් පුර පසලොස්වක පොහෝ දිනයක් වේවා🙏🙏

Happy Mother's Day

 

The Silent Superheroes: Celebrating the Magic of Mothers👩🏼‍🍼💜

There are no capes, no spotlights, and no standing ovations. Yet, every day, all around us, superheroes are at work. They wake up early, sleep late, wipe away tears, pack lunchboxes with love, and offer a hug that feels like home. They are called mothers.

Mother’s Day is more than just flowers and cards—it’s a chance to pause and honor the quiet power behind the strongest people we know. A mother is often the first storyteller, first teacher, first doctor, and first best friend. Her voice can silence fear, and her touch can heal wounds no medicine can reach.

This Mother’s Day, let’s celebrate the invisible threads that mothers weave into our lives—threads of patience, sacrifice, strength, and unwavering love. Whether she’s your birth mother, adoptive mom, grandmother, sister, or a motherly figure who stepped in with care and compassion—today is for her.

Let’s write her a letter. Let’s cook her favorite dish. Let’s listen to her stories. Most of all, let’s thank her. For the lullabies and late nights. For the encouragement and the endless faith. For being our anchor in the storm and our cheerleader in the sunshine.

Because behind every great person is a mother who believed in them first.

Happy Mother’s Day to the real superheroes of the world.💜

අවදානමට සූදානමක්.

 කොළඹ විෂ්වවිද්‍යාලයීය ශාස්ත්‍ර පීඨ Leo සමාජය යටතේ ක්‍රියාත්මක අවදානම ට සූදානමක් නම් වූ ව්‍යාපෘතිය මේ වන විට අදියර 3 ක් යටතේ ඉදිරියට ඇවිත් තියෙනවා. ඒ කාලය තුළ මේ project එකේ 3 වන අදියර සුවිශේෂී වන බව project එකෙහි භාණ්ඩාගාරික වශයෙන් මා හට හැගී යයි. මක් නිසා ද යැයි කිවහොත්, හැම විට ම අවදානමකට සූදානම් විය යුත්තේ එක්කෝ මනුෂ්‍යන් නැතහොත් සතුන් ය . ඒ අතරින් මනුශ්‍යයන් කෙසේ ද අවදානමකට සූදානම් විය යුත්තේ යන්න අනතුරු වලට දක්වන ප්‍රතිචාර අපට මේ project එකේ මේ අදියර තුළ හදුන ගන්න ලැබුනා. ඒ විතරක් නෙවේ මේ රටේ අනතුරු වළක්වා ගැනීමට විය යුතු දේ මොනවාද ,වෙනස් විය යුතු දේ මොනවද යන්න පිළිබඳව ද සාධනීය සහ නිශේධනීය අදහස් ඔවුන් අප සමග කිසිදු පැකිලීමකින් තොර ව බෙදා ගත්තා . ඒ වගේ ම අප ඔවුන්ට සවන් දීම සිදුකළෙමු.

 කෙසේ වෙතත් මා ගේ මතය නම් අප සැමට කොතනක කුමන වේලාවක ආපදාවක් අනතුරක් සිදුවේ ද යන්න අප කිසි වෙකුට කිව නොහැකි ය. ඒ නිසා නිරතුරුව අප හට අවදානමකට පෙර සූදානම වැදගත් වේ .           

  - Sachithra Edirisingha –

අවදානමට සූදානම ව්‍යාපෘතිය මත මහජනතාවගේ අදහස් විමසීම.

මාර්ග අනතුරු සම්බන්ධයෙන් මහජනතාවගෙන් කරුණු විමසීමේදී "මාර්ග අනතුරු සිදුවීමට හේතු පිලිබදව ඔබේ මතය" යන පැනය මත බොහෝ රියදුරන් දුන් පිලිතුර වන්නේ , දුරකතන භාවිතා කරමින් මාර්ගයේ ගමන් කිරීමයි. තව දුරටත් කරුණු විමසීමේදී එකිනෙකා කතාබහ කරමින් අනිකුත් වාහන හා මිනිසුන් කෙරෙහි නොසැලකිලිමත් බවකින් මාර්ගයේ ගමන් කරන බව ඔවුන් පැවසීය. මේ සම්බන්ධයෙන් රියදුරන් පමණක් නොව පදිකයන්ද සැලකිලිමත් විය යුතු බව ඔවුන් තදින්ම පැවසීය. 

"මාර්ග අනතුරු වැළැක්වීම සඳහා ගත හැකි ක්‍රියාමාර්ග මොනවාද" යන පැනය මත වාහන පැදවීමේදී මෙන්ම ගමන් කිරීමේදී ද දුරකතන භාවිතා කිරීම තහනම් කිරීමත් මාර්ග නීති පිලිබදව මෙන්ම සියලු පුද්ගලයන් හා අනිකුත් වාහන පිලිබඳව වැඩි අවධානයක් යොමු කල යුතු බවත්ය.

මෙම ව්‍යාපෘතිය යටතේ අප විසින් කොළඹ නගරය අවට හමුවන ජනතාවගෙන් ලබා ගත් අදහස් වලට අනුව එම පුද්ගලයන් වැඩි පිරිසකට මෙම මාර්ග අනතුරු පිළිබද අත්දැකීම් ඇති බව අපට පෙනීගිය කරුණක් විය.

             ඒ අනුව යමින් තව දුරටත් පැනයන් යොමු කරමින් අප ඔවුන්ගෙන් දැන ගැනීමට යොමු වුනේ ඔවුන් දරන මතයන්ට අනුව මෙම වැඩිවන මාර්ග අනතුරු වලට ප්‍රධාන වශයෙන් බලපාන හේතු සාධක මොනවාද යන්න පිළිබදවයි. මේ පිළිබද තව තවත් දැන ගැනීමට කැමැත්තෙන් අප විසින් යොමු කරන ලද පැනය වූයේ මේ සදහා ගතයුතු යම් පියවරයන් වේද යන්නයි. ඒ අනුව ඉදිරිපත් වූ අදහස් ලෙස

• අවිදිමත් ලෙස මාර්ගය භාවිත කරන්නන් හට නීතිය දැඩිව ක්‍රියාත්මක කීරීම

• රියදුරන් මෙන්ම පදිකයන්ද නිසි අවධානයකින් යුතුව මාර්ගය භාවිතා කිරීමට කටයුතු කිරීම

ආදී වූ අදහස් ඉදිරිපත් විය. එමෙන්ම තව දුරටත් මෙම මාර්ග අනතුරු වැඩිවීමට බලපාන හේතුවක් ලෙස ඔවුන් ප්‍රකාශ කලේ නොසැලකිලිමත්ව පදිකයන් පදික වේදිකාවේ ගමන් කිරීමයි.

        ඒ අනුව මෙම අදහස් විමසීමෙන් අනතුරුව අප මෙම අනතුරු වලක්වා ගැනීමට ගත හැකි පියවරයන් පිළිබදව ඔවුන්ගෙන් අදහස් විමසූ අතර එවිට ඔවුන් තරයේ ප්‍රකාශ කලේ පදිකයන් මෙන්ම රියදුරන්ද මාර්ගයේ ගමන් කිරීමේදී දුරකථනය භාවිතා නොකීරීමට කටයුතු කළ යුතු බවයි. එමෙන්ම පදිකයන්ගේ නොසැලකිලිමත් පදිකමාරුව පිළිබදව ඔවුන් ප්‍රකාශ කරන ලද්දේ ඒ සදහා නීතිමය ක්‍රියාමාර්ග අනුගමනය කිරීමට වගබලා ගතයුතු බවයි. ඒ අනුව රියදුරන්ට මෙන්ම පදිකයන්‍ටද එරෙහිව අවිදිමත් පදික මාරුවේදී නීතිමය ක්‍රියාමාර්ග ගතයුතු බව ඔවුන් තව දුරටත් ප්‍රකාශ කරන ලදී.

අනතුරු සහ ආපදා පිළිබඳව සලකාබැලීමේදී, අප නොසිතූ අවස්ථාවන්වල, නොසිතූ තැනක දී, අනපේක්ෂිත ලෙස අනතුරු සිදු වීමට ඉඩකඩ පවතී. අනතුරු නිසාවෙන් වටිනා මිනිස් ජීවිත ද, දේපල ද හානි වීම සිදු වෙයි. එබැවින් අනතුරු සහ ආපදා තත්වයන්ගෙන් ආරක්ෂා වෙමින් සුරක්ෂිත ව ජීවත් වීම සඳහා අවදානමට සූදානම් ව කටයුතු කරමින් දිවි මග ගමන් කිරීමට ඔබ අප කවුරුත් කටයුතු කල යුතු වෙයි.