"මිහිමඬලේ අරුමැසි උරුමය -ජලය" 

ස්වභාවධර්මයේ අපූර්වතම දායාදයක් වන ජලය පෘථිවි තලය මත ජීවීන්ගේ පැවැත්ම තහවුරු කරයි.හයිඩ්‍රජන් සහ ඔක්සිජන් අණු සංයෝග වීමෙන් සැකසී ඇති ජලය ඝණ, ද්‍රව,වායු යන අවස්ථා 3න් පෘථිවි තලය මත හඳුනා ගත හැකිය. ජලය පෘථිවි පෘෂ්ඨයෙන් 71% ක් පමණ ඇති සියලුම ජලයෙන් 96.5% ක් සාගර තුළ ලුණු ජලය ලෙස අඩංගු වන අතර ඉතිරි 3.5% මිරිදිය විල් සහ ශීත කළ ජලය ග්ලැසියරවල සහ ධ්‍රැවීය අයිස් තට්ටුවල සිරවී ඇත.මිනිස් පරිභෝජනය සඳහා ඉතා සීමිත ජල මට්ටම අද වන විට ස්වභාවික සහ මානව ක්‍රියාකාරකම් මත විශාල වශයෙන් දූෂණයට ලක් ව ඇත.කර්මාන්තශාලාවලින් පිටකරන අපද්‍රව්‍ය,සුපෝෂණය,කෘෂි රසායනික;නොදිරන අපද්‍රව්‍ය ; රෝග කාරක විෂ බීජ;සතුන්ගේ මල පහ ආදිය ජලයට එකතුවීම,තෙත්බිම්වල කුණු කසල පිරවීම,හදිසි අනතුරු නිසා වන ජල දූෂණය.

(උදා-කොළඹ වරාය අවට තෙල් නැව්වලින් ඇති වන අනතුරු),කඳු හා උස් බිම් සෝදා පාලුව නිසා ජලයේ බොරතාවය ඉහළයාම ආදිය මගින් ජල දූෂණය සිදු වේ.මෙසේ සිදුවන ජල දූෂණය ජීවි පැවැත්ම කෙරෙහි අනිසි බලපෑමක් නිතැතින් ම එල්ල කරයි.ජීවින්ට ලෙඩ රෝග ඇති වීම;ගංගා දූෂණය වීම නිසා උදරාබාධවලින් ලෝක ජනතාව වසරකට මිලියන 5ක් පමණ මිය යති. මිනිසුන්ගේ අවශ්‍යතාවලට යොදා ගැනීමට නොහැකිවීම,නිසි ජල සැපයුමක් නොමැති වීම, පිරිසිදු පානීය ජලය නොමැතිවීම වැනි කිසිදා මුහුණ නොදුන් අහිතකර තත්ත්වයන්ට මුහුණ දීමට අපට සිදුවනු ඇත.මේ නිසා මිහිමවගේ අරුමැසි ත්‍යාගය සුරක්ෂිත කිරීම ඔබගේත් මාගේත් නියම යුතුකමකි.

Leo Shasheema Piyumi