W3 Article 06

 

W3

Waste | Wise | Waves

Phase I

Article 6

වර්තමානය වන විට ප්‍රභලතම ගැටලුවක් බවට පත් වී ඇති E- waste යනු සියලුම ඉලෙක්ට්‍රොනික අපද්‍රව්‍යය ලෙසින් සරලව නිර්වචනය කළ හැක.

සැබවින්ම මේ වන විට ගෝලිය අර්බුදයක් බවට පත්ව ඇති ඉලෙක්ට්‍රොනික අපද්‍රව්‍යය හේතුවෙන් බොහෝ අර්බුදකාරී තත්වයන් පැන නැගී ඇති අතර ඒ නිසාවෙන්ම ඇමරිකා එක්සත් ජනපදය,චීනය,ඉන්දියාව වැනි රටවල් මෙම අපද්‍රව්‍ය තර්ජනයෙන් ගැළවීම උදෙසා නිරන්තරයෙන් කටයුතු කරමින් සිටී.තවද ශ්‍රී ලංකාවද රාජ්‍යය මට්ටමෙන් මේ සදහා කටයුතු කරනු ලබයි.

ඉලෙක්ට්‍රොනික උපාංග භාවිතා කරන පුද්ගලයන් වශයෙන් මෙම ඉලෙක්ට්‍රොනික අපද්‍රව්‍ය පාලනයට මැදිහත් විය හැකිද ❔

ඔව් අනිවාර්යයෙන්ම....ඒ උදෙසා ඔබට සිදු කරන්නට ඇත්තෙ සුළු කාර්යයන් කිහිපයක් පමණයි.

ඔබ භාවිතා කරන දුරකථන හා අනෙකුත් උපාංග භාවිතයට සුදුසු මට්ටමේ පවතින විට ඉවත් කිරීම පිළිබද යළිත් වරක් සිතා බලන්න.

ඔබ භාවිතා කරන උපාංග වල දෝෂ පවතීනම් ඒවා ඉවත් නොකර අලුත්වැඩියා කර නැවත භාවිතා කළ හැකිදැයි සොයා බලන්න.

ඔබ භාවිතා කර ඉවත් කරන උපකරණ ඉලෙක්ට්‍රොනික උපකරණ නිශ්පාදනය කරන ලබන අළුත්වැඩියා කරනු ලබන ආයතනයකට ලබාදීමට හැකිදැයි සොයා බලන්න.

ඔබ භාවිතා කර ඉවත් කරන උපාංග විද්‍යුත් අපද්‍රව්‍ය ප්‍රතිචක්‍රීකරණ මධ්‍යස්ථානයකට ලබා දීමට උත්සහ කරන්න.

සැබවින්ම ඔබට කරන්නට ඇත්තේ සුළු දෙයකි. නමුත් එහි ප්‍රතිඵලය ඉලෙක්ට්‍රොනික අපද්‍රව්‍යයෙන් තොර ලොවක් තනාවි.

අපගේ මීළග ලිපිය හරහා “භාවිතා කර ඉවතලූ දෑ ඇසුරින් ස්වයං රැකියා අවස්තා බිහිකරමු.” යන මාතෘකාව ඔස්සේ වැඩි දුරටත් කතා කිරීමට සුදානම් වන බව දන්වමින් සමුගනිමු.

ස්තූතියි!

By ,

Leo Kaveeshi Kethmini

#leo_uoc_foa

#LeosofUOCFOA

#leodistrict306A1

#LeoMD306

#leosOfSriLankaMaldives

சர்வதேச இளைஞர் தினம்

 

சர்வதேச இளைஞர் தினம்

சர்வதேச இளைஞர் தினமானது ஒவ்வொரு‌ ஆண்டும் ஆகஸ்ட் மாதம் 12ம் திகதி நினைவு கூறப்படுகிறது. 1999ம் ஆண்டு ஐக்கிய நாடுகளின் பொதுச்சபையால் அங்கீகரிக்கப்பட்ட பின் 2000ம் ஆண்டு ஆகஸ்ட் 12இல் முதன் முதலாக சர்வதேச ரீதியில் இளைஞர் தினம் கொண்டாடப்பட்டது. அந்த வகையில் இவ்வருடமும் இளைஞர் தினம் கொண்டாடப்படுவதுடன் அதன் கருப்பொருள் "நிலைப்பேண் உலகை நோக்கிய இளைஞர்களுக்கான பசுமைத் திறன்கள்" (Green skills for youth towards a sustainable world) என்பதாகும்.

    பசுமை உலகத்தின் வெற்றிகரமான மாற்றத்திற்கு இன்றைய இளைஞர்களின் பங்கு முக்கியமானதாகும். வளங்களின் நிலைப்பேன் அபிவிருத்திற்கு தேவையான அறிவு, திறன், அணுகுமுறைகள் என்பவையை மேம்படுத்த வேண்டி உள்ளதோடு தொழில்சார் அமைப்புகளில் பசுமை தொழில்நுட்பம் மற்றும் செயன்முறைகளை திறம்பட பயன்படுத்த உதவும் தொழில்நுட்ப அறிவு மற்றும் திறன்களை இளைஞர்கள் மத்தியில் வளர்க்க வேண்டிய அவசியத்தையும் இவ்வருடத்திற்குரிய கருப்பொருளானது சுட்டிக்காட்டுகிறது.

      உலக சனத்தொகையில் பெரும்பாலானோர் இளைஞர்களாக இருப்பதுடன் இவர்கள் சமூகத்தின் ஆணிவேராகவும் திகழ்கின்றனர். ஐக்கிய நாடுகள் சபை 15 வயது முதல் 24 வயதிற்கு உட்பட்டவர்களை இளைஞர்கள் என வரையறுத்துள்ளது. சர்வதேச இளைஞர் தினம் இளம் திறமைகளை அங்கீகரிக்கும் வாய்ப்பை வழங்குவதோடு இளைஞர்கள் எதிர்கொள்ளும் பிரச்சினைகளுக்கு தீர்வுகளை கொண்டு வருவதை நோக்கமாக கொண்டுள்ளது. கல்வி, வேலைவாய்ப்பு, சுகாதாரம் மற்றும் பொது வாழ்வில் இளைஞர்களின் உரிமையை வலியுறுத்தும் தினமாக ஒவ்வொரு ஆண்டும் உலக நாடுகள் அனைத்தும் இளைஞர் தினத்தை கொண்டாடுகின்றன. காரணம் இன்றைய இளைஞர்கள் சவாலான‌ உலகின் சுமைகளை சுமப்பதோடு வேலையின்மை, அதிகரித்த வாழ்வாதார செலவு, மட்டுப்படுத்தப்பட்ட வாய்ப்புக்கள் போன்ற பல பிரச்சனைகளை சந்திக்கின்றனர்.

     எனவே இவ்வருடமும் பசுமை திறன்களை இளைஞர் மத்தியில் வளர்க்க செய்து அவர்களை ஆக்கப்பூர்வமான நடவடிக்கைகளில் ஈடுபடுத்தி நிலைப்பேண் உலகொன்றை அமைக்கவும் அவர்களின் உணர்வுகளை நெறிப்படுத்துவதுடன் வெற்றி மனப்பாங்கினையும் ஏற்படுத்துவோமாக.

M.N.F.Nifla

University of Colombo

Faculty of Arts

2nd year

International Youth Day

 

International Youth Day

       International Youth Day is celebrated on August 12 in every year. This year's theme is *Green Skills for Youth Towards a sustainable World.*". In 1998, the World Youth Ministerial Conference held in Lisbon, Portugal recommended that August 12 be named World Youth Day. In 1999, August 12 was named World Youth Day and adopted as National Youth Day. Since the year 2000, all the member countries of the United Nations have been celebrating the International Youth Day by organizing various programs with the participation of the youth community.

Unfortunately, many young people around the world today are struggling and have limited access to essential resources that could pave the way for a better future. Accordingly, a day has been set aside for the youth with the aim of bringing youth issues to the attention of the international community and celebrating the potential of the youth as members of today's global society.

 Also, on the occasion of International Youth Day, many government officials, local as well as national, non-governmental organizations, youth administration etc. are organizing events to celebrate this day. Workshops, meetings, concerts, cultural events etc. are happening all over the world focusing on youth empowerment. So fulfill your responsibility as a youth on International Youth Day for the youth who will win the world tomorrowSewwand

Tharushika Sewwandi

Faculty of Arts

University of Colombo

ජාත්‍යන්තර තරුණ දිනය

 

තිරසර ලෝකයක් කරා යෞවනයන් සදහා හරිත කුසලතා.

 

ලෝකය නගාසිටුවීමේ හා සංවර්ධනය කිරීමෙහිලා තරුණයන්ගේ භූමිකාව සිහිපත් කරනු පිණිස එක්සත් ජාතීන්ගේ සංවිධානය විසින් ජාත්‍යන්තර දින ප්‍රකාශයට පත් කරන ලද්දේ 1999.12.17 වන දින ය. සෑම වසරකම අගෝස්තු මස 12 වන දින ජාත්‍යන්තර තරුණ දිනය  විවිධ තේමා ඔස්සේ ලොව පුරා සමරනු ලබයි. මෙවර ජාත්‍යන්තර තරුණ දින තේමාව වනුයේ "brain skills for youth: towards for sustainable world"( තිරසාර ලෝකයක් කරා යාමට යෞවනයන් සඳහා හරිත  කුසලතා) යන්නයි.

 

හරිත කුසලතා යනු ජීවත්වීමට අවශ්‍ය දැනුම හැකියාව වටිනාකම් සහ ආකල්ප සංවර්ධනය සහ සමාජ සම්පත් කාර්යක්ෂමව හා තිරසාර භාවිතයට සහය වීමයි. නූතන ලෝකයේ හරිත සංක්‍රාන්තියට අවතීර්ණ වෙමින් සිටින අවධියක තරුණයන්ගේ අසීමිත ශක්තිය, අදහස් හා දායකත්වය මනුෂ්‍යත්වය රඳා පැවැත්ම සඳහා අත්‍යවශ්‍ය වේ. එක්සත් ජාතීන්ගේ මහලේකම් Antonio Gutteres පවසනුයේ ඒ සඳහා අද සහ සෑම දිනකම සාධාරණ හා තිරසාර ලෝකයක් හැඩගැස්වීම සදහා තරුණ තරුණියන්ට සහය දිය යුතු බවයි. මන්ද හරිත ලෝකයක් කරා සාර්ථක සංක්‍රමණයේ ජයග්‍රහණයක් ලඟාකරගැනීමට නම් තරුණයින්ගේ හරිත කුසලතා වර්ධනය ඔප් නැංවිය යුතු බැවිනි. සමීක්ෂණ මගින් හෙළි වන අන්දමට වර්තමානයේ ලෝකයෙන් හරි අඩක් අවුරුදු 30 හෝ ඊට අඩු අය වන අතර 2030 වන විට එය 57% දක්වා ඉහළ යනු ඇතැයි අපේක්ෂා කෙරේ. එබැවින් ලෝකයේ ඉදිරි ගමන ඵලදායි කර ගැනීම සඳහා තරුණයන් කේන්ද්‍ර කරගත් මෙවන් ක්‍රියාපටිපාටීන් සැබැවින්ම ඵලදායී වේ.

 

Leo Tharushika Hansamali

Second year

Faculty of Arts

W3 Article 05

 

W3

Waste | Wise | Waves

Phase I

 

Article 5

 

 

ඉලෙක්ට්‍රොනික අපද්‍රව්‍ය නොහොත් විද්‍යුත් අපද්‍රව්‍ය ලොව පුරා වේගයෙන් වර්ධනය වන අපද්‍රව්‍ය ධාරාවන්ගෙන් එකක් බව ඔබ දන්නවාද? එක්සත් ජාතීන්ගේ පරිසර වැඩසටහන ( UNEP) ගණන් බලා ඇති ආකාරයට වාර්ෂිකව විදුලි උපකරණ මිලියන 50ක් ලෝකයේ විද්‍යුත් අපද්‍රව්‍ය බවට පත්වේ. වේගවත් සමාජ ආර්ථික සංවර්ධනය සහ තාක්ෂණික දියුණුව මෙම ප්‍රවණතාවේ ප්‍රධාන ධාවකයන්වේ. මෙම ප්‍රමාණයෙන් 32% නිෂ්පාදනය කරනු ලබන්නේ විශාලතම ආර්ථිකයක් ඇති රටවල් වන එක්සත් ජනපදය සහ චීනය විසිනි.

 

 

මොනවද මේ විද්‍යුත් අපද්‍රව්‍ය? විද්‍යුත් අපද්‍රව්‍ය හෝ ඉලෙක්ට්‍රොනික අපද්‍රව්‍ය යනු ඉවත ලන ,විසිරුවා හරින ලද, විනාශ කරන ලද හෝ බැහැර කරන ලද ඉලෙක්ට්‍රොනික උපාංග වේ. ඔබ මේ ලිපිය කියවන ජංගම දුරකථනය හෝ පරිගණකය, එහි චාජරයේ සිට කෙතරම් ඉලෙක්ට්‍රොණික උපාංගයන් අපි භාවිතා කරනවා ද? මොකද එතකොට කරන්නේ.. කැඩෙන කැඩෙන ප්‍රමාණයට තව තවත් අලුතින් භාණ්ඩ මිලට ගැනීමට හා භාවිතා කිරීමට සිදුවෙනවා.. එතකොට පරණ ඒවට මොනවද කරන්නේ…සරලව සහ බහුලව සිදුවන දේ තමයි කුණුගොඩට ඒවා විසි කරලා දාන එක. සමහර විට ඒවා ගිනි තියෙනවා.

 

 

මේ භාණ්ඩවල අනතුරුදායක තත්ත්වය මොකක්ද එතකොට,,  මේ භාණ්ඩ සකසලා තියෙන්නේ විවිධාකාරයේ රසායනික ද්‍රව්‍ය භාවිත කරලා. සාමාන්‍යයෙන් ලෝහ වර්ග, බැර ලෝහ වර්ග ,ක්ෂාර ලෝහ වර්ග, විෂ සහිත හයිඩ්‍රොකාබන(ප්ලාස්ටික්) වගේ විවිධාකාරයේ අමුද්‍රව්‍ය වලින්. මේ සමහර රසායනික කුඩා ප්‍රමාණයකින් හෝ පරිසරයකට එකතු වීම ඉතාම අනතුරුදායක වන්නට පුළුවන්. වාතය, ජලය, පස දූෂණය වීම හරහා ශාක, සතුන්, මිනිසා කියන හැම ජීවියෙකුටම හානිදායක වෙන්නට පුළුවන්.

 

 

ඔබම සිතා බලන්න ඔබ කෙතරම් ඉලෙක්ට්‍රොනික කසළ ප්‍රමාණයක් වසරකට, අනාරක්ෂිත ආකාරයට පරිසරයට මුදා හරිනවාද කියල. එය ඉතා විශාල මෙන්ම ගණනය කළ නොහැකි  හානියක් බව ඔබට පෙනෙනවා ඇති.

 

අපගේ මීළග ලිපිය හරහා “වසරක් පාසා ගොඩගැසෙන ඉ-අපද්‍රවය නිසි පරිදි බැහැර කිරීම හා ප්‍රතිචක්‍රීකරණය” යන මාතෘකාව ඔස්සේ වැඩි දුරටත් කතා කිරීමට සුදානම් වන බව දන්වමින් සමුගනිමු.

 

ස්තූතියි!

 

By ,

Leo Idunil Bhagya

 

#leo_uoc_foa

#LeosofUOCFOA

#leodistrict306A1

#LeoMD306

#leosOfSriLankaMaldives

W3 Article 04

 

W3

Waste | Wise | Waves

Phase I

 

Article 4

 

ආහාර කල් තබා ගන්නා ඉපරැණි ක්‍රම

 

අප පරිභෝජනයට ගන්නා සෑම ආහාරයක් ම නරක් වීමට භාජනය වන අතර ආහාරයක් නරක් වීමට ජීව විද්‍යාත්මක මෙන් ම රසායනික සහ ⁣භෞතික හේතු වැනි හේතූන් ගණනාවක් ම බලාපනු ලබයි. මෙලෙස පරිභෝජනය කරනු ලබන ආහාර නරක් වීම වළක්වා ගැනීමට විව්ධ ක්‍රම භාවිත කරයි. මෙලෙස විවිධ වූ ක්‍රම උපයෝගි කර ගනිමින් ආහාර නරක් නොවී කල්තබා ගැනීමට  අපේ පැරැන්නන් කාලයේ සිට ම කටයුතු කර තිබේ.

 

මෙලෙස පරිරක්ෂණ ක්‍රම සරල සහ නවීන තාක්ෂණික ආදී වශයෙන් හැදින්විය හැකි අතර තක්ෂණික ක්‍රම වෙනුවට සරල පරිරක්ෂණ ක්‍රම විශාල වශයෙන් ගෘහණියන් අතීතයේ සිට ම උපයෝගි කර ගෙන තිබේ. ඒ අනුව කොස්, දෙල් වැනි ආහාර වැඩි වශයෙන් ඵලදාව දරන කාලවල ඒවා වියළා අටු කොස්, දෙල් වියළීම ආදි වශයෙන් නවීන ආහාර වර්ග සෑදීම අතීතයේ පටන් පැවති කල්තබා ගන්නා ක්‍රමයකි. එසේ ම ඇතැම් කාලවල දෙහි ඵලදාව අතිරික්ත වූ විට ලුණු දෙහි දැමීම අතිරික්ත දෙහි ප්‍රමාණයෙන් සිදු කරයි. මෙය අතීතයේ භාවිතා කරන ලද ඉතාමත් ජනප්‍රිය පරිරක්ෂණ ක්‍රමයකි.

 

මීට අමතර ව අලවලින් දෝසි සෑදීම ද අතීතයේ දී භාවිත කරන ලද්දකි. මෙය විශේෂයෙන් ම ස්වයං රැකියාවල නිරතවන්නන් බහුල ව භාවිත කරන්නකි. ඒ හා සමාන ව චට්නි සෑදිම, සෝස් සෑදීම ද ඉපැරණි සමයේ සිට අද වන තෙක් භාවිත කරන ලද පරිරක්ෂණ ක්‍රමයකි. මෙය ද ස්වයං රැකියාවල නිරතවන කාන්තාවන්, පිරිමින් විසින් සිදුකරනු ලද කටයුත්තකි. මෙලෙස ආහාර කල්තබා ගැනීම සදහා උපයෝගි කරගන්නා පරිරක්ෂණ ක්‍රම නිසා ම ඇතැමුන්ට ඒ හරහා අමතර ආදායමක් ඉපයීමට ද හැකියාව ලැබේ. එය මෙම පරිරක්ෂණ ක්‍රම මගින් සැලසෙන තවත් වාසියකි.

 

එසේ ම මුහුදු බඩ ප්‍රදේශවල මෙන් ම අනෙකුත් ප්‍රදේශවල ද භාවිතා කරන තවත් ඉපරැණි ආහාර කල්තබා ගන්නා ක්‍රමයක් ලෙස ඇඹුල් තියල් නම් කළ හැකිය. මාළු ඇඹුල් තියල් යනු නම් ඇසු පමණින් කටට කෙළ උනන ප්‍රණීත වූ ආහාරයකි. ඇඹුල් තියල් සෑදීම තුළින්ද මාළු නරක් නොවී කල් තබා ගත හැකිය.

 

ඉහත සදහන් කළ සෑම ආහාරයකින් ම වනුයේ ආහාර නරක් වීමට බලපාන හේතු පාලනය කිරිමක් වන අතර ඒ හරහා ආහාරවල සිටින ක්ෂුද්‍ර ජීවීන් විනාශ වී ඔවුන්ගේ ක්‍රියාකාරිත්වය අක්‍රිය වීමක් ද ආහාරයේ අඩංගු එන්සයීන විනාශ විමක් ද සිදු වී ආහාර දිගු කලක් නරක් නොවී කල්තබා ගත හැකි තත්ත්වයට පත් වේ.

 

විශේෂයෙන් ම අතීතයේ පුද්ගලයින් ආහාර නරක් වීම පාලනය කිරිම උදෙසා පමණක් නොවන අතර අතිරික්ත ආහාර කල්තබා ගැනීමට ද මෙලෙස මෙම පරිරක්ෂණ ක්‍රම උපයෝගි කරගෙන තිබේ. අද වනවිට එම ඉපරණි කල්තබා ගන්නා ක්‍රම හරහා අමතර ආදායමක් ලබන තත්ත්වයට පවා ඇතැම් පුද්ගලයින් පත් ව තිබීම රටේ ආර්ථිකයට සේ ම තමන්ට ද සැලසෙන වාසියකි. එනම් අද පටන් ඔබත් ආහාර ඉවත නොදමා කල්තබා ගැනීමට උචිත ක්‍රම උපයෝගි කරගනිමින් ඒ හරහා රටට සේ ම තමන්ට ද වැදගත් වූ යමක් සිදුකිරිමට අදිටන් කරගත යුතු ය.

 

අපගේ මීළග ලිපිය හරහා “E-Waste” යන මාතෘකාව ඔස්සේ වැඩි දුරටත් කතා කිරීමට සුදානම් වන බව දන්වමින් සමුගනිමු.

 

ස්තූතියි!

 

By,

Leo Pavani Kasuntha

 

#leo_uoc_foa

#LeosofUOCFOA

#leodistrict306A1

#LeoMD306

#leosOfSriLankaMaldives

W3 Article 03

 

W3

Waste | Wise | Waves

Phase I

 

Article 3

 

ආහාර සහ ජලය මිනිසාගේ යහ පැවැත්මට මෙන්ම සෞඛ්‍ය සම්පන්න දිවියට අත්‍යවශ්‍යම සාධක දෙකකි. ඒවා ක්‍රමවත්ව හා අරපිරිමැස්මෙන් භාවිතා කළ යුතු ආකාරය පිළිබඳව අප දැනුවත් වූවද, අප ඒවා සැබවින්ම ක්‍රියාත්මක කරනවාද?

 

කෑම මේසයකදී ආහාර බෙදා ගත් පසු, “මට තව කන්න බෑ, මේක රහ නෑ, මට ඇති” ලෙස සිතා හෝ පවසා කෙතරම් ආහාර ප්‍රමාණයක්  විසිකර ඇත් ද?

 

එක්සත් ජාතීන්ගේ පරිසර වැඩසටහනේ 2021 ආහාර අපද්‍රව්‍ය දර්ශකයට අනුව, ලෝකයේ සෑම වසරකම ආහාර අපද්‍රව්‍ය ටොන් මිලියන 931ක් නිෂ්පාදනය කරන අතර එයින් ටොන් 569ක් පැමිණෙන්නේ කුටුම්භවලිනි.

 

පොදු ජල නළයක හෝ නිවසේ ජල කරාමයක ඉඳුල් සේදීමේදී, රෙදි සේදීමේදී අපි නොදැනුවත්වම ජල කරාමය අධික ලෙස විවෘත කිරීම, අවශ්‍ය ප්‍රමාණයට වඩා දෙවතාවක් තෙවතාවක් සේදීම සහ ජල කරාමය නිසිලෙස නොවැසීම අනන්ත වතාවක් සිදු වෙයි.

 

පාරිසරික ආරක්ෂණ ඒජන්සිය (EPA) ඇස්තමේන්තුවට අනුව සාමාන්‍ය නිවසක දිනකට ජලය ගැලුම් 90ක් අපතේ යන බව දක්වයි.

 

මෙම නාස්තිය වළක්වා ගැනීමට අපට කළ හැකි සරල දේවල් ,

 

දිනකට හෝ වේලකට සරිලන  පරිභෝජනයට ප්‍රමාණයවත් ආහාර පිස ගන්න.

 

ආහාර අවශ්‍ය ප්‍රමාණයට පමණක් බෙදා ගන්න.

 

ජලය පුරවා ගැනීමෙන් පසු ජල කරාමය හොඳින් වසා ඇද්දැයි පරික්ෂා කරන්න.

 

පෞද්ගලික ජල පරිභෝජනයේදී, නාස්තිය අවම කිරීම.

 

මෙවැනි කුඩා පියවර කිහිපයක් තුළින් අත් කර ගත හැකි ප්‍රතිඵල බොහොමයකි.

 

අපගේ මීළග ලිපිය හරහා “ආහාර කල්තබා ගන්නා ඉපැරැණි ක්‍රම” යන මාතෘකාව ඔස්සේ වැඩි දුරටත් කතා කිරීමට සුදානම් වන බව දන්වමින් සමුගනිමු.

 

ස්තූතියි!

 

By ,

Leo Fathima  Nehala

 

#leo_uoc_foa

#LeosofUOCFOA

#leodistrict306A1

#LeoMD306

#leosOfSriLankaMaldives