සුභ නව වසරක් වේවා!

නව වසර

ලෝකය 2023 වර්ශයට සමුදෙනු ලබන  අතර දීප්තිමත් සහ සෞභාග්‍යමත් හෙටක් බලාපොරොත්තුවෙන් 2024 අලුත් අවුරුද්ද පිළිගනු ඇත.අලුත් අවුරුද්දක ආරම්භය සතුට, අලුත් ශක්තිය සහ යහපත් අනාගතයක් සඳහා බලාපොරොත්තුව සංකේතවත් කරයි.

ගෙවූ 365 ක් වූ දින ගණනාවකින් නව දින 365 ක් ගෙවීමට එනම් 2023 වසරෙන් ලද යහපත් හෝ අයහපත් අත්දැකීම් තුළින් නව 2024 වර්ශය සදහා පිවිසෙන සැමගේ සිතෙහි ඇති සියලුම අරමුණු සාක්ශාත් කරගැනීමට හැකිවන වර්ශයක් වේවා!

අලුත් අවුරුද්ද යනු නව දින දර්ශන වසරක් ආරම්භ වන වේලාව හෝ දිනය වන අතර දින දර්ශනයේ වසර ගණන එකකින් වැඩි වේ. බොහෝ සංස්කෘතීන් යම් ආකාරයකින් උත්සවය සමරයි.දෙසැම්බර් 31 රාත්‍රියේ සහ ජනවාරි 1 වනදා උදෑසන, ලොව පුරා බොහෝ රටවල මිනිසුන් නව වසරක ආරම්භය සමරනු ඇත. පළමු වරට ජනවාරි 1 නව වසරේ ආරම්භය ලෙස සැලකෙන්නේ ක්‍රිස්තු පූර්ව 45 දී ය. ඊට පෙර, රෝම දින දර්ශනය මාර්තු මාසයේ ආරම්භ වූ අතර එය දින 355 කින් සමන්විත විය. සැමරුම පැරණි මෙසපොතේමියාවේ බැබිලෝන් නගරය මීට වසර 4,000 කට පමණ පෙර පළමු අලුත් අවුරුදු සැමරුම වාර්තා කරයි .සෑම දෙසැම්බර් 31 වැනි දින මධ්‍යම රාත්‍රිය පසු වූ වහාම ලොව පුරා බොහෝ නගරවල දර්ශනීය ගිනිකෙළි සංදර්ශන පැවැත්වේ. මෑත වසරවලදී, ඕස්ට්‍රේලියාවේ සිඩ්නි, අනෙකුත් ප්‍රධාන ජාත්‍යන්තර නගර බොහොමයකට පෙර අලුත් අවුරුද්ද එහි පැමිණෙන බැවින් මෙම සැමරුම්වලින් පළමු  සත්කාරකත්වය ඔවුන් දරයි.

2024 නව වසර සැමගේ බලාපොරොත්තු සාක්ශාත් වන නව වසරක් වේවා!......

Leo Prabuddya senarathna

1st  year

Faculty of Arts

New Year

January 1st was first observed as the start of the new year in 45 BC. Before that, the Roman calendar began in March and lasted 355 days. After coming to power, Roman dictator Julius Caesar changed the calendar. In part to honour the month's namesake, Janus, the Roman god of beginnings whose two faces allowed him to look forward into the future as well as backwards into the past, made 1 January the first day of the year.

However, it wasn't widely accepted in Europe until well into the middle of the 16th century. After the introduction of Christianity, December 25, the day of Jesus' birth, was accepted and January 1, the start of the new year, was considered heathen. It wasn't until Pope Gregory changed the Julian calendar to make January 1 the official start of the year that it became accepted.

 So the clock strikes midnight and fireworks light up the sky, people around the world will come together to welcome the New Year on January 1st. On January 1, the world will bid farewell to 2023 and welcome the New Year 2024 with the promise of a more prosperous and brighter future. On this day people gather with friends and family on 31st December, New Year's Eve, to celebrate the wonderful occasion with gifts, sumptuous feasts, parties and more. From elaborate fireworks displays to intimate family gatherings, New Year traditions encapsulate the essence of bidding farewell to the old and embracing the promise of the new. The start of a new year represents joy, strength and optimism for a better future. 

Tharushika Hansamali 

Second Year

Faculty of Arts

புத்தாண்டு விழா 

ஒவ்வொரு இனத்தவரும் தமது கலாச்சாரத்திற்கேற்ப குறித்த அடிப்படைகளில் குறிப்பிட்ட சில தினங்களில் புதுவருடப் பிறப்பைக் கொண்டாடுகின்றனர். எனினும் ஆங்கிலக் கலண்டரின் அடிப்படையில் ஜனவரி முதலாம் திகதியை உலகெங்கிலுமுள்ள மக்கள் புதுவருடம் எனக் கொண்டாடி வருகின்றனர்.

2024 ஆம் ஆண்டின் விடியலில் நாம் அடியெடுத்து வைக்கும் போது புத்தாண்டு வாழ்த்துக்களைப் புதுப்பித்த நம்பிக்கையுடனும் எதிர்பார்ப்புடனும் நாம் வாழ்த்துகிறோம். கலண்டரைத் திருப்புவது காலப்போக்கில் மட்டுமல்ல புதிய தொடக்கங்கள், அபிலாசைகள் மற்றும் சாதனைகளுக்கான வாய்ப்பையும் குறிக்கிறது. 2024 இன் திரைச்சீலையில் நம்பிக்கை மற்றும் இரக்கத்தின் இழைகளைப் பின்னுவோம். அசைக்க முடியாத உறுதியுடனும் நேர்மறை உணர்வுடனும் எதிர்நோக்கும் சவால்களை ஏற்றுக்கொள்ள இந்த ஆண்டு எம்மை அழைக்கிறது. எமது முயற்சிகளின் வலிமை மற்றும் கனவுகளின் வண்ணங்களுக்காக அது காத்திருக்கின்றது. 2024 ஆனது வளர்ச்சி, கற்றல் மற்றும் புதுமைக்கான வாக்குறுதியை கொண்டுள்ளது. இது ஒரு கன்வாஸ்(Canvas) ஆகும். அதில் நாம் எமது இலக்குகளை வரைவதற்கும், எமது பாதைகளை செதுக்குவதற்கும், நம் வாழ்வின் கதைகளை செதுக்குவதற்கும் முடியும்.

கடிகாரம் ரீசெட்(Reset) ஆகும்போது எமது இலட்சியங்களையும் மீட்டமைப்போம். எமது ஆற்றல்களை மீளவும் ஒருமுகப்படுத்துவோம். தனிப்பட்ட மற்றும் கூட்டு முன்னேற்றத்துக்கான எமது உறுதிப்பாட்டை மீண்டும் உறுதிப்படுத்துவோம். காலத்தின் திரைச்சீலையில் மகிழ்ச்சியின் போர்வை நெகிழ்ச்சியின் பின்னலுடன் இறுகப் பிணைக்கப்படட்டும். மகிழ்ச்சியின் தருணங்களைப் பொக்கிஷமாகக் கருதி வலிமை மற்றும் கருணையுடன் சவால்களைக் கடந்து செல்வோம். புரிந்துணர்வு, பச்சாதாபம், கருணை என்பவற்றின் பாதங்களை உருவாக்குவோம். இரக்கம் பொதுவான மொழியாக இருக்கும் உலகத்தை உருவாக்குவோம். இன, மத, மொழி, நிற பேதங்களுக்கு அப்பால் சிறந்த மனிதநேயம், இன ஒற்றுமை என்பவற்றைக் கட்டியெழுப்புவோம்.

புத்தாண்டின் விடியல் கடந்த காலத்தின் படிப்பினைகளைப் பற்றி சிந்திக்கவும் எதிர்காலத்தின் சாத்தியக்கூறுகளைக் கற்பனை செய்யவும் எம்மை அழைக்கிறது. குடும்பம் மற்றும் நண்பர்களுடன் நாம் பகிர்ந்து கொள்ளும் பிணைப்புக்களைப் போற்றுவதற்கான நேரமிது...

2024 இன் பிரமாண்ட சுருதியில் ஒவ்வொரு குறிப்பும் வெற்றி, நல்லிணக்கம் மற்றும் நிறைவின் மெல்லிசையாக இருக்கட்டும். நேர்மறையான மாற்றத்தின் தடங்களை விட்டு நோக்கத்துடன் முன்னேறுவோம். நாம் அறியாத இப்பயணத்தை மேற்கொள்ளும் போது தைரியம் எமக்கு வழிகாட்டியாகவும் எமது நிலையான துணையாகவும் இருக்கலாம்.

 உங்கள் அனைவருக்கும் "லியோ கிளப்" சார்பாக மகிழ்ச்சியான மற்றும் வளமான புத்தாண்டு வாழ்த்துக்கள்!!! 2024 ஆம் ஆண்டானது சிரிப்பு, அன்பு மற்றும் உங்கள் ஆழ்ந்த அபிலாஷைகள் நிறைவேறும் ஆண்டாகவும், வாழ்க்கையின் வெற்றிகள், வளர்ச்சி மற்றும் மறக்க முடியாத தருணங்களின் அத்தியாயமாகவும் இருக்கட்டும். புதிய தொடக்கத்துக்கு வாழ்த்துக்கள்!!!

Leo Rushda Nisthar

Second Year

Faculty of Arts

භාරතයේ ගීත කෝකිලාවිය ලතා මංගේෂ්කාර්

ලතා මංගේෂ්කාර් හේමා මංගේෂ්කාර් ලෙස උපත ලැබීය.1929 සැප්තැම්බර් 28 දින ඇගේ උපත සිදු විය.ඇය ඉන්දියාවේ ශ්‍රේෂ්ඨතම සහ බලවත්ම ගායිකාව ලෙස සැලකේ.දශක හතක් පුරා දිවෙන වෘත්තිය ජීවිතය තුළ ඉන්දියානු සංගීත ක්ෂේත්‍රයට ඇයගෙන් වූ දායකත්වය නිසා ඇයට ස්වර මාධූර්යයෙහි රැජිණ , දේශයෙහි හඩ, සහස්‍රයෙහි හඩ, ඉන්දියාවේ ගීත කෝකිලාවිය වැනි ගෞරවනීය නම්බුනාම වලින් හැදින්වීය.

ඇය මූලික වශයෙන් හින්දි, බෙංගාලි, සහ මරාති වැනි භාෂා තිස් හයකට අධික සංඛ්‍යාවකින් සහ විදේශීය භාෂා කීපයකින් ගීත පටිගත කලාය.ඇයගේ වෘත්තිය ජීවිතය පුරාවට ඇයට සම්මාන සහ ගෞරව කීපයක්ම හිමි විය.1989 දී දඩාඕහේබ් ෆාල්කේ සම්මානය ඇයට ඉන්දියානු රජය විසින් පිරිනමන ලදි.2001 දී ජාතියට ඇය කල දායකත්වය අගයමින් ඇයට ඉන්දියාවේ ඉහළම සිවිල් සම්මානය වන භාරත් රත්න පිරිනමන ලදි.ඇය එම්.එස්.සුබ්බුලක්ෂ්මිට පසුව මෙම ගෞරවය හිමි කරගත් දෙවන ගායිකාවයි.ප්‍රංශය 2007 දී ඉහළම සිවිල් සම්මානය වන ලීජන් ඔෆ් ඔනර් සම්මානය ඇයට පිරිනැමීය.

⭕ගායන දිවිය⭕

1940 ගණන්වල මුල් වෘත්තිය ජීවිතය ගත් විට 1942 දී මංගේෂ්කාර්ට වයස අවුරුදු 13 දී ඇගේ පියා හෘද රෝගය හේතුවෙන් මිය ගියේය.ඔවුන් බලාගත්තේ නවයුග් චිත්‍රපට සමාගමේ අයිතිකරු සහ මංගේෂ්කාර්ගේ පවුලේ සමීප මිතුරෙකු වන විනායක දමෝදර් කර්නාටකී විසිනි.ගායිකාවක් සහ නිළියක් ලෙස වෘත්තිය ජීවිතය ආරම්භ කිරීමට ඔහු ඇයට උදව් කලේය.එකලදී ඇය ගායනා කල ගීත කීපයක් මෙසේය.

  ➡️ "කිට් හසාල්"සදහා සදාශිව් රාඕ රචනා කරන ලද "නාචු යා ගදේ" "චේලු සාරි මනි හවුස් භාරරී".

 ➡️ඩාඩා චන්දේකර් විසින් රචිත "භටාලී චෙයිත්‍රාචි නාවලයි" ගීතය 

 ➡️ ඇගේ පලමු හින්දි ගීතය වූයේ මරාති චිත්‍රපටයක් වන ගජබාවු සදහා වූ "මාතා එක් සපූට් කි දුනියා බඩල් දේ ටූ"ගීතයයි.

1948 විනායක් අභාවයෙන් පසුව සංගීත අධ්‍යක්ෂක ගුලාම් හයිඩර් ඇයට ගායිකාවක් ලෙස ගුරුහරුකම් දුන්නේය.ඔහු ෂහීඩ් චිත්‍රපටයේ එවකට වැඩ කරමින් සිටි නිෂ්පාදක සෂධර් මුඛර්ජි හට ලතා හදුන්වා දුන්නේය.නමුත් මුඛර්ජි ලතාගෙ කටහඩ ඉතා සිහින් ලෙස නම්කර බැහැර කලේය.කෝපයට පත් හයිඩර් ප්‍රතිචාර දැක්වූයේ ඉදිරි වසර කිහිපය තුල නිෂ්පාදකයන් සහ අධ්‍යක්ෂකවරුන් ලතාගේ පාමුල වැටී ඔවුන්ගේ චිත්‍රපටවල ඇයට ගායනා කරන ලෙස ඇයට කන්නලව් කිරීමට සිදුවන බව සනාථ කරමිනි.හයිඩර් ලතාට ඇගේ පලමු ප්‍රධාන ගීතය ලබා දුන්නේ මජ්බූර්(1948) චිත්‍රපටයේ "දිල් මේරා තෝදා,මුජේ කාහින් කා චෝරා" ගීතය සමගිනි.2013 සැප්තැම්බරයේ ඇගේ 84 වැනි උපන් දිනයේදි සම්මුඛ සාකච්ඡාවකදී ලතා විසින්ම ප්‍රකාශ කලේ "ගුලාම් හයිඩර් සැබවින්ම මගේ ගෝඩ් ෆාදර්ය.මගේ දක්ෂතාවය කෙරෙහි පූර්ණ විශ්වාසය තැබූ පළමු අධ්‍යක්ෂවරයා ඔහුය" යනුවෙනි.

ඇගේ පලමු ප්‍රධාන ගීතවලින් එකක් වූයේ "මහල්"(1949)චිත්‍රපටයේ ගීතයක් වන "ආයේගා ආනේවාලා" ගීතයයි.

1950 ගණන්වලදී වෘත්තිය ජීවිතට දෙස බැලු විට ඇය 1955 දි  ශ්‍රී ලාංකික චිත්‍රපටයක් වන සැඩ සුළං සදහා "ශ්‍රී ලංකා මා ප්‍රියදරා ජය භූමිලා"නම් සිංහල ගීතය ගායනා කලාය.1956 දී වනරාධම් සමගින් දමිළ පසුබිම් ගායනයට පිවිසියේ තවුෂාඩ් විසින් රචිත "නිම්මි" සදහා වූ "එන්කන් කන්නලන්" යන දෙමල ගීතය සමගිනි.

1960 ගණන්වලදී ඇය කිෂෝර් කුමාර්, මුකේෂ් මන්නා ඩේ, මහේන්ද්‍ර කපූර්, මොහොමඩ් රාෆි සමග යුගල ගීත පටිගත කලාය.2001දී ඉන්දියාවේ ඉහලම සිවිල් ගෞරවය වන භාරත් රත්න සම්මානයද ඇයට පිරිනමන ලදි.

1970 දශකයේ සිට ඇය පුණ්‍ය ප්‍රසංග කීපයක් ඇතුලුව ඉන්දියාවේ සහ විදේශයන්හි ප්‍රසංග රාශියක් වේදිකාගත කලාය.ඇගේ පළමු විදේශ ප්‍රසංගය 1974 දී ලන්ඩන් නුවර රෝයල් ඇල්බට් ශාලාවේදි පැවැත්වීය.

⭕ ගායනයෙන් ඔබ්බට වෘත්තිය ජීවිතය⭕

  ➡️සංගීත අධ්‍යක්ෂනය

ලතා ප්‍රථම වරට සංගීත අධ්‍යක්ෂනය කලේ 1955 දී මරාති චිත්‍රපටයක් වන "රාම් රාම් පව්ගානේ" සදහාය.පසුව 1960 ගණන්වල ඇය ආනන්ද් ගන් යන අන්වර්ථ නාමයෙන් මරාති චිත්‍රපට සදහා සංගීතය රචනා කලාය.

      ▶️1960 - රාම් රාම් පවානා 

      ▶️1963 - මරත ටිටුක මැල්වාව

      ▶️1963 - මොහිත්‍යාංචි මංජුලා

      ▶️1965 - සාධි මනසේ

      ▶️1969 - තම්බඩි මට්

ඇය සාධි මනසේ චිත්‍රපටය සදහා මහාරාෂ්ට්‍ර ප්‍රාන්ත රජයේ හොදම සංගීත අධ්‍යක්ෂ සම්මානය දිනා ගත්තාය.එම චිත්‍රපටයේම "අයිරනිච්‍ය දේවා තුලා" ගීතය හොදම ගීතයට හිමි සම්මානය අත් කරගත්තේය.

➡️චිත්‍රපට නිෂ්පාදනය

ලතා චිත්‍රපට හතරක් නිර්මාණය කර ඇත.

       ▶️1953 - වාදල් (මරාති)

       ▶️1953 - ජන්ජාර් (හින්දි)

       ▶️1955 - කාංචන් ගංගා(හින්දි)

       ▶️1990 - ලෙකින් (හින්දි)

⭕ඇයගේ ජනප්‍රියත්වයට පත් ගීත කීපයක්⭕

➡️Laga Ja Gale = (Woh Kahun Thi 1964)

  එදා මෙදා තුර ඇගේ අතිශය ජනප්‍රියත්වයට පත් ගීතයකි.

➡️Dekha Ek Khwab = ( Silsila 1981)

➡️Jiya Jale = ( Dilse 1998)

➡️Sathyam Shivam Sundaram = ( 1978)

➡️Thujhe Dekha Toh Ye Jaana Sanam = (Dilwale Dulhaniya Le  Jayenge 1955)

බොලිවුඩ් සිනමාවේ වැඩිම ජනප්‍රියත්වයක් වැඩිම සම්මාන ගණනක් හිමිකරගත් සිනමාපට අතර ඉහලින්ම වැජඹෙන Dilwale Dulhaniya Le Jayenge සිනමා පටයේ ජනප්‍රියම ගීතය වන මෙය ලතා මංගේෂ්කාර් විසින් ගයනු ලැබුයේ කුමාර් සානු සමගිනි.1955 වසරේ සිට 2014 දක්වා සති 1000ක් සිනමාහල්වල නොකඩවා ධාවනය වූ ලොව එකම සිනමා පටය වූ මෙහි සාර්ථකත්වයට බොලිවුඩයේ ගීත කෝකිලාවියගේ කිසිදා වියපත් නොවූ තුරුණු ප්‍රේමණීය  හඩ මනා  පිටිවහලක් වු බව නිසැකය.

➡️Ajeeb Dastaan Hai Yeh =( Dil apna Aur Preet Parai 1960)

➡️Aaja Re Pardesi (Madumathi 1958)

⭕අසනීපය සහ මරණය⭕

2022 ජනවාරි 8 වන දින ලතා මෘදු රෝග ලක්ෂණ සහිතව Covid-19 ආසාදිත වූ අතර මුම්බායිහි බ්‍රීච් කැන්ඩි රෝහලේදී දැඩි සත්කාර ඒකකයට ඇතුළත් කරන ලදි.ඇය දැඩි සත්කාර ඒකකයේ රැදී සිටියේ ඇගේ සෞඛ්‍ය තත්වයේ  ආන්තික දියුණුව පෙන්නුම් කරමිනි.ඇයට ප්‍රතිකාර කරන වෙද්‍යවරුන් ඇයගේ ජනවාරි 28 වන දින කෘතීම ශ්වසන ආධාරක ඉවත්කර ඇත්තේ ඇයගේ සෞඛ්‍ය තත්වය ආන්තික ලෙස වැඩිදියුණු වීමෙන් පසුවය.කෙසේවෙතත් ඇයගේ සෞඛ්‍ය තත්වය නරක අතට හැරීමෙන් පසුව 2022 පෙබරවාරි 6 වන දින බොලිවුඩයේ ගීත කෝකිලාවිය මෙලොවින් සමුගත්තාය.

Leo Poornima Nethmini

First Year

Faculty of Arts

අලුත් අවුරුදු සැදෑව

 

ලබන්නා වූ 2024 නව වසර සාමය සතුට පිරි සුබ ම සුබ නව වසරක්  වේවායි ප්‍රථමෙයන් ප්‍රාර්ථනා කරන්නෙමු..!

2023 දෙසැම්බර් 31 අදයි.වසරක් අවසන් දිනය අදයි.2023 වසරේ අවසන් හෝරා කිහිපයයි.

වසරක් ගෙවී නව වසරක් උදාවීම මගින් මිනිසා තුළ අලුත් සිතුවිලි පොදි බදින්නේ නොසිතූ ලෙසය. 2024 යනු අධික අවුරුද්දකි. අවුරුද්දට දවස් 366 ක් සහිත එනම් පෙබරවාරි මාසයට දවස් 29 ක් ඇති අවුරුද්දකි.අලුත් අවුරුද්දක් යනු සෑම ජන වර්ගයාගේම ලෝකයේ සමරනු ලබන ආදරෙයන් බන්දේසියක තබා පිළිගන්නා ලද උත්සවයකි.මිනිසාගේ අලුත් සිතුවිලි ගොන්නක් පෙරදැරි කර ගෙන නව වසරක් වැළද ගන්නේ සුභ ම වේවා යන ප්‍රාර්ථනෙයනි.නමුත් 2023 වසර අධික අවුරුද්දක් නොව සුබ මෙන්ම අසුබ දෑ ගොඩක් සිදු වූ වසරකි.වසරක් ගෙවීමෙන් මිනිසාගේ ජීවිතයත් වසරක් ගෙවෙන්නාක් මෙන් ගෙවෙයි.ඒ නිසා දෙසැම්බර් 31 දින සිට නව වසර ගැන සිතනුයේ හොද වැඩ පමණක් කිරීමට ය.ඒ නිසා දෙසැම්බර් 31 දින සැදෑව වැදගත් මෙන් විශේෂ ය.නව වසරේ ග්‍රහ ඵලාපල නැකැත් සීට්ටුව සකසනුයේ ද අද දිනයි. ඒ් හේතුවෙන් 31 සැදෑව සතුටින් සහයෝගයෙන් ආගමික කටයුතු සමගිනි.

  ගෙවී යන පරණ අවුරුද්දට කෘතඥ පූර්වක ව සමු දීමත්  සමග එළඹෙන  නව වසර හරසරින් පිළිගනු ලබන්නේ ආගමික කටයුතු මධ්‍යයේ ය.පිරිත් සජ්ඣායනා මධ්‍යයේ ද විවිධ පුද පූජා කරමින් කිරි උතුරුවමින් නව වසර හරසරින් පිළිගනුයේ බලාපොාරාත්තු ගොන්නකනි.

වසරකට මාස 12ක් හෙවත් දින 365ක් හෝ 366ක් සූර්යයාගේ ගමනාන්තය සනිටුහන් කරන්නා වූ වසරක් මුළු ලෝකයේ ම දුගී මගී ධනවත් ජනයාගේ වයස ගෙවී යාමක් සිදුවනුයේ ද නව වසරක් උදා වීමෙනි.මිනිසාගේ ආයුශ අඩුවීමෙන් ඔවුන්ගේ සාර්ථකත්වය  වගේ ම නොදියුණුව ද තීරණය වන්නේ වසරක් උදාවීමෙනි.

ජනවාරි පළමු දිනයේ උදෑසනින් ම කිරි උතුරුවා හිරුදෙවියාගෙන් ද මවුපියන්ගෙන් ද ආශිර්වාද ලබා උදා කරගන්නා නව වසර මෙන් පරණ අවුරුද්ද අවසන් කරන්නේ ප්‍රීතිමත් වෙමින් කුල්මත් වෙමින් පය.රතිඤ්ඤා හඩ පතුරමින් නව වසර වැලද ගන්නා සේම 2023 දෙසැම්බර් 31 හෝරා කිහිපය අවසන් කරයි.කුඩා ළමයි ප්‍රීතියෙන් තම දෙමව්පියන් සමග අත්තම්මා සීයා ළග දැවටෙනුයේ කෙළිලොල් කරනුයේ ඉතාමත් ප්‍රීතියෙනි ආශාවෙනි.පිරිමින් නව වසර වැළද ගැනීමට පරණ අවුරුදු ඒනම් දෙසැම්බර් 31 සැදෑව ගතකරනුයේ බඹරුන් ලෙස කුල්මත් වෙමිනි.ඒ ඔවුන්ගේ සතුටයි විනෝදය ලෙස ඔවුන්ගේ මතය යි.

දෙමව්පියන් සමග දරුවන් කාලය ගත කරනුයේ සතුටින් සහජීවනයෙන් කිරි ඉතිරේවා යන අරමුණින් අවසන් දින (2023.12.31) සැදෑ දවස ගත කිරීමට පවුලේ සියලු දෙනා එක් වී එකා මෙන් එක් වී නව වසරේ නව දවස ගත කිරීමට සියලු බලාපොරොත්තු ඉටු වේවායි යන ප්‍රාර්ථනයෙනි.

2023 වසරේ අවසන් සැදෑව  නෑදෑ හිතවතුන් සමග එක් වී කෙළිලොල් කරනුයේ සතුට සුභ සිතුම් පැතුම් සමගිනි. අවුරුදු මේසයට කෑම බීම සකසනුයේ සහයෝගයෙනි.ප්‍රිතියෙනි.ගෙවල් ෙදාරවල් පිරිසිදු කරමින් කුඩා ළමුන් රතිඤ්ඤා සහ ගිනි ෙකළි වලින් කෙළිලොල් කරමින් අලුත් ඇදුම් පැලදුම් වලින් සැරසීමට පුද්ලික ව හෝ මිතුරන්, පවුලේ අය සමග ආගම් ජාති කුලය භේදයක් නොමැති ව මහත් හරසරින් 2023 වසරේ සැදෑව ගත කරනුයේ ඉතාමත් ප්‍රීතියෙන් මෙන්ම ගෙවී ගිය සොම්නස දොම්නස බෙදාහදා ගනිමිනි.

විවිධ ප්‍රසංග පවත්වමින් ආගමික ස්ථානවල පිරිත් සජ්ඣායනා ,විවිධ පුද පූජා පවත්වමින් සතුටු වෙමින් සෙත් පතනුයේ කළගුණ සැළකීමක් ගරු කිරීමකි.

බුලත් යනු කළගුණ දැක්වීමේ ආභරණයයි.  සැදෑවේ දී වැඩිහිටියන්ගේ ආශිර්වාදය ට බුලත් අතකින් ගරු කරනුයේ  නව වසරට ආශිර්වාදයක් මෙන්ම වසර අවසන් කිරීමට කළගුණ සැළකීමකනි..පොළොව හිරු වටා යන ගමනේ එක් වටයක් ගෙවී නව වටයක් ආරම්භ කරන මොහොතට  වසරේ සැදෑව  අති උත්කර්ශවත් ලෙස ගත කරනුයේ උදා වන 2024 වසර ම සතුටින් ඉතිරේවා යන හදවත් පැතුම සමගිනි.

ඔබ සැමට ලබන්නා වූ නව වසර කිරියෙන් පැණියෙන් උතුරන සාමය සතුට පිරි අවංක හදවතින් පැතුමන් එක්කර ප්‍රාර්ථනා කරන්නා ලෙස ම ගෙවී යන වසරේ සැදෑව සහයෝගයෙන් ගත කරන අයුරින් ම 2024 නව වසර ම සහජීවනය එක්  තැන් වී කරදර කම්කටොළු නොපැමිණේවා යි ප්‍රාර්ථනා කරන්නෙමු!.

 Leo Imalsha Shayani

First Year

Faculty of Arts

දිව්‍ය ලෝකෙට යන පාර

🔆සිරිපා ඉතිහාසය...

සීතල උදුවප් මාසයේ ආරම්භ වන සිරිපා වන්දනාව බෞද්ධ අපට පමණක් නොව සෑම ආගමිකයන්ගේම සිත් ඇද ගන්නා සුළු වන්දනා සමයක් බවට පත්ව තිබේ..🌝❤️

🔆ශ්‍රී පාද වන්දනා සමය ආරම්භ වන්නේ උඳුවප් මාසෙහි පුර පසළොස්වක දිනයටය.🌼මෙම වන්දනා සමය අවසාන වන්නේ වෙසක් මාසයේදී ලබන්නා වූ වෙසක් පුර පසළොස්වක පොහොය දිනයේදීය.🌼

🔆ශ්‍රී පාදස්ථානය ගැන මුලින්ම තොරතුරු ලබාගත හැකි වනුයේ වංශකතා තුළනි.එසේම සද්ධර්ම ලංකාරය තුළද සවිස්තරාත්මක විස්තර සඳහන් වෙයි.🖍️

🔆මහාවංශයේ දී සඳහන් වන්නේ සුමන සමන් දෙවියන්ගේ ආරාධනාවෙන්  බුද්ධත්වයට පත්ව අටවන වර්ෂයේදීවර්ෂයේදී වෙසක් පුන් පොහොය දිනය පන්සියයක් මහරහතන් වහන්සේලා සමඟ ලක්දිවට වැඩම කර බුදුරජාණන් වහන්සේ සමන්ත කූට පර්වත මුදුනේ ඉන්දනීල මානිකයමය පාෂාණයක් තුළ ශ්‍රීපාද ලාංඡනය පිහිට වූ බවයි.

🔆මෙම ශ්‍රී පාද සමය සියලු දෙනාගේම සිත් ඇදගන්නා සුළු වන්දනා සමයකි.🩵 සිරිපා කන්ද සබරගමු පළාතේ රත්නපුර දිස්ත්‍රික්කයේ පිහිටා ඇත.මෙම ශ්‍රී පාද පාදකන්ද අවට විශාල කඳු පන්ති වලින් මෙන්ම ඝණ අන්ධකාර වනාන්තර වලින් යුක්ත වේ.🍂🍃එම ස්වභාව සෞන්දර්ය නිසා මෙහි තිබෙන්නා වූ පින්වන්තකම තව තවත්    දිස් වේ.🌵☘️🍀

🔆මෙම මායාලෝකයට පිවිසීමට මාර්ග හයක් පවතී.

1.රත්නපුර-පලාබැද්ද

2.හැටන්-නල්ලතන්නි

3.කුරුවිට-එරන්ත

4.මුර්යාවත්ත

5.මුකුවත්ත

6.මාලම්බොඩ

🔆මෙම ශ්‍රීපාදය පිළිබඳ විවිධ විශ්වාස දරනු ලබයි

🌸 බුදුරජාණන් වහන්සේගේ සිල් පතුල සටහන් කර ඇති බවත්,

🌸දමිළ ජනතාව ශිව දෙවියන්ගේ පහසටහනක් බවත්,

🌸මරක්කලයා විශ්වාස කරන්නේ ආදම් ලෝකයට පැමිණිලමිට ඔහුගේ පහසටහනක් බවත්ය.

🖍️මේ ආකාරයට විවිධ  ආගම්වලින් විවිධ විශ්වාස මෙම සිරිපාදයට පටබැඳී ඇත.නමුත් අද වන විට විශාල වශයෙන්ම මෙහි වන්දනාමාන කරනු ලබන්නේ බෞද්ධ ජනතාවය.

🦋තවද සමනලයන් වාර්ෂික සංක්‍රමණයේදී මෙම කඳු මුදුන අවට වාසය කරන බැවින් සමනල කන්ද ලෙසද හඳුන්වනු ලබයි.එය විවාහයේදී හඳුන්වනු ලබන්නේ සමනලයන්ද සිරිපාද වන්දනාව සිදුකරන බවටය.🦋🦋✨🦋🦋

🔆රත්නගිරි ,සුවර්ගරෝනම් යන නම් වලින්ද මෙම සිරිපාදය හඳුන්වනු ලබන අතර අද වන විට විශාල වශයෙන්ම හඳුන්වනු ලබන්නේ සිරීපාදය ලෙසයි.😍🥰

🔅මෙම වන්දනා ගමන පහසු කටයුත්තක් නොවේ.ප්‍රථම වතාවට මෙහි වන්දනා වන්දනා කරන පිරිස කෝඩුකාරයන් ලෙස හඳුන්වනු  ලබයි.🚶‍♀️🚶‍♀️සැදැහැවතුන් සීත ගඟුලෙන් ස්නානය කිරීමද සිදුකරන අතර 🌊කෝඩුකාරයන් විසින් ඉදිකටු පාන නම් ස්ථානයේදී ඉදිකටු හා නූල් සවිකිරීම සිදුකරයි.  මහඟිරිදබ යන දුෂ්කර පඩිපෙල් සමූහයද පසුකර යාමට සිදුවන අතර මෙම ගමන අතරතුරදී සැදැහැවතුන් විසින් කවි ගායනා කිරීමද සිදු කරනු ලබයි.🎧💖🌝 

🔆බොහෝ විට රාත්‍රී කාලයේදී විදුලි ආලෝකය යටතේ සැදැහැවතුන් මෙම දිව්‍ය ලෝකය වෙත ගමන් කරයි.💡🕯️🪔එලෙස රාත්‍රී කාලයේදී ගමන් යාම සිදු කරනු ලබන්නේ ප්‍රධාන අරමුණ වන්නේ සූර්ය නමස්කාරය දැක බලා ගැනීමයි🌞.එහිදී සූර්යයා විසින් තුන්වරක් අහසට පැන නැගී නැවතත් නොපෙනී යනු දැක්නට ලැබේ🌄🌅. මෙය ඉර සේවය ලෙස හඳුන්වනු ලබන අතර,ඇස් අදහාගත නොහැකි ඇස් වලින් දැකීමට ඇස් පවා පින් කර තිබිය යුතු අවස්ථාවක් ලෙස සලකනු ලබයි.🥺

🔆ඉතාමත් සතුටින් ඉතාමත් නොවිය සිල්ලෙන් ශ්‍රී පාදස්ථානයට පිවිසීමෙන් පසුව,එහි  තිබෙන්නා වූ ගාන්ඨාරය තමන් පැමිණි වාර ගණනට නාද කිරීම සිදුකිරීම චාරිත්‍රයක් ලෙස සිදු කරනු ලබයි.✨✨🏵️

🔆 සීතල මීදුමෙන් වැසී තිබෙන මෙම මායා ලෝකය තරම් උත්කර්ෂවත් පින්වන්ත බිමක් මේ මිහිතලයේ නැති තරම්ය.

🔆 සෑම සැදැහැවෙතකුම මෙම පුදබිමට සුලංපොදක් මෙන් රැගෙන යාම සුමන සමන් දෙවියන් විසින් සිදු කරන බව නොඅනුමානය.✨🥺🥰 

මේ වන්දනාව අවසානයේදී දැඩි වෙහෙසක් අප සතු නොමැතිවීම විම ඒ බවට සාක්ෂි දරයි.

🔆 මෙම දිව්‍යලෝකයට යන පාර කැලිකස නොදමමින් ආරක්ෂා කිරීම අප සියලු දෙනා සතු කාර්යයකි🙏🧡🤍

Leo Yashodhara Bandara

First Year

Faculty of Arts

හිතන දේ හැබෑ කරන විශ්වයේ නීතිය

 අද කතා කරන්නේ “The Secret” කියන පොතෙන් වගේම චිත්‍රපටයෙන් ලෝකයේ  ගොඩක් ප්‍රසිද්ධ වෙච්ච ආකාර්ෂණ නියමය ගැනයි.

වෙන වෙන කාරණා වලදී වගේ මෙන් නොව  අපේ ජාතිය, ආගම, වයස් භේද කියන කිසිදෙයක් අදාළ නොවී අපි හැමෝම මේ විශ්වය පාලනය කරන නීති වලට යටත් වෙනවා. ඒ කියන්නෙ රට රටවල පොත් පත්වල ලියවිලා තියෙන නීති නම් නෙමෙයි. මේ සමස්ථ විශ්වයම පාලනය කෙරෙන අපිට ඇහැට නොපෙනෙන ආධ්‍යාත්මික නීති සමුදායන්. මේ දේවල් විශ්වාස කරන අය වගේම නොකරන අයත් ඇති. හැබැයි ඒ කිසිම කාරණයක් මේ විශ්වීය නීතීන්ට අදාළ නැහැ. කාටත් එක වගේම තමයි. ඉතින් මෙන්න මේ විශ්වය පාලනය කරන නීති අතරේ එක නීතියක් තමයි මේ කතා කරන්න යන Law of Attraction කියන්නෙ. අනිත් විශ්වීය නීති වගේ නෙමෙයි, මෙන්න මේ නීතිය ටිකක් ගැඹුරින් හැදෑරුවොත් අපිට විශ්වයෙන් දේවල් ලබාගන්න පුළුවන්. සිතූ පැතූ සම්පත් දෙන මැජික් එකක් නම් නෙමෙයි, Law of Attraction කියන්නෙ අපි හිතන පතන, විශ්වයට මුදාහරින දේවල් අනුව අපේ ජීවිතේට ලැබෙන දේවල් ගැන කියවෙන සිද්ධාන්තයක්. 

මේ Law of Attraction කියන සිද්ධාන්තයේ හැබෑ ගැඹුර දන්න, මේ සිද්ධාන්තය අපේ එදිනෙදා ජීවිතේට කොයිතරම් නම් බලපානවද කියල දන්න පිරිස මේ ලෝකෙ බොහොම අඩුයි. හැබැයි දැනගෙන හිටියොත් අපි හැමෝටම ලොකු ප්‍රයෝජනයක් තියෙන කාරණාවක් තමයි මෙය. කෙසේ හෝ දැනගෙන හෝ නැතුව අපි ජීවිතේ ගෙවන හැම තප්පරයකදිම අපි සජීවී කාන්දම් වගේ විශ්වයට නිකුත් කරන සිතුවිලි, ක්‍රියාවන් වල හොඳ හෝ නරක ප්‍රතිඵ​ල ආකර්ෂණය කර ගන්නවා. මෙය ටිකක් බුදු දහමේ උගන්වන හේතු ඵල වාදයටත් සමානයි. හැබැයි ඊට වඩා ටිකක් වෙනස්. මේ හේතු ඵල වාදයට මීට වඩා හුඟාක් සමීප කාරණාවක් විශ්වීය නීති යටතේ Law of Cause and Effect කියලා සාකච්ඡා වෙනවා. හේතු ඵල වාදයේදී ක්‍රියාවට නොනැගුණු සිතුවිලි වැටෙන්නෙ අවිඥප්ති කාර්ම ඝණයට. හැබැයි මේ Law of Attraction කියන විශ්වීය නීතියේදී සිතුවිලි පවා අපිට හොඳ නරක ආකර්ෂණය කරන්න බලපානවා. 

ඉතිහාසය 

Law of Attraction කියන්නෙ ඉතිහාසය පුරාවට හුඟක් අයගේ ජීවිත ආලෝකමත් කරපු නීතියක්. වසර දහස් ගා​ණකට කලින් මේ විශ්වීය නීතිය ගැන මනුස්ස වර්ගයාට උගන්නපු පළමු ශාස්තෘවරයා විදිහට සැලකෙන්නෙ බුදුරජාණන් වහන්සේ. උන්වහන්සේගේ ඉගැන්වීම අනුව අපි හිතන පතන දේවල් අනුව අපි ගතකරන ජීවිතය තීරණය වෙනවා. මේ සංකල්පය බටහිර සංස්කෘතියට පැමිණීමත් එක්ක “Karma” (කර්ම) කියන කාරණාව සංකල්පයක් විදිහට මුළු ලෝකෙම ප්‍රචලිත වෙනවා. ඒ වගේම ශුද්ධ වූ බයිබලයේ ‘As a man thinketh in his heart so is he’ කියල සඳහන් වෙන වාක්‍යයෙන් කියවෙන්නෙත් මේ සංකල්පයට හුඟාක් ලඟින් යන අදහසක්. එහෙම බැලුවම ආගමික ශාස්තෘන් හුඟක් දෙනෙකුත් අනුමත කරපු දෙයක් මේ විශ්වයේ ආකර්ෂණ නීතිය කියන්නෙ. 

කලිනුත් කිව්වා වගේ මේ Law of Attraction කියන නීතියේදී වෙන්නෙ අපි හිතන දේ, අපි ක්‍රියාකරන විදිහ කියන කාරණා විශ්වයට මුදාහැරෙන එකයි. එහෙම මුදාහැරෙන දේවල් වල සංඛ්‍යාතයන්ට ගැලපෙන දේවල් තමයි විශ්වයෙන් අපිට පෙරලා ලැබෙන්නෙ.  සුභවාදී ආකල්ප, ක්‍රියාශීලී බව, ආදරය වගේ දේවල් අපේ ජීවිතයට සුභවාදී ප්‍රතිඵ​ල ආකර්ෂණය කරනව වගේම අසුභවාදී ආකල්ප, අලසබව, වෛරය වගේ දේවල් අපිට නරක ප්‍රතිඵ​ල ආකර්ෂණය කරනව. 

විද්‍යාත්මක පැහැදිලි කීරීම 

Law of Attraction කියන කාරණාව නූතන විද්‍යාවෙන් පැහැදිලි වෙන්නෙ මෙසේය. නූතන භෞතික විද්‍යාඥයින්ගේ සොයාගැනීම් වලට අනුව අපේ මනසේ ක්‍රියාකාරීත්වය අපේම ජීවිත වලට සහ විශ්වයට හිතාගන්න බැරි තරම් පුදුමාකාර බලපෑම් ඇතිකරනවා. එනම් අපේ ජීවිත වල සිදුවෙන්න ඕන දේ තීරණය කරන හැබෑම තීරකයින් වෙන්නෙ අපියි. අපි අද වෙනකොට භුක්ති විඳින හොඳ සහ නරක කියන්නෙ අපිම විශ්වයට ලබාදීපු දේවල් කියන එකයි. 

ආකර්ෂණයේ නීතිය ප්‍රයෝජනයට ගන්න ආකාරය 

ආකර්ෂණයේ නීතිය හරි විදිහට පාවිච්චි කරලා අපිට පුළුවන්, ආදරය, ජීවන සම්බන්ධතා, ධනය, ශාරීරික සහ මානසික සෞඛ්‍යය වගේම සාර්ථකත්වය කියන දේවලුත් අපේ ජීවිත වලට ලඟා කරගන්න.  මේ හැමදේකටම බලපාන සරලම කාරණාව තමයි ධනාත්මක සිතුවිලි වැපිරීම කියන එක. ලෝකෙටම ආදරයෙන් ජීවත්වීමෙන්, ධනයට අනවශ්‍ය ලෙස කෑදර නොවීමෙන් වගේ දේවල් වලින් තමයි ඒ සුභවාදී අදහස් විශ්වයට මුදාහැරෙන්නේ. 

භාවනාව සහ ආකර්ෂණයේ නීතිය 

 මේ ආකර්ෂණයේ නීතිය සෘජුවම බුදුදහම එක්ක සම්බන්ධයි. ඒ වගේම තමයි බුදු දහමේ මූලික ඉගැන්වීමක් වෙන භාවනාව කියන දේ ප්‍රගුණ කරලා මේ ආකර්ෂණයේ නීතියෙන් වැඩිපුර ප්‍රයෝජන ගන්නත් පුළුවන්. ඒ කොහොමද එහෙම වෙන්නේ? අපේ හිතෙන් සුභවාදී ආකල්ප නිකුත් වෙන්නනම් හිත හැම වෙලාවේම නිදහසේ තියාගන්න ඕන. සිතුවිලි පිරිසිඳු වෙන්න ඕන. ඉතින් අන්න ඒක තමයි භාවනාවෙන් කරන්නෙ. දවසට විනාඩි කිහිපයක් සද්ද බද්​ද  අඩු පරිසරයක ඉඳලා හිත ටිකක් නිදහස් කරගන්න පුළුවන්නම් ලේසියෙන්ම සුභ සිතුවිලි ඇති කරගන්න පුළුවන්. 

මේ ආකාරයට අපගේ විභාග කටයුතු වලට මෙන්ම ජීවීතයේ ඕනෑම සුබවාදී කටයුත්තකදී මෙම විශ්ව ආකර්ෂණ නීතීය යොදා ගෙන අපගේ යහපත් සිතුවිලි ඉටු කර ගත හැකිය. 

Leo Rashmi Shasikala  

First Year 

Faculty of art

වෙළද භාණ්ඩයක් නොවිය යුතු ශු.නිකලස් මුනිතුමා හෙවත් නත්තල් සීයා

 

ලොව සෑම රටක්ම පාහේ නත්තලට ලහි ලහීයේ සූදානම් වන අතරවාරයේ නත්‍තල යන්න චිත්‍රණය කිරීමේ විශේෂ භූමිකාවක් නත්තල් සීයා නැතිනම් ශු.නිකලස් මුනිතුමා හරහා ඉටු වේ. නත්තල් සීයා ලෙස හැදින්වූවද මෙතුමා කිතුනු විශ්වාසයට අනුව සාන්තුවරයෙකි. 

ශු. නිකලස් උපත ලැබුවේ ක්‍රිස්තු වර්ෂ 280 දී පමණ නූතන තුර්කියේ මයිරා අසල පටාරා ප්‍රදේශයේ බව විශ්වාස කෙරේ. ඔහුගේ භක්තිවන්තකම සහ කරුණාව සඳහා බෙහෙවින් අගය කරන ලද ශාන්ත නිකලස් බොහෝ ජනප්රවාදවල මාතෘකාව බවට පත් විය. ඔහු තමාට උරුම වූ සියලු ධනය පරිත්‍යාග කර ගම්බද පළාත්වල දුප්පතුන්ට සහ රෝගීන්ට උපකාර කළ බව කියනු ලැබේ.

ශා.නිකලස් මුනිතුමාට ලබාදිය යුතු ගරුත්වය වෙනුවට අද සමාජයෙන් එතුමාගේ රූපය විකෘති කරමින් ප්‍රදර්ශන භාණ්ඩයක් හා වෙළද භාණ්ඩයක් ලෙස භාවිතා කිරීම අනුමත කළ නොහැකි ක්‍රියාවකි . ඔබ නත්‍තලට ආදරය කරයි නම් , ඔබ සාමයේ හා ප්‍රීතීයේ කාල සීමාවට කැමැත්තක් දක්වන්නෙ නම් කිතුනු විශ්වාසයට අනුව සාන්තුවරයෙක් වන ශු.නිකලස් මුනිතුමාව විකෘති කිරීමෙන් වළකින්න. මක්නිසාදයත් ආගමික් විශ්වාස අවතක්සේරු කිරීමට ඔබට මට අයිතියක් නොමැත. 

ශු.නිකලස් මුනිතුමා ( නත්තල් සීයා ) කුඩා දරුවන්ට තෑගීබෝග ලබා දෙමින් ඔවුන්ගේ ළමා ලෝකය් සතුටු කරලීමට උත්සාහ කළේය  නත්තල් සමය යනු බෙදා ගැනීමේ හා සාමයේ , ප්‍රීතියේ කාල වකවානුවකි. නත්තල් සීයා අපට කියාදුන්නේ එයයි. වෙළද වාසි තකා රූපවාහිනී නාලීකා හා වෙළද ආයතන ශු.නිකලස් මුනිතුමාගේ රූපය විකෘතී කිරීමේ අවසානයක් දැකීමට නොහැකි වීම කිතුනුවෙකු වශයෙන් සංවේදී දෙයක් වුවද නත්‍තලේ සැබෑ අරුත ජීවමාන කරලීමට තවමත් මේ පොළෝ තලයේ මිනිසුන් උත්සාහ දැරීම සතුටට කරුණකි. ක්‍රිස්තුස් වහන්සේගේ උපත සමරන මෙම කාලයේ බෙදා හදා ගනිමින් , සාමයෙන් හා සතුටින් ජීවත් වීමට ඔබ මම උත්සාහ දරන්නේ නම් මෙවර නත්තල වඩාත් අර්ථාන්විත වේ යැයි සිතමි. තවද නත්තල් සීයා වෙළද භාණ්ඩයක් නොවන බව හා ඒ ගරුත්වය ලබා දීමට අවශ්‍යය දැනුවත්භාවය ද මේ හරහා ලැබේවී යැයි සිතමි .

ලැබූවාවූ නත්තල ඔබ සැමට සාමය සතුට සපිරී සුභ නත්‍තලක් වේවා ! එසේම ලබන්නාවූ නව වසර සුභ නව වසරක් වේවා !

ශෂීන් දෙව්තිළිණ 

ශාස්ත්‍ර පීඨය 

පළමු වසර

නත්තලේ රස බදුන

සාමය සතුට පිරි සුභ ම සුභ නත්තලක් වේවා!

නත්තල යනු සෑම විටම රස අංකුර සදහා මංගලයකි.ඒබැවින් නත්තල් මේසය පවුල සංතෘප්ත කිරීම පමණක් නොව,නව ජීවිතයක ආරම්භය බහුලත්වය සංකේතවත් කරනු ලබයි.විවිධ රටවල සාම්ප්‍රධායික නත්තල් කෑම වර්ග විවිධාකාර වේ.

ඒ අනුව පුරාණ කාලයේ සිට නත්තල් සැමරීම රුසියාවේ ඉතා වැදගත් විය.මන්ද ක්‍රිස්තූන් වහන්සේගේ උපත පිළිබද දීප්තිමත් නිවාඩු දිනයට පෙර දින 40ක් නිරාහාරව සිටීමයි.ශරීරයට නැවත අධික ආහාර පුරුදු කර ගත හැකි අතර උත්සව ආහාර වේල සැහැල්ලු කෑම වලින් ආරම්භ වූයේ එබැවිනි.තිරිගු ධාන්‍ය වර්ග ,සහල් ඇට වර්ග,මී පැණි සහ මුද්දරස්පලම් වර්ග ආහාරයට එකතු කරනු ලබයි.

බටහිර යුරෝපීය රටවල මිහිරි බේතින් දීසි විශේෂයෙන් නත්තල් වට්ටෝරු වල ලක්ෂණයකි.නත්තල් කප්කේක් වට්ටෝරු සහ නත්තල් රසකැවිලි ඉතා ජනප්‍රියයි.ආදරණීයන් සහ විශේෂයෙන් කුඩා ළමුන්  සතුටු කිරීම සදහා නත්තල් ජින්ජර් බ්‍රිරෙඩ් කුකීස් වැදගත්ය.තවද ලංකාවේ කෑම අතර මස් වර්ග,වයින් වර්ග සහ සුප් වර්ග කැම මේසයේ ඉඩක් ගනු ලබයි.

නත්තල් සැදෑවේ ලෙන්ටන් මේසයක් සහ ඊළග දවසේ ත්‍යාගශීලි කෑම මේසයක් සකසයි.එහිදී,

• ·         මාළු  කෑමක් මේසය මත තැබීම - පුරාණ කිතුනුවන් සිහිපත් කිරීම
• ·         ඇස් වල කදුළු,බේක් කළ මාළු - එකමුතුකමේ සංකේතය
• ·         මේසය මත ආහාර වර්ග 13ක් තිබීම - ක්‍රිස්තූන් සහ ප්‍රීතියන් 12 සංකේතවත් කරයි

ඹ්ට්ස් සාමාන්‍යයෙන් නත්තල් සැමැරුමේ සංකේතයයි.අලංකාර මේසය රෙද්ද මත පිදුරු මිටියක් තැබීම සිරිතක් විය.රුසියානු කලාපයේ බෙත්ලෙහෙමේ ළදරු ක්‍රිස්තූන්ගේ උපත සිහිපත් කරයි.

මෙලෙස ස්පාඤ්ඤය,ප්‍රංශය,ඉතාලිය,ජර්මනිය,එංගලන්තය හා රුසියාව ආදී ලෙස රටවල උත්සවශ්‍රීයෙන් පළතුරු වර්ග,මාංශ වර්ග,ධාන්‍ය වර්ග,කිරි වර්ග,වයින් වර්ග හා කෘත්‍රීම ආහාර වලින් පිරි රසබර නත්තල් කෑම මේසයක් දැක ගත හැකිය.

නත්තල යනු දීම මත සමරන උත්සවයක් නිසාවෙන් කෑමෙන් බීමෙන් පොහොසත් වන්නේ සාමයේ සතුට ත්‍යාගශීලිබව යළි යළිත් මතක් කරමිනි

Leo Imalsha Shayani

First Year

Faculty of Arts

නත්තල් ගීතිකා

 සාමයේ පණිවුඩය ලොවට දායාද වූ ජේසු බිලිඳාගේ උපත සමරන අසිරිමත් නත්තලේ සෑම අංගයකටම පාහේ ලැබෙන්නේ සුවිශේෂී ස්ථානයකි.ඒ අතරින් නත්තල් ගීතිකා වලට ලැබෙන්නේද ප්‍රමුඛ තැනකි.

ක්‍රිස්තුස් වහන්සේගේ උපත සමරන ප්‍රීතිමත් ආගමික ගීත නත්තල් කැරොල් ලෙස අර්ථ දැක්වේ.නත්තල් කැරොල් ගායනය යුරෝපයෙන් ආරම්භ වී ඇති අතර වර්තමානයේ කැරොල් ගීත වලට සමාන ගීතිකා අතීතයේදී ගායනා කර තිබේ. අද මෙන් නත්තල් සමයේදී විශේෂයෙන්ම ඒවා ගායනා කර නැති අතර එකල එම ගීතිකා ඍතු හතරේදීම ගායනා කළ බවත් සදහන් වේ.ඊට අනුකූලව යමින් වර්තමානයේ නත්තල් කැරොල් නිර්මානය වී ඇති බව බොහෝ දෙනාගේ මතයයි.

129 දී රෝමානු බිෂොප්වරයෙකු රෝමයේ නත්තල් දේව මෙහෙයකදී "දේවදූතයන්ගේ ගීතිකාව" නම් ගීතයක් ගායනා කළ යුතු බව පවසා ඇති අතර ඉක්බිතිව යුරෝපය පුරා සිටි නිර්මාපකයින් නත්තල් කැරොල් ලිවීමට පටන් ගෙන තිබේ. නමුත් සෑම කෙනෙකුටම  නොතේරෙන භාෂාවක් වූ ලතින් භාෂාවෙන් ලියා ගායනා කළ නිසා බොහෝ දෙනෙක් ඒවාට කැමති වී නැත.

හතරවන සියවසේ සිටි ශාන්ත හිලරි විසින් ලතින් බසින් නිර්මාණය වූ ප්‍රථම නත්තල් ගීතිකාව වන jesus,light of all the nations (ජේසුස්, සියලු ජාතීන්ගේ ආලෝකය) යන ගීතිකාව ලියා ඇති අතර ඉංග්‍රීසි බසින් ලියැවුනු නත්තල් කැරොල් මුල්වරට දක්නට ලැබී ඇත්තේ 1929දී ෂ්‍රොප්ෂයර් දේව ගතිවරයෙකු වූ ජෝන් අවුඩිලේගේ කෘතියකය.

 නත්තල් කැරොල් ගායනා කරන්නේ එය ජේසුස් ක්‍රිස්තුස් වහන්සේගේ උපත පිළිබඳ කතන්දර කීමේ මාර්ගයක් ලෙසත් උන්වහන්සේගේ උපතේ ප්‍රීතිය, භක්තිය හා විශ්මය ප්‍රකාශ කිරීමේ මාර්ගයක් ලෙසත්ය.නත්තල් ගීතිකාවල තනු හා පද රචනය බොහෝ විට ප්‍රීතිය,ආදරය හා සාමයේ පණිවිඩවලින් පිරී තිබේ. 

අද දක්නට ලැබෙන ජනප්‍රිය නත්තල් කැරොල් ගීතිකා වලට උදාහරණ ලෙස,

• Holy Night…

•Silent Night…

•In the Bleak Mid-Winter...

Hark! ...

O Come All Ye Faithful. ...

O Come, O Come Emmanuel. ...

Coventry Carol…ආදිය දැක්විය හැකිය.

සාමයේත් ප්‍රේමයේත් වටිනාකම් පිලිබද පනිවුඩය ලොව පුරා ගෙනයන  නත්තල් කැරොල්  ප්‍රීතිමත් නත්තලක අසිරිය පෙන්වාදෙන සුවිශේෂි අංගයක් ලෙස අවසන් වශයෙන් පෙන්වා දිය හැකිය.

Leo Madhavi Maheshika

First Year

Faculty of arts

ජේසු බිළිඳුන්ගේ උපතේ කතාව.

ඔගස්ටස් සීසර් අධිරාජ්‍යාගේ පාලනයට නතුව පැවැති රෝමය තුල කාරුණික දිවියක් ගත කළ මරියානම් යුවතියක් වාසය කර ඇත. විවාහ ගිවිසගෙන සිටියද විවාහ වී නොසිටි ඇය දෙවියන් වහන්සේගේ වරප්‍රසාදයෙන් පුතකු පිළිසිඳගෙන ඇත. ඔහුට ජේසුස් යන නාමය තබන ලෙස දේවදූතයන් විසින් ඇයට පවසා ඇත. මේ අතර ඇය ගිවිසගෙන සිටි ජෝසප් නොහොත් ජුසේ තුමන්ට දේවදූතයෙකු විසින් මෙය පැහැදිලි කර දීම නිසා ඔහුද දේව කැමැත්තට අනුව දේව දරුවා රක්ෂා කිරීමට කැප වී ඇත. 

මෙලෙස කාලය ගෙවීයත්ම සීසර් අධිරාජ්‍යයා විසින් ජන සංගණනයක් සඳහා සියලු දෙනා තම තමන්ගේ නුවරවලට යායුතු බව පවසා ඇත. එබැවින් මෙම ජෝසප් සහ මරියා දෙපලට බෙත්ලෙහෙම් නුවර බලා යාමට සිදුවිය.  දරුගැබ නිදහස් වීමට කාලය ආසන්නව තිබුණද රාජ අණ කඩ කළ නොහැකි නිසා ඔවුන් ගමන පිටත්ව ඇත.

බෙත්ලෙහෙමට ළඟාවත්ම රෑ බෝවීම නිසා රාත්‍රී නවාතැන් ගැනීමට තැනක් සෙවූවද සියලු තානායම් මිනිසුන්ගෙන් පිරී ගොස්ය. අවසන ගවමඩුවක් රාත්‍රී නවාතැන ලෙස තෝරා ගැනීමට ඔවුන්ට සිදුවිය. එදින අධික සීතලෙන් පිරි  නිසංසල රාත්‍රියක් විය. එම රාත්‍රියේ ගවමඩුව තුළ මරියා විසින් පුතෙකු බිහි කර ඇත. ඒ අතර තම බැටළුවන් රකිමින් ගිනි මැලයක් වටා රොක්ව සිටි එඬේරන්ට දේවදූතයෙකු දර්ශනය වී "ඔබලාට ගැලවුම්කාරයෙක් උපන්නා" යැයි පවසා ඇත. දේවදූතයා පැවසූ මග සලකුණු ඔස්සේ ගිය එඬේරන්ට ජේසු බිළිඳා දැක ගැනීමට හැකි විය. එදින රාත්‍රියේ කෙදිනක හෝ නුදුටු තාරකාවක් පායා තිබෙන දුටු ශාස්ත්‍රඥයන් පවා එහි අරුත වටහාගෙන ඔවුන්ගේ ගැලවුම්කරු සොයා පැමිණ ඇත. 

මේ අයුරින් සියලු දනන් සතුටු වන මෙම පුවත තුඩින් තුඩ රැව් දෙන්නට විය. දෙවියන් විසින් මවන ලද මිනිසුන්ගේ නොනැවතුණු පව්කාර දිවියෙන් මුදවා යහමගට යොමු කිරීමේ අදහසින් සාමයේ පණිවිඩය රැගෙන දයාව, කරුණාව, මානව හිතවාදී ගුණාංගයන් සියලුදෙනා වෙත පතුරුවාලීම සඳහාම දේවපුත්‍රයකු මෙලොවට ජනිත වීම මේ ආකාරයෙන් සිදුවිය.

Leo Nisansala Pathirana

First Year

Faculty of Arts

නත්තලේ මූල ප්‍රභවයෝ මිත්‍යාදෘෂ්ටික ගෝත්‍රික චාරිත්‍ර කරා දිව යනවාද?

 

 සාමයේ පණිවිඩය රැගෙන පැමිණි ජේසු බිලිදාගේ උපත සිහිකරමින් සකල ලෝකවාසී කිතුනු බැතිමතුන් විසින් මහත් හරසරින් යුතුව දෙසැම්බර් 25 වන දින නත්තල සමරනු ලබයි. කිතුනු දේවස්ථාන වල ප්‍රධාන දේව මෙහෙයන් ශුද්ධ වූ පියතුමන්ලා විසින් මහත් භක්තියෙන් යුක්තව සමරනු ලබන අතර ජීවිතයේ සැබෑ අරුත පැමිණි රැගෙන ස්වාමි දරුවාගේ පණිවිඩය මතක් කිරීම, දුප්පතුන්ට උදව් කිරීම, සතුට, සහයෝගය, සමාව දීම වැනි ගුණධර්ම නැවත මතක් කිරීමට නත්තල ඉඩකඩ සපයයි. 

     මෙහිදී ප්‍රධාන වශයෙන් නත්තල් උත්සවයේ ප්‍රභවය පිළිබඳ පවතින ලේඛනගත තොරතුරු, ජනප්‍රවාද සහ පුරාවෘත්තයන් ගැන විමසමින් එහි මූලාරම්භය කොතෙක් දුරට වෙනත් ආගමික පාර්ශ්වයන් හා සහ සම්බන්ධ වන්නේ ද? ඒවා මොනවාද? ඒවා අද්‍යතනය දක්වා ජනගත වූයේ කෙසේද? යන්න පිළිබඳ කෙටි විමසීමක් කිරීම මෙහිලා අපේක්ෂිතය. 

     වර්තමානයේ පවතින බොහෝ ආගමික උත්සවයන්හි මූලයෝ විමසීමේදී ඒවා ප්‍රධාන භූමිකාවෙන් පරිබාහිරව වෙනත් යම් යම් දේ සමග බැඳී පවතින බව අසත්‍යයක් නොවේ. නත්තල පිළිබඳ මූලාරම්භය සෙවීම මතභේදකාරී සහ සංකීර්ණ වන අතර විවිධ ලේඛන හා විවිධ සම්ප්‍රදායන් නිසා පැටලිලි සහගත තත්ත්වයක් උද්දීපනය කරයි. නත්තල ප්‍රධාන වශයෙන් සමරනු ලබන්නේ ජේසුස් ක්‍රිස්තුස් වහන්සේගේ උපත පදනම් කරගෙන වන නිසා  නත්තලේ ආදි මූලයන් සෙවීමට පෙර උපත පිළිබඳ සෙවීම වටී. දෙසැම්බර් 25 වන දින ජේසුස් වහන්සේගේ උපන්දිනය ලෙස නියම කිරීමේ නිශ්චිත මූලාරම්භය අපැහැදිලි වන අතර අලුත් ගිවිසුම මේ සම්බන්ධයෙන් නිශ්චිත ඉඟි ඉදිරිපත් නොකරයි. ක්‍රිස්තුස් වහන්සේගේ උපත දෙසැම්බර් 25 ලෙස සඳහන් වන පැරණිතම සාක්ෂිය "The Chronograph of 354" බව කියැවෙයි. නත්තල් උත්සවේ වාර්ෂික නිවාඩුවක් හෝ මංගල්‍යයක් ලෙස සැමරීමක් ගැන මෙහි සඳහන් වන බව පැවසෙන අතර ක්‍රි.ව. 336 දී රෝමයේදී ලියා ඇති බව කියැවේ. නමුත් මුල් කාලීන ක්‍රිස්තියානි දේවධර්මාචාර ලේඛකයකු වූ Irenaeus ගේ ලයිස්තුවල පවා නත්තල ගැන සඳහන් නොවේ. ඊට ප්‍රථමයෙන් එය මාර්තු ජනවාරි හෝ ජූනි මාසය යැයි පිළිගෙන ඇති අතර කෙසේ වෙතත් හතරවන සියවසේදී පල්ලිය විසින් දෙසැම්බර් 25 ලෙස පිළිගෙන ඇත. 

     මෙහි ඇති ගැටලුව වන්නේ එවකට සමකාලීන ලෝකය හා සැසඳීමේදී නත්තල් දිනය ඒ ආකාරයටම රෝමධිරාජ්‍යයේ සූර්යයාගේ උපත හා සම්බන්ධ වන බැවිනි. දෙසැම්බර් 25 වන දින "died invicti nati" (අපරාජිත සූර්යයාගේ උපත) හා සම්බන්ධ වෙයි. මුල්ම පල්ලිය මිථ්‍යාදෘෂ්ටික විශ්වාසයන් ( මෙහිදී මිථ්‍යාදෘෂ්ටිකයන් ලෙස හඳුන්වනු ලබන්නේ ක්‍රිස්තියානි නොවන යන අර්ථයෙනි. මෙයට බහු දේවවාදී රෝමවරු, ස්කැන්ඩිනේවියානු නෝරස් ජනයා හෝ බ්‍රිතාන්‍ය දූපත්වල පැරණි කෙල්ට්වරුන් ඇතුළත් විය හැක.) හා පිළිවෙත් වලින් නිශ්චිතව වෙන්කර හඳුනා ගැනීම දුෂ්කරවන අතර බොහෝ කිතුනු ලේඛකයන් බොහෝ විට සූර්යයාගේ නැවත ඉපදීම හා ක්‍රිස්තුස් වහන්සේගේ උපත අතර සම්බන්ධයක් ඇති කළේය. 09 සියවසේදී නත්තල විශේෂ පූජනීයත්වයෙන් හා වැදගත්කමකින් යුක්තව සමරා ඇති අතර අනෙකුත් වැදගත් දිනයන් වන මහා සිකුරාදා හා පාස්කු දිනය ආදියට වැදගත්කමක් ලබාදී නැත.

    නැගෙනහිර යුරෝපය, ඊසාන දිග අප්‍රිකාව, බටහිර ආසියාව ආදී නැගෙනහිර ප්‍රදේශයේ ඇතැම් රටවල් ජේසුස් වහන්සේගේ උපත ජනවාරි 06 දින "එපිෆනි" උත්සවයට සමගාමීව සමරා ඇත. පැරණි ජූලියෙන් දින දර්ශනයේ දෙසැම්බර් 25 ග්‍රෙගරියානු  දින දර්ශනයෙන් ජනවාරි 07ට  අනුරූප වීමද ගැටලුවකි. කෙසේ වෙතත් උත්සවයක් ලෙස නත්තල ආරම්භ වීම පිණිස යුරෝපීය මිත්‍යා දෘෂ්ටික චාරිත්‍ර හෝ උත්සවයන්, ඇතැම් ගෝත්‍රික චාරිත්‍රයන් හා යම් සම්බන්ධයක් පවතින්නට ඇති බව පෙනී යයි. එය බොහෝවිට ශීත සූර්යාලෝකය සමඟ සමපාත වන අතර පූර්ව ක්‍රිස්තියානි අංගෝපාංග ඇතුළත් වෙයි. 

     පුරාණ රෝමයේ වැසියන් Saturnalia නම් සෙනසුරු දෙවියන්ට ගෞරව කිරීම පිණිස දෙසැම්බර් 17න් පටන් ගන්නා දින ගණනාවක් පුරා පවතින උත්සවයක් පවත්වා ඇත. දෙසැම්බර් 25 වෙනි දින එහි උච්චතම කාලයක් ලෙස සලකා ඇති අතර එය Brumalia ලෙස හඳුන්වා ඇත. රෝම සමාජ සම්මතයන් පවා උඩු යටිකුරු කරමින් සැණකෙළි පවත්වා ඇති අතර නිදහසේ තොප්පිය ඔවුන් පැළඳ සිටියහ.ඉටිපන්දම් දල්වා ඇත, තහනම් කැට සූදුවට පවා අවසර දී ඇත. ඉටි හෝ පිඟන් මැටි වලින් කළ කුඩා රූප තෑගි ලෙස හුවමාරු කර ඇති අතර බල කොටුවල හරක් මස්, පාන්, ආනයිනික වයින් හෝ මී පැණි, කුලුබඩු මිශ්‍ර ආහාර ගෙන ඇත. මෙම Santurnalia යම් අඳුරු පැත්තක් තිබෙන්නට ඇත. උත්සවය දින තිහක කාලයක් සඳහා රෝමානු වැසියෙකු වැරදි පාලනය අධිපතියා ලෙස තෝරා පත් කරගෙන ඇත. යුරෝපයේ මැද භාගයේ පසුකාලීන සැමරුම් වලට විශේෂයෙන් නත්තලට, අහිංසකයන්ගේ මංගල්‍යයන්ට, එපිෆනී ආදී සම්ප්‍රදායන්ට Saturnalia බලපෑම් කළ හැකි අතර නත්තලේ ආදි මූලයන් මේ තුළ ද පැවතිය හැක.

    එසේම රෝමයේ එම කාලය තුළම තවත් උත්සවයක් පැවති අතර එය පෙර සඳහන් කරන ලද අපරාජිත සූර්යයාගේ උපන් දින සැමරුමයි. දෙසැම්බර් 25 වැනි දින ඔරේලියන් අධිරාජ්‍යයා විසින් මෙය ප්‍රකාශයට පත් කර ඇති අතර ඉහළ පැලැන්තියේ පිරිමින් විසින් පමණක් සමරනු ලැබ ඇත. මෙහි සිත් ගන්නා සුළු කාරණා දෙකක් නම්, කිතුණුවන් ජේසුස් වහන්සේගේ උපත සැමරීමට මෙම දිනය තීරණය කිරීම සහ ජෙසුස් වහන්සේගේ එක් නාම පදයක් "යුක්තියේ සූර්යයා" වීමයි.

    Saturnalia ට හැර නත්තලට විශාල බලපෑමක් කළ තවත් උත්සවයක් වන්නේ Yule උත්සවයයි. වසර දහස් ගණනකට පෙර උතුරු යුරෝපයේ නෝර්ස් ජනතාව විසින් බොහෝ දුරට සමරනු ලැබ ඇති යූල් සම්ප්‍රදාය අද නත්තල් සම්ප්‍රදාය බවට හැඩගැසී ඇති බව සිතිය හැක. විශාල යූල් කඳන් වලට ගිනි තැබීම, හරක් මස් අනුභවය, යූල් ගස සැරසීම, වයින් පානය, රාත්‍රිය පුරාම දැල්වෙන ගින්න ආදී යූල්හි ඇතුම් ලක්ෂණ වර්තමාන නත්තලේ ද පවතී. එසේම ඔවුන් ස්වභාවධර්මයේ චක්‍ර නිරීක්ෂණය කිරීම සඳහා අලුයම වනතුරු අවදියෙන් සිට ඇත. Yule logs ආකාරයේ කේක් වර්තමාන නත්තල් උත්සවයේද පවතී. ඒවා පැරණි සම්ප්‍රදායෙහි නෂ්ටාවශේෂ ලෙස සිතිය හැක.

    එසේම මෙම කාලසීමාවේදී තවත් වැදගත් මිථ්‍යා ග්‍රීක දෙවියකු වන ඩයෝනිසස්ගේ උපන්දිනය සමරයි. මේ විනෝදාස්වාදයන්, මංගල්‍යයන්,බේබදුකම සහ ප්‍රීතිය ගෙන දෙනු ලැබීය. එසේම මෙම කාලයේදී ෆින්ලන්තය තුළ හිරු දේවතාවිය Beiwe සමරනු ලැබීය. ඇය ඇටකටු වලින් සාදන ලද යමක් මත ගමන් කරන බව කියනු ලබන අතර එය සුදු පැහැති මුවකු විසින් ඇදගෙන යන ලදී. එසේම පුරාණ ස්ලාව් ජාතිකයන් තම ආදරණීයන් උණුසුම තබා ගැනීම සඳහා ශීත ඍතුවේ මෙම දිනවලදී සුසාන භූමිවල සහ හරස් මාර්ගවල ගිනි දල්වා ඇත. මළවුන්ට ගෞරව කිරීම සහ ඔවුන් පෝෂණය කිරීම සඳහා උත්සවයන් සංවිධානය කර ඇත. මෙකී පිළිවෙත් නූතන නත්තල් අංගෝපාංග හා ඒකාබද්ධව ඇත. 

   එසේම නිවෙස්වල චිමිනිය හරහා නිවෙස් වලට රිංගා යන අද්භූත ජීවීන් ගැන යුරෝපීය පුරාවෘත්තයන් පවතී. ස්කොට්ලන්ත සහ ඉංග්‍රීසි ජනප්‍රවාද වලද ඒ  පිළිබඳව සඳහන් වන අතර මධ්‍යකාලීන යුගයේදී මායාකාරියන් ඔවුන්ගේ චිමිණි හරහා නිවෙස් වලට ඇතුල්වන බව මිථ්‍යා කතා පවතී. 

    එසේම මධ්‍යම යුරෝපීය රටවල ශීත කාලයෙහි පවතින ජනප්‍රිය පුරාවෘත්තයක් වන ක්‍රැම්පස් යනු එළුවකුගේ මුහුණක් සහ යක්ෂයෙකුගේ ශරීරයකින් යුත් අර්ධ යක්ෂයෙකි. ඔහු වැරදි දරුවන්ට දඬුවම් කරමින් වීදි පුරා හැසිරෙන බව කියැවේ. කතෝලික පල්ලිය ඔහුව තහනම් කිරීමට උත්සහ කලද ඔහු ශාන්ත නිකලස් කතාව සමඟ පසුව සම්බන්ධ වී ඇත. ශාන්ත නිකලස් හොඳ දරුවන්ට තෑගි තබමින් යන අතර ක්‍රෑම්පස් දඟකාරයින්ට අතු සහ පොළොවලින් පහර දෙමින් යන බව ජනප්‍රවාදයන්හි පවතී. 20 ශතවර්ශයේ අග භාගයේදී ඔස්ට්‍රියාවේ සහ ජර්මනියේ වැඩි වශයෙන් මෙය ජනප්‍රිය වී ඇත. 

    නත්තල ලෙසින් අද අපි සමරනු ලබන සුවිශේෂී ආගමික උත්සවයේ ආදි මූලයෝ මුල් කාලීන නිලීන චාරිත්‍ර විධි හා බැඳී පවතින බව සිතිය හැකි අතර මේ ගැන විමසීම ඉතාම මතභේදකාරී විය හැක. පරිබාහිර කරුණු හා සුසංයෝජනය වීමේදී ඇති ගැටළුව, මිථ්‍යා විශ්වාසයන්, ජනප්‍රවාද, පුරාවෘත්තයන් සමඟ මේවා සංකලනය වී ඇත. ප්‍රභවය කෙසේ වෙතත් වර්තමානය වන විට නත්තල කිතුණු බැතිමතුන්ට පමණක් සීමා නොවී බොහෝ දෙනා නිදහස සහ විනෝදය උපදවන සාමයට යුක්තියට මග පාදන සර්ව මානවහිතෛෂී සැමරුමක් වී අවසන්ය.

Leo Chathuranga Lakmal

First Year

Faculty of Arts

References

Melton, J. Gordon (2011). Religious Celebrations: An Encyclopedia of Holidays, Festivals, Solemn Observances, and Spiritual Commemorations [2 volumes]

English, Adam C. (October 14, 2016). Christmas: Theological Anticipations. Wipf and Stock Publishers. pp. 70–71. ISBN 978-1-4982-3933-2.

Melton, J. Gordon (2011). Religious Celebrations: An Encyclopedia of Holidays, Festivals, Solemn Observances, and Spiritual Commemorations [2 volumes]

English, Adam C. (October 14, 2016). Christmas: Theological Anticipations. Wipf and Stock Publishers. pp. 70–71. ISBN 978-1-4982-3933-2.

Roy, Christian (2005). Traditional Festivals: A Multicultural Encyclopedia. Santa Barbara, California: ABC-CLIO. p. 146. ISBN 978-1-57607-089-5. Archived from the original on January 11, 2014. Retrieved February 3, 2012.

http://edition.cnn.com/EVENTS/1996/christmas/history.html

https://www.britannica.com/topic/Feast-of-Fools

https://www.english-heritage.org.uk/christmas/the-history-of-christmas/

https://www.history.com/topics/christmas/history-of-christmas

https://www.bbc.com/reel/video/p0dl578j/the-astonishing-pagan-origin-of-christmas

http://edition.cnn.com/EVENTS/1996/christmas/history.html

https://www.britannica.com/topic/Feast-of-Fools

https://www.english-heritage.org.uk/christmas/the-history-of-christmas/

https://www.history.com/topics/christmas/history-of-christmas

https://www.bbc.com/reel/video/p0dl578j/the-astonishing-pagan-origin-of-christmas

බෙත්ලෙහෙමෙහි තාරකාව

ක්‍රිස්තියානි සම්ප්‍රදාය අනුව බෙත්ලෙහෙම් තරුව යනුවෙන් හැඳින්වෙන නත්තල් තරුව, ලෝකවාසීන්ට අමුතු දෙයක් නොවේ. ජේසුතුමාගේ උපත සලකුණු කිරීමට මෙම තාරකාව පෑයූ බවට ක්‍රිස්තියානුවන්ගේ දැඩි විශ්වාසයයි.මෙහීදි ක්‍රිස්තියානි සම්ප්‍රදායට අනුව, ඉතා දීප්තිමත් තාරකාවක් නැඟෙනහිර අහස හරහා ගමන් කරමින්, ජේසුස් වහන්සේගේ උපත පිළිබඳ පුවත පැතිර ගියේය. ප්‍රඥාවන්තයන් තිදෙනා බෙත්ලෙහෙමේ උපන් ස්ථානයට ගෙන ගියේ මෙම තීව්‍ර දීප්තියයි.

මේ අනුව බොහෝ දෙනෙකුගේ තවත් විශ්වාසයක් නම් මෙම තාරකාව දිවැසි වැකියක් සම්පූර්ණ කිරීමක් බවය. බයිබලයේ එන මතෙව් සුබාරංචිය අනුව ශාස්ත්‍රවන්තයින් ජෙරුසලමේ හෙරොද් රාජසභාවට පැමිණි අතර ජුදයින්ගේ රජ උපත සලකුණු කළ තාරකාව පිළිබඳ හෙරෝද් රජුට සැලකරන ලදී.ජේසු උපන්දා අහසේ දිස්වූ විස්මිත තරුව පිළිබඳව බයිබලයේ මතෙව් සුබාරංචියේ දැක්වෙන්නේ මෙසේය.   

හෙරෝද් රජු දවස ජුදයේ බෙත්ලෙහෙමේදී ජේසුස් වහන්සේ උපන් කල පෙරදිගින් ශාස්ත්‍රවන්තයෝ ජෙරුසලමට අවුත් ජුදෙව්වරුන්ට රජව උපන් උතුමාණෝ කොතැන්හිද? අපි එතුමාණන්ගේ තාරකාව පෙරදිගදී දැක එතුමාණන්ට නමස්කාර කරනු පිණිස ආවෙමුයි කීහ. එපවත් ඇසූ හෙරොද් රජුද මුළු ජෙරුසලම් ජනතාවද කැළඹූහ. එකල ඔහු සෙනලාගේ සියලු නායක පූජකයන්ද විනය ධරයන්ද රැස්කරවා ක්‍රිස්තුස් වහන්සේ කොහේ උපදින සේක්දැයි ඔවුන්ගෙන් විචාලේය. 

(බයිබලය - මතෙව් සුබාරංචිය) 

මෙම හේතුවත් සමග බොහෝ දෙනෙකුගේ මතය වී ඇත්තේ ජේසු උපන්දා අහසෙහි පෑයූවේ තාරකාවක් බවයි.තවත් සමහරුන් පවසන්නේ එය ධූමකේතුවක් හෙවත් වල්ගා තරුවක් බවයි. එහෙත් නත්තලේ අසිරිය ගෙනෙන නත්තල් තරුව පිළිබඳව ඊට එහා ගිය විද්‍යාත්මක තත්ත්වයක් වර්තමානයේ හෙළි වෙමින් පවතී. මතෙව් සුබාරංචියේ සඳහන් ආකාරයට ප්‍රඥාවන්තයින් (රජවරු) තිදෙනාට ජේසු බිලිඳා සොයා ඒමට මඟ පෙන්වූ බෙත්ලෙහෙම් තාරකාව පිළිබඳ විස්තර සොයා ගැනීමට විද්‍යාඥයෝ බොහෝ කාලයක් තිස්සේ පර්​යේෂණ කළහ. එම පර්යේෂණවලින් ලද තොරතුරු අනුව ඔවුන් පවසන්නේ ජේසු උපන්දා අහසේ පායා තිබුණේ තාරකාවක් නොවන බවයි. ජේසුස් වහන්සේ වැනි සුවිශේෂි කෙනෙකු උපන්දා රෑ අහසේ දිස්වූයේ සුවිශේෂි සිදුවීමක් බව වැඩිදුරටත් ඔවුහු පවසති.   

මෙතෙක් ඉතිහාසයේ සඳහන් වාර්තා සහ බයිබලයේ සඳහන් තොරතුරු ක්‍රමවත්ව නව තාක්ෂණය උපයෝගී කර ගනිමින් ගණනය කිරීම් සිදුකරමින් නව අධ්‍යයනයක් සිදුකර ඇත. සිදුකළ එම අධ්‍යයනය අනුව එම විද්‍යාඥයන් පවසනු ලබන්නේ ක්‍රි.පූ. 6 වැනි සියවසේ අහසේ දිස්වූ මෙම ආලෝකය තරුවක් නොව මේෂ රාශිය සහ ග්‍රහලෝක කීපයක් සූර්යයා සමඟ එක පෙළට එක එල්ලයට පිහිටීමක් බවයි. එසේ පිහිටි ග්‍රහලෝක වන්නේ අප සෞරග්‍රහ මණ්ඩලයේ විශාලතම ග්‍රහයා වන බ්‍රහස්පති, පෘථිවිය සහ සඳය. මෙම ග්‍රහලෝක ත්‍රිත්වය සූර්යයා සමඟ එක එල්ලයට පිහිටි අවස්ථාවේදී දීප්තිමත් ආලෝකයක් අහසේ දිස්වී ඇත.මෙම පිහිටීම අභ්‍යවකාශයේ සිදුවූ ඉතාම විරල සිදුවීමක් බව මෙම පර්​යේෂණය සිදුකළ නාසා ආයතනයේ තාරකා විද්‍යාඥ ඇලෙක්ස් බොට් රොබින්සන් මහතා පවසයි.

ඒ කෙසේ වෙතත්, බෙත්ලෙහෙම් තාරකාව ස්වභාවික තාරකා සංසිද්ධියක් නොව විද්‍යාවෙන් පැහැදිලි කළ නොහැකි දෙයක් බවට යෝජනා කිරීමට සාක්ෂි තිබේ.පළමුව, බෙත්ලෙහෙමේ තාරකාව ශාස්ත්‍රඥයන්ට පමණක් පෙනෙන්නට තිබීමෙන් පෙන්නුම් කරන්නේ මෙය සාමාන්‍ය තරුවක් නොවන බවයි. එසේම, පෘථිවියේ භ්‍රමණය හේතුවෙන් ආකාශ වස්තූන් සාමාන්‍යයෙන් නැගෙනහිර සිට බටහිරට ගමන් කරයි, නමුත් බෙත්ලෙහෙමේ තාරකාව ජෙරුසලමේ සිට දකුණට බෙත්ලෙහෙම දක්වා ශාස්ත්‍රඥයන් මෙහෙයවීය. එපමණක්ද නොව, එය ඔවුන්ව කෙළින්ම ගෙන ගියේ ජෝසෙප් සහ මරියා නැවතී සිටි ස්ථානයට ඉහළින් නතර කරමිනි. එය කළ හැකි ස්වභාවික තාරකා සංසිද්ධියක් නොමැත.ඒ අනුව බෙත්ලෙහෙමේ තාරකාව හෙවත් නත්තල් තරුව හුදෙක් ස්වභාවික වල්ගා තරුවක්ම යැයි අර්ථකථනය කළ නොහැක.

Leo Tharushika Sewwandi 

Second year

Faculty of Arts

පාපයේ නගරය

🌋පුරාණ රෝමානු නගරයක් වන පොම්පෙයි    පාපයේ නගරය ලෙස හදින්වයි .මෙය  පිහිටා තිබුණේ නේපල්ස් නගරයට ගිනිකොන දෙසින්, දැන් ඉතාලියේ කැම්පානියා ප්‍රදේශයේ ය. එය වෙසුවියස් කන්දේ ගිනිකොන දෙසින් වූ අතර සර්නස් (නූතන සර්නෝ) නදියේ මුඛයෙන් උතුරට වන්නට ඇති ප්‍රාග් ඓතිහාසික ලාවා ප්‍රවාහයකින් සෑදුණු ස්තරයක් මත ඉදිකරන ලද්දකි.

🌋පොම්පෙයි නගරය ප්‍රසිද්ධ වන්නේ ක්‍රි.ව. 79 දී අසල පිහිටි ගිනි කන්දක් වන විසුවියස් ගිනි කන්දක් පුපුරා යාමෙන් එය විනාශ වී අවම වශයෙන් අඩි 19 (මීටර් 6) පමණ අළු සහ අනෙකුත් ගිනිකඳු සුන්බුන් වලින් වැසී ගිය බැවිනි. 16 වන ශතවර්ෂයේ අගභාගයේදී එහි නටබුන් සොයා ගැනීමට කටයුතු කර ඇති අතර මෙම නගරය සංරක්ෂණ යටද පියවර ගෙන ඇත . 

💀පුරාණ රෝමයට දකුණින් පිහිටි සමෘධිමත් නිවාඩු නිකේතනයක් වන පොම්පෙයි, ක්‍රියාකාරී ගිනි කන්දක් වන වෙසුවියස් කන්දේ සෙවණෙහි ඉතාලියේ වෙරළ තීරයේ පිහිටා තිබුණි. එහි වඩාත් ප්‍රසිද්ධ පිපිරීම සිදු වූයේ ක්‍රිස්තු වර්ෂ 79 දී පොම්පෙයි නගරය ගිනිකඳු අළුවලින් යුත් ඝන ස්තරයක් යට වැළලූ අවස්ථාවේදීය. 

🌋පොම්පෙයිහිදී අරුම පුදුම දේවල් 5 කි.

• ක්‍රිස්තු වර්ෂ 79දී විසුවියස් කන්ද පිපිරී පොම්පෙයි නගරය අඩි 20ක් පමණ අළු සහ ලාව වලින් යටවී වැළලී ගියේය.

• මිනිස් සිරුරු වල ප්ලාස්ටර් වලින් ඔතා තිබීම.

• පුරාණ ග්‍රැනයිට් පාශාන බහුලය.

• කල් තබා ගත් පාන් හමුවීම.

• පෞරාණික ආපනශාලා කාණුවකින් සෙයා ගත් ජිරාෆ් ඇට සැකිල්ල.

🌋පොම්පෙයි නගරය හැදුවේ කවුද?🤔

පොම්පෙයි, බොහෝ දුරට ග්‍රීක යටත් විජිතවාදීන් විසින් ආරම්භ කරන ලද කැම්පානියාවේ අනෙකුත් නගර මෙන් නොව, ඔස්කන්වරුන් විසින් ගොඩනගා ඇත, බොහෝ විට ක්‍රි.පූ. 9-8 වැනි සියවසේදී පමණ, දැනට පවතින සාක්ෂි 6 වැනි සියවසෙන් ඔබ්බට නොගියද. ලාවා තට්ටු මත නගරය සංවර්ධනය වූයේ සියවස් ගණනාවකට පෙරය. 

🌋පොම්පෙයි පාප නගරය ලෙස හඳුන්වන්නේ ඇයි? 🤷

එය ප්‍රචණ්ඩ තෘෂ්ණාවෙන් ප්‍රබෝධමත් වූ සහ තමන්ටම ආවේණික වූ පන්තියකට අයත් වූ පුද්ගලයින් ට පමනක් බලය පැවති  නගරයකි. බල ක්‍රීඩා, ලිංගික ආශාවන්, අසීමිත අභිලාෂය සහ නිර්මාණාත්මක ප්‍රතිභාව වීදිවල දැනෙන්නට විය, පල්ලි වල තරමක නිදහසක් පැවති අතර  ක්‍රිස්තු වර්ෂ 79 ඛේදජනක පිපිරීමෙන් ඉතිරි වු බිතුසිතුවම් වලින් නිර්නය  කළ හැකිය.

🌋පොම්පෙයි කී දෙනෙක් මැරුණාද?🤔

ක්‍රිස්තු වර්ෂ 79 දී විසුවියස් කන්ද පිපිරී ගිය විට එය සිදු කළ විනාශය පෙර නොවූ විරූ තරම්ය. පොම්පෙයි හි 2,000 ක් පමණ මිය ගිය අතර හර්කියුලේනියම් හි 300 ක් මිය ගිය බව දන්නා නමුත්, සමස්ත මරණ සංඛ්‍යාව 16,000 ක් පමණ විය හැකිය.

🌋පොම්පෙයි පාලනය කළේ කවුද?🤷

සැම්නයිට්වරුන් විසින් පාලනය කරනු ලැබුවද, පොම්පෙයි රෝම සීමාවට ඇතුළු වූ අතර, එය තුන්වන සැම්නයිට් යුද්ධයේදී සහ පිරස්ට එරෙහි යුද්ධයේදී පවා විනාශ නොවිනි. 

🌋පොම්පෙයි සොයාගත්තේ කවුද? 🧐

ගෘහ නිර්මාණ ශිල්පී ඩොමිනිකෝ ෆොන්ටානා විසිනි.

පොම්පෙයි හි නටබුන් මුලින්ම සොයාගනු ලැබුවේ 16 වන සියවසේ අගභාගයේදී ගෘහ නිර්මාණ ශිල්පී ඩොමිනිකෝ ෆොන්ටානා විසිනි.

හර්කියුලේනියම් 1709 දී සොයා ගන්නා ලද අතර, 1738 දී එහි ක්රමානුකූල කැණීම් ආරම්භ විය.

🌋පොම්පෙයිහි මළ සිරුරු කීයක් සොයා ගත්තාද?⚰️⚰️🧟

සිරුරු 1,150 ක්

එය සම්පූර්ණයෙන්ම සංරක්ෂණය කරන ලද පුරාණ නගරයක් වන අතර, සුන්බුන් තුළ ගොඩනැගිලි, පුරාවස්තු සහ මිනිස් සිරුරු දක්නට ලැබේ. පුරාවිද්‍යාඥයන් විසින් පොම්පෙයිගේ සුන්බුන්වලින් සිරුරු 2,000 න් 1,150 ක් සොයාගෙන ඇති අතර, Vesuvius ගිනි කන්දෙ ගොදුරු බවට පත් වූවන්ගේ අතීත ජීවිත සහ අවසාන අවස්ථාවන් පෙන්වයි. 

🌋පොම්පෙයි ඇතුළත ඇත්තේ මොනාද ? 🧐🤷

සියවස් ගණනාවක් පුරා කැල්සිකරණය වූ අළු වල මීටර් 6 ක් ගැඹුරට වළලනු ලැබූ අතර, විසුවියස් කන්දේ ගොදුරු වූවන්ගේ සිරුරු අළු ආරක්ෂිත කවචයක සංරක්ෂණය කර ඇත. මෙම සිරුරුවල සම සහ පටක අවසානයේ දිරාපත් වූ විට, ඔවුන් ඔවුන්ගේ අවසාන මොහොතේ නිශ්චිත හැඩයෙන් ඔවුන් වටා අළු තට්ටුවේ ආකාරයටම  තැන්පත් ව  තිබේ.

🌋අවම වශයෙන් අවුරුදු 55 ක් පමණ පැරණි පිරිමින් යැයි විශ්වාස කෙරෙන මෙම ඇටසැකිලි දෙක සොයාගෙන ඇත්තේ කැස්ටි අමන්ටි නොහොත් නිර්මල පෙම්වතුන්ගේ නිවසෙනි - එහිදී වර්ණවත් බිතුසිතුවම් සහ ධාන්‍ය සඳහා ඇඹරුම් ගල් වැඩ කළ කොටළුවන්ගේ ඇටසැකිලි අතීතයේ දී අනාවරණය වී ඇත. ප්‍රදේශය ගිනිකඳු ද්‍රව්‍යවලින් වැසී යාමට පෙර කඩා වැටුණු බිත්තිය වලිං සමන්විතය.

🌋පොම්පෙයිහිදී මියගිය ප්‍රසිද්ධ පුද්ගලයින් කවුද?🤷

මෙම විනාශකාරී ස්වභාවික ව්‍යසනය පොම්පෙයි, හර්කියුලේනියම් සහ ඔප්ලොන්ටිස් නගරවල එළිදරව් විනාශයට තුඩු දුන් අතර එය දහස් ගණනකගේ මරණයට හේතු විය. මෙම පුද්ගල යින්  අතර රෝම කතුවරයක වන ප්ලැනියස්  සහ නාවික හමුදාපති ප්ලිනි ද විය.

Leo Nadeesha Mayomi

First year

Faculty of Arts

වසංගත සූදානම පිලිබද ජාත්‍යන්තර දිනය

වසංගත රෝග වැළැක්වීමේ, සූදානමේ සහ හවුල්කාරීත්වයේ වැදගත්කම ඉස්මතු කිරීම සදහා අධ්‍යාපනය සහ දැනුවත් කිරිමේ ක්‍රියාකාරකම් හරහා ,උචිත ආකාරයෙන් සහ ජාතික සන්දර්භයන්ට සහ ප්‍රමුඛතාවන්ට අනුකූලව වාර්ෂිකව වසංගත සදහා සූදානම් වීම පිලිබද දෙසැම්බර් 27 වන දිනය වන අද දිනයේදී සිදු කෙරේ.

එක්සත් ජාතීන්ගේ මහා මණ්ඩලය සියලුම සාමාජික රටවල්, එක්සත් ජාතීන්ගේ පද්ධතියේ සංවිධාන ,සහ අනෙකුත් ගෝලීය , කලාපීය සහ උප කලාපීය සංවිධාන, රාජ්‍ය නොවන සංවිධාන, අධ්‍යන ආයතන, පුද්ගලයන් සහ අනෙකුත් අදාළ පාර්ශ්වකරුවන් ඇතුලුව පුද්ගලික අංශයට සහ සිවිල් සමාජයට වසංගත සූදානම පිලිබද ජාත්‍යන්තර දිනය සැමරීමට ආරාධනා කරයි.

වසංගත වලට ප්‍රතිචාර දැක්වීමේදී ජාත්‍යන්තර සහයෝගීතාවය සහ බහුපාර්ශ්වීකත්වය වැදගත් කාර්‍යභාරයක් ඉටු කරයි.වසංගත කළමනාකරණයේ සෑම අධියරකදීම සෑම පුද්ගලයෙකු, ප්‍රජාවක් සහ රාජ්‍යක්ම සහ කලාපීය ,ජාත්‍යන්තර සංවිධාන අතර හවුල්කාරීත්වයේ සහ සහයෝගීතාවයේ වැදගත්කම මෙන්ම මේ සම්බන්ධයෙන් ස්ත්‍රී පුරුෂ සමාජභාවය පිලිබද ඉදිරි දර්ශනයක් සළකා බැලීමේ වැදගත්කම අපි අවධාරණය කල යුතුය.

එක්සත් ජාතීන්ගේ පද්ධතිය විශේෂයෙන් ලෝක සෞඛ්‍ය සංවිධානය වසංගත වලට ප්‍රතිචාර සම්බන්ධීකරණය කිරීමේදී එහි විධානයට අනුකූලව සහ බෝවන රෝග සහ වසංගතවල බලපෑම වැළැක්වීම,අවම කිරීම සහ ආමන්ත්‍රණය කිරීම සදහා ජාතික,කලාපීය සහ ජාත්‍යන්තර ප්‍රයත්නයන්ට සහය වීමේදී ප්‍රධාන කාර්‍යභාරයක් ඉටු කරයි.2030 න්‍යාය පත්‍රය ඉදිරියට ගෙනයාමේ ඉලක්කයට අනුකූල.

ලොකයේ සෞඛ්‍ය සේවකයන්ගෙන් බහුතරයක් සිටින් කාන්තාවන් විශේෂයෙන් ගෝලීය සෞඛ්‍ය අභියෝග වලට මුහුණ දීම සදහා රජයන්ගේ මූලික කාර්‍යභාරය සහ වගකීම සහ අදාල පාර්ශ්වකරුවන්ගේ දායකත්වය අප හදුනාගත යුතුය.

එක්සත් ජාතීන්ගේ සාමාජික රාජ්‍යන්,අවදානමට ලක්විය හැකි හෝ අවදානමකට ලක්විය හැකි අවස්ථාවලදී වසංගත ආසාදනයට වැඩිම ඉඩක් ඇති අය කෙරෙහි විශේෂ අවදානයක් යොමු කරමින් , ඇතුලත්,සමාන හා වෙනස් කොට සැලකීම්වලින් තොර සහභාගීත්වයක් සහතික කිරීමට කැපවී සිටිති.අවදානමට ලක්විය හැකි හෝ අවදානම් තත්ත්වයන් තුළ සිටින අය වෙත ලගා වීමට ඔරොත්තු දෙන සහ ශක්තිමත් සෞඛ්‍ය පද්ධතියක් තිබීම හදිසි අවශ්‍යතාවයකි.

ජාත්‍යන්තර අවධානයක් නොමැති අවස්ථාවක අනාගත වසංගත තීව්‍රතාවය සහ ගුරුත්වාකර්ෂණය අනුව පෙර ඇති වූ වසංගත අභිබවා යා හැකිය.වසංගත වැළැක්වීමට සහ ඒවාට ප්‍රතිචාර දැක්වීම සදහා ඵලදායි පියවරක් ලෙස ප්‍රාදේශීය , ජාතික,කලාපීය සහ ගෝලීය මට්ටමින් වසංගත රෝග පිලිබද දැනුවත් කිරීම ,තොරතුරු හුවමාරු කිරීම , විද්‍යාත්මක දැනුම සහ හොදම භාවිතයන්,ගුණාත්මක අධ්‍යාපනය සහ උපදේශන වැඩසටහන් විශාල අවශ්‍යතාවයකි.

එමෙන්ම වසංගත කළමනාකරණය සහ වළක්වා ගන්නේ කෙසේද,මූලික සේවාවන් නතර කිරීම වලක්වා ගන්නේ කෙසේද සහ ඉහල නැංවීම ලබා ගැනීම සදහා සූදානම් වීමේ මට්ටම ඕනෑම දෙයකට මුල්ම සහ වඩාත්ම ප්‍රමාණවත් ප්‍රතිචාර දැක්වීමද සිදු කල යුතුය.

Leo Poornima Nethmini

First year

Faculty of Arts

අඳුරු මතකයේ කඳුළු ආවර්ජනය.....

උදේ හවා නෙත ගැටෙන

රැයක් දවාලකින් අතොරව

රැලි හඬ නංවමින් 

වෙරළකොන සිප ගන්නා 

මුහුදු රළ කෙසේද 

චණ්ඩ වූයේ 

පුරා වසර ගණනකට පෙර සිතන්නටවත් පුළුවනි ද මරුමුවට ජීවිත කැන්දන්ට 

දෑස් අයා බලා සිටිඅයුරු මතකයන් කෙමෙන් 

දිව යයි ඈතට

චණ්ඩ රළ පෙළ 

සැණින් ඇවිදින් 

දහස් ගණන්  බිලි ලෙස 

මිනිසුන් රැගෙන ගියා මරුමුවට 

ඉදින් ,ඒ කඳුළු අතීතයට පුරා වසර දහනමයකි අදට..

2022 දෙසැම්බර් 26, අද තමයි ලෝකවාසී මෙන්ම ලංකාවාසී ජන ගඟක් කඳුළින් තෙත් කළ දවස. මීට වසර 19කට පෙර නත්තල් සිරිය වියකී යාමටත් පෙරාතුව ලොවෙහි මුවෙහි සිනහව සඟවමින් නෙත් සිත් කඳුළින් තෙත් කළ ඛේදජනක දිනය. ඒ තමයි 2004 දෙසැම්බර් 26 සුනාමි ව්‍යවසනය  ඇතිවුණු දවස.නත්තල් සිරි අසිරි විදිමින් ප්‍රීතිමත්ව සිටි ජනයාගේ සතුට සොරාගෙන ජීවිතය උඩුයටිකුරු කළ මුහුදු චණ්ඩ මාරුතය එහෙම නැත්නම් මේ සුනාමි ව්‍යවසනය ඇති වූයේ මීට වසර 19කට ඉහත අද වගේ දවසක.රටවල් දාහතරකට ආසන්න වශයෙන් දස දහසක් ජීවිත බිලිගත් විනාශකාරී සුනාමි රළ පෙළ මුළු මහත් ලෝකයෙහිම අඳුරු ඡායාවක් කළු පැල්ලමක් වී හමාරය.

⭕"සුනාමියෙහි" අරුත්

සුනාමි යන වචනය නුහුරු වචනයක් වුවද එය ජපන් භාෂාවෙන් බිඳී ආවකි.එහි සරල අදහස වනුයේ "විශාල වරාය රළ "යන්නයි. මුහුදු රළෙහි උසෙහි වැඩිවීම නිසා ජපන් ජාතිකයන් එය"සුනාමි" ලෙස හඳුන්වා ඇත.මෙය හඳුන්වන තවත් අන්වර්ථ නම් ලෙස, "උදම් රළ"," දළ රළ" ආදිය පෙන්වා දිය හැකිය.

⭕ලංකාවට ආ සුනාමි

2004 දෙසැම්බර් මස 26 වැනි උඳුවප් පුන් පොහොය දිනෙහි පෙරවරු 9.30පමණ ලංකාවට කිලෝමීටර් 2500ක් පමණ නැගෙනහිරින් පිහිටි සුමාත්‍රා දූපතට කිලෝ මීටර් 200 බටහිරින් මුහුදේ කිලෝමීටර් 10 කට ඇති වූ  භූ කම්පනයක  ප්‍රතිඵලයක් ලෙස ලංකාවට සුනාමි තත්ත්වය බලපා ඇත. ලංකාවේ මුහුදුබඩ ප්‍රදේශ මේ ව්‍යවසනයට විශාල වශයෙන් ගොදුරු වී තිබේ.ලංකාවට බලපෑ දරුණුතම ස්වභාවික ආපදාව වන්නේ ද මෙයයි.

⭕සුනාමියක් ඇති වීමට බලපාන සාධක

සුනාමි තත්ත්වයක් ඇති වීමට ප්‍රධාන වශයෙන් මුහුදු පතුලේ ඇතිවන භූ කම්පන,නාය යෑම්,  ගිනිකඳු පිපිරීම්, උල්කාපාත කඩා වැටීම් ,මෙන්ම හිම කඳු සාගරයට කඩා වැටීම කියන ප්‍රධාන කාරණා බලපානු ලබයි.2004 වර්ෂයේ ඇතිවූ සුනාමි ඛේදවාචකය  භූ කම්පන තත්ත්වයක් නිසා ඇතිවූවක් බව අනාවරණය වී ඇත.

⭕සුනාමියට පෙර නිමිති

සුනාමියක් ඇතිවීමට පෙර බොහෝවිට අනතුරු ඇඟවීම් දක්නට නොලැබෙන අතර සුනාමියක් ඇතිවීමට පෙර මුහුදු ජලය පසුපසට ගමන් කිරීමක්, වෙරළාශ්‍රිත ජලය පැහැදිලි ලෙස අඩුවී දියේ  ගිලී පවතින ප්‍රදේශ දිස්වීම ආදී නිමිති ප්‍රධාන වශයෙන් දැකගත හැකිය.වර්තමානයේ සුනාමියක් ඇතිවීමට පෙර අනතුරු ඇඟවීමේ සංඥා පද්ධතියක් සවි කර ජනතාව ඒ පිළිබඳව දැනුවත් කර ඇත.

⭕සුනාමියේ බලපෑම

සුනාමිය මඟින් විනාශ වු ලාංකික ජීවිත ගණන 39000 වූ අතර තවත් ජීවිත රාශියක් අනතුරට පත්ව මිනිසුන් 4100 පමණ අතුරුදහන් වී ඇත. ජීවිත මෙන්ම දේපළ දස දහස් ගණනක් විනාශ කරමින් සමාජීය ,ආර්ථික වශයෙන් විශාල තර්ජනයක් මේ ඔස්සේ එල්ල විය. යාල ජාතික වනෝද්‍යානයටත් මේ හරහා දැඩි බලපෑමක් එල්ල වී වන සතුන් විශාල ප්‍රමාණයක් මිය ගොස් ඇත. කෙසේ නමුත්, 2004 පැමිණි සුනාමි ඛේදවාචකය නිසා වර්තමානය වන විට මේ පිළිබඳව පුළුල් ලෙස දැනුවත් වී තිබෙන ආකාරයටත් ,නැවත මෙවැනි තත්ත්වයකින් ආරක්‍ෂා වීමටත් මෙය විශාල පන්නරයක් ලෙසත් අපට සැලකිය හැකිය.

රුදුරු රළ ඉතිරි කළ අඳුරු මතකවලට වසර දහනමයක් සපිරෙන අද වන් දිනෙක එදා මරුමුවට බිලි වූ දස දහසක් ජීවිත යළි සිහිපත් කරමු.රටම කඳුළින් තෙත් කළ මෙවන් අදුරු දිනයක් යළි කිසිදු දිනෙක අප රටට නොම වේවා!.

Leo Nisansala Mihirani

Second Year

Faculty of Arts

උඳුවප් පොහොය දිනය

අද උඳුවප් මාසේ එනම් මේ වසරේ අවසාන මාසයේ 26 වැනිදා .අද තමයි උඳුවප් පුර පසළොස්වක පොහොය දින ඉදිලා තියෙන්නේ. බෞද්ධයන් වන ලංකාවාසී,  ලෝකවාසී සියලු ජනයාට මේ උතුම් පොහොය ඉතාමත් වැදගත් පොහොය දිනයක්.දෙව් මිනිසුන්ගේ තිලොවට  අග්‍ර වූත්, ගෞතම බුදුන් වහන්සේගේ සම්බුද්ධ චරිතය සම්බන්ධයෙන් හා උන්වහන්සේගේ නිමල බුද්ධ දේශනාව ආශ්‍රයෙන් වැදගත් සිදුවීම් රාශියක් ද  සාසනික වශයෙන් සිදු වූ වැදගත් සිදුවීම් රාශියක්ද උතුම් උඳුවප් පුන් පසළොස්වක පොහොය දින සිදුවී ඇත .එසේ සිදු වූ වැදගත්කම් මෙසේ පෙන්වාදිය හැකිය.

ශ්‍රී පාද වන්දනා සමය ආරම්භ කිරීම.

අපේ බුදුන් අපි වදින්ඩ

සමන් දෙවියෝ පිහිට වෙන්ඩ 

නළල තබා ගොස් වදින්ඩ 

පෙරළි පෙරළි අපි වදින්ඩ 

 සාදු සාදු නිවන් යන්ඩ

 උත්තම සිරි පා වදින්ඩ

බුදුන් වහන්සේගේ ලංකාගමනයේදී සිදුවූ එක් වැදගත් සිදුවීමක් වනුයේ සුමන සමන් දේව රාජයාගේ ආරාධනාවෙන් බුදුරජාණන් වහන්සේ සමග තවත් රහතන් වහන්සේලා පන්සියයක් දෙනා සමනළ කන්දට වැඩම කර තමන් වහන්සේගේ වම් සිරිපතුල සලකුණු කිරීමයි.එසේ බුදුන් වහන්සේගේ වම් ශ්‍රී  පාදස්පර්ශයෙන් පූජනීයත්වයට පත් වූ ශ්‍රී පාදස්ථානය වන්දනා කිරීමේ සමය ආරම්භ වනුයේද මෙම උතුම් උඳුව පුන් පොහොය දිනයේදී ය.ශ්‍රී ලාංකික බෞද්ධ හා අනෙක් ජනතාව ද නොඉවසිල්ලෙන් බලා සිටිනුයේ සිරිපා සමය ආරම්භ වන තුරුය.උඳුවප් පොහොයේ එක් වැදගත්කමක් ලෙස මෙය පෙන්වා දිය හැකිය.

ශ්‍රී මහා බෝධියේ දක්ෂිණ ශාඛාව වැඩම කිරීම.

මහින්දාගමනයත් සමඟ නිර්මල බුදු දහම ලංකාවට හිමිවීමත් සමඟම බුදු දහම ශීඝ්‍රයෙන් ලාංකිකයන්ගේ වැළඳ ගැනීමට පාත්‍ර විය.බෞද්ධයන්ට වන්දනාමාන කිරීමට මිහිඳු මහරහතන් වහන්සේගේ අනුදැනුම ඇතිව දේවානම්පියතිස්ස රජතුමාගේ ආරාධනාවෙන් සංඝමිත්තා තෙරණිය ඇතුළු පිරිස ලංකාවට ජය ශ්‍රී මහා බෝධියේ දක්‍ෂිණ ශාඛාව වැඩම කර මහමෙව්නාවේ රෝපිත කිරීම සිදුවිය.සකල විධ බෞද්ධයන්ගේ නොමඳ වන්දනාමානයට පාත්‍රවන උතුම් ජය ශ්‍රී මහා බෝධීන් වහන්සේ දැනට ලොව ශේෂ වී පවතින ඓතිහාසික වශයෙන් වැදගත්කමක් ඇති පැරණිතම වෘක්ෂය ලෙස ද සැලකිය හැකිය.ලක්ෂ සංඛ්‍යාත බෞද්ධයන්ගේ අප්‍රමාණ ගෞරවයට පාත්‍ර වී ඇති ජය ශ්‍රී මහා බෝ රදුන් ජීවමාන බුදුන් වහන්සේ   හා සමානව බෞද්ධයන් විසින් සලකනු ලැබේ. මෙම බෝධීන් වහන්සේගේ මව් බෝධියද අද ඉන්දියාවේ දක්නට නොමැත.බෞද්ධයන් වන අපට උඳුවප් පුන් පොර පොහොය දිනය ඉතා සුවිශේෂී වන්නේ මේ නිසාය.

ලක්දිව භික්ෂුණී ශාසනය ආරම්භ කිරීම.

මිහිඳු මහරහතන් වහන්සේගේ මහින්දාගමනයත් සමඟ සම්බුද්ධ ධර්මය ලංකාවට වැඩම කිරීමෙන් අනතුරුව මෙරට ගිහි කාන්තා පුරුෂ දෙපක්ෂයම එය වැළඳගත් අතර බුදු දහම කෙරෙහි පැහැදී මෙරට සෝවාන්ව සිටි අනුලා බිසව ඇතුළු තවත් පන්සියයක්  කාන්තාවන්ට පැවිදිවීමට අවශ්‍ය විය.එසේ කාන්තාවන් සඳහා පැවිදි  භාවය ලබාදීමට මිහිඳු මහරහතන් වහන්සේගේ අනුදැනුමින් ගිහිකල තමන්ගේ සොහොයුරියෝ වූ සංඝමිත්තා තෙරණින් වහන්සේ ලංකාවට වැඩම කර භික්ෂුණී ශාසනය මෙරට ආරම්භ කිරීමද සිදුවූයේ මෙවන් උඳුවප් පුන් පසළොස්වක පොහොය දිනයකදී ය .ලක්දිව කාන්තාවන්ට පැවිදි භාවය ලබාදී භික්‍ෂුණී සාසනය ආරම්භ වූයේ එසේය.

වර්ෂ අවසානයේ යෙදෙන  මෙම උඳුවප්පුර පසළොස්වක පොහොය දිනය මෙවැනි ශාසනික හා සම්බුද්ධ චරිතය තුළ සිදු වූ අසිරිමත් සිදුවීම් නිසා වැදගත් පුන් පොහොය දිනයක් ලෙස සැලකේ.ලංකාවාසී ලෝකවාසී සියලු දෙනාටම අසිරිමත් උඳුවප් පුන් පොහෝ දිනයක් වේවා! .

Leo Nisansala Mihirani

Second Year

Faculty of Arts

නත්තල් ගස

නත්තල් සමය ඇරඹීමත් සමගම සැරසිලි වල ආරම්භය සනිටුහන් වේ.ඒ අතරේ සෑම වසරකම ලොව පුරා මිලියන ගණනක් නිවෙස් තුළට ආදරය,උණුසුම,එකමුතුව රැගෙන එන නත්තල් ගසට සුවිශේෂී තැනක් හිමි වේ.ඉස්සරනම් නත්තලට දින දෙකකට තුනකට කලින් පයිනස් වර්ගයේ ගසක කොටසක් කපාගන නිමවාගත් නත්තල් ගස් දැන් විවිධ අමුද්‍රව්‍ය ඇසුරු කරගනත්, විවිධ ආකාරයෙනුත් සාදයි.මොන අමුද්‍රව්‍ය වලින් සෑදුවත් හැඩය වෙනස් නොකිරීමට වග බලා ගනී.පෙරදී මෙන් දෙසැම්බර් අග නොව නොවැම්බර් මාසයෙදීම දැන් නත්තල් ගස් දක්නට ලැබේ.

⭕නත්තල් ගස ගැන පුරාවෘත්ත⭕

මෙම නත්තල් ගස ගැන පුරාවෘත්ත රැසක්ම තිබේ.එමෙන්ම ශීත කාලය ආරම්භය සනිටුහන් කරන්නට විවිධ ගස් සැරසීම පිලිබද පුරාවෘත්ත ඇත.ඒවා මෙසේය,

ජර්මනියේ එක්තරා ප්‍රදේශයක දුප්පත් ගස් කපා ජීවත් වන අයෙක් සිටියා.දිනක් ශීත සෘතුවක සීතලට හසුවුණු දරුවෙකු තමාට ශීතල යැයි කියමින් උපකාර ඉල්ලා මේ ගස් කපන්නාගේ නිවසට පැමිණියා.එම දරුවා ගැන අනුකම්පා කල ගස් කපන්නා තමන්ට හැකි පමණින් උදව් උපකාර කරමින් ආහාර පානාදියෙන්ද සංග්‍රහ කලා.එදින රෑ ගත කල එම දරුවා පසුදින් උදෑසන තමා ළමා ජේසු යැයි පවසමින් දේවදූතයෙකු ලෙස පෙනී සිටියා.

අනතුරුව ගස් කපන්නා අතට දේවදාර අතුරිකිල්ල ලබා දී දේවදූතයා නොපෙනී ගියේය.ගස් කපන්නා එම දේවදාර අතුරිකිල්ල මහත් භක්තියෙන් ඔහුගේ ගේ ඉදිරිපිට මිදුලේ සිටෙව්වා.එය නත්තල් ගසක් ලෙස වැඩුණු බව පුරාවෘත්ත වල සදහන් වේ.

ඊජිප්තු ජාතිකයන් යමක් වර්ධනය සංකේතවත් කිරීමට දෙසැම්බර් අග පාම් අතු නිවෙසට ගෙනවුත් සරසා ඇත.දීර්ඝ ශීත කාලවලට ශක්තිමත්ව ඔරොත්තු දීම සංකේතවත් කරන්නට ශීත කාලයේ කොල හලන්නේ නැති පයිනස් වර්ගයේ සදාහරිත ගස් චීන හා හිබෘ ජාතිකයන් භාවිතා කර තිබේ.

මධ්‍යතන යුගයේදී රෝමන්වරු අලංකාර අතු කපා ඒවායේ මුදුනේත් ගස් පුරාත් ඉරේ ආකෘති සහිත ලෝහ සැරසිලි තබා උත්සව පවත්වා තිබෙනවා.මෙම උත්සව සැටර්නේලියා නමින් හැදින්වේ.ශීත කාලය ඇරඹීමට මෙන්ම ඔවුන්ගෙ කෘෂිකර්මය,ධනය හා විමුක්තියට අධිපති සැටර්න්ස් දෙවියන් පිදීමට දෙසැම්බර් 17 වනිදායින් ඇරඹී සතියක් පුරා මෙම උත්සව පවත්වා ඇත.

බටහිර යුරෝපයේ කෙල්ටික් ආගමේ උසස් පූජකවරු ශීත සෘතුව ආරම්භය සැමරීමට ඕක් ගස්වල ඉටිපන්දම් දල්වා, රන් පාට ඇපල් එල්ලූ බව කියවේ.මධ්‍යතන යුගයේ ආදම් හා ඒවාගේ මංගල්‍යය සැමරීමට දෙසැම්බර් 24 වනදා ෆර්(පයින් වැනි ගස් වර්ගයක්) ගස්වල රතු ඇපල් එල්ලා සරසා,පාරාදීසයේ ගස් ලෙස හදුන්වා ඇත.

⭕නත්තල් ගසේ අතීතය⭕

සදාහරිත ගස් ක්‍රිස්තියානි නත්තල් උත්සවයේ කොටසක් ලෙස භාවිතා කරන්නට පටන්ගෙන ඇත්තේ මීට වසර 500 කට පමණ පෙර ජර්මනියේදීය.පැරණි සම්ප්‍රදායන් ආගමට ඇතුලත් කර ගැනීමට ක්‍රිස්තියානි මිෂනාරීන් යම් ඉඩක් දීමක් කර ඇත.1531 දී ජර්මනියේ ඇල්සෙස් නගරයේදී (දැන් මෙම ප්‍රදේශය අයත් වන්නේ ප්‍රංශය ටයි)මුල්වරට නත්තල් ගස සදහා වගා කල ගස් විකුණා තිබේ.එම ගස් සැරසීමක් නැතුව නිවෙස්වල තබාගන ඇත.මුලින්ම නත්තල් ගසක් සරසා තිබෙන බවට වාර්තා වන්නේ 1610 ලැට්වියාවෙදීය.මේ කාලයේ ගස සරසා තිබෙන්නේ කඩදාසි රෝස මල්,පලතුරු සහ රසකැවිලි වලිනි.ඉන් පසු කාලයේ රිබන්,ලේස්,ලෝහ හැඩතල ,කුඩා පොත් හා කැවිලි වලින් සැරසීම සිදුකර ඇත.ඊටත් පසු කලෙක දල්වන ලද ඉටිපන්දම් උපයෝගී කරගත් බවට සදහන් වේ.

දාහත්වන සහ දහඅටවන සියවස් වල ඔස්ට්‍රියාවේ සහ ජර්මනියේ නිවෙස්වල අනෙක් පසට හැරවූ සදාහරිත ගස් මුදුන්,නිවසේ සාලයේ පැත්තකින් එල්ලා ඇපල්,කජු වර්ග හා රතු රිබන්වලින් සරසා තිබූ බව කියවේ.19 වන සියවසේදී නත්තල් ගස් උතුරු යුරෝපා රටවලට පැතිර ගොස් ඇත.

වික්ටෝරියා රැජින ජර්මනියේ ඇල්බට කුමරා හා විවාහ වු පසු 1834 දී වින්ඩ්සර් මාලිගයේ නත්තල් ගසක් තැබීමෙන් මෙම චාරිත්‍රය එංගලන්තයේ ශීඝ්‍රයෙන් පැතිර ගියේය.ඉන්පෙර වික්ටෝරියා රැජිනගේ  මිත්තනිය වන චාර්ලට රැජින 1800 දී වින්ඩ්ස්ර්හි විශේෂ නවාතැනක තැබූ බව ඉතිහාසයේ සදහන් වේ.

සරසන ලද නත්තල් ගසක් ඇමරිකාවට හදුන්වා දී තිබෙන්නේ 1842 දී චාල්ස් මිනේග්‍රෙඩ් නැමැත්තෙකි.ධවල මන්දිරයේ මුල් වරට නත්තල් ගසක් තබා ඇත්තේ ජනාධිපති ෆ්‍රෑන්ක්ලීන් පියර්ස්ගේ කාලයේදීය(1853 - 1857).ධවල මන්දිරයත් වොෂින්ටන් ස්මාරකයත් අතර ඇති Ellipse හි ජාතික නත්තල් ගසක් දැල්වීමේ උත්සවයක් ඇමරිකානු ජනාධිපතිතුමාගෙ ප්‍රධානත්වයෙන් 1923 සිට සිදුවේ.

එසේම ධවල මන්දිරයේ blue room තුල රටේ පළමු කාන්තාවගේ ප්‍රධානත්වයෙන් සෑම වසරකම සත්‍ය නත්තල් ගසක් ප්‍රදර්ශනය වේ.

යුරෝපා ජාතීන් ආසියානු රටවල් යටත් විජිත කරගැනීමත්, ආගම පැතිරවීමත් සමග පෙරදිග රටවල ක්‍රිස්තියානි ආගම වැළද ගත් අයගේ නිවෙස් වල හා පල්ලි තුල එම රටවලට ආවේණික නොවන ශාකවලින් තැනු නත්තල් ගස් තැබීම ප්‍රචලිත වී ඇත.

මෑතක් වන තෙක්ම ක්‍රිස්තියානි ආගමික නිවෙස් තුල සැරසිල්ලක් වූ නත්තල් ගස්, දැන් ආගමික භේදයකින් තොරව විවිධ ස්ථානවල නත්තල, වර්ෂාවසාන නිවාඩුව , නව වසර මෙන්ම ව්‍යාපාර පිලිඹිබු කරන්නටත් එලිමහනේ දැල්වෙනු පෙනේ.

විදදරා ගැනීම සංකේතවත් කරන ,ක්‍රිස්තියානි ආගමටත් වඩා ඉපරණි නත්තල් ගස ,මේ අනුව එක් ආගමකට අයත් නොවී අපගේ සංවේදී ඉන්ද්‍රියන් පිනවනු පමණකින් නොනැවත,ලොවේම සම්ප්‍රදායන් සංවේදන කරනු දැනේ.

⭕නත්තල් ගස් වගා කිරීම⭕

නත්තල් ගස් වගා කිරිම යනු කෘෂිකාර්මික ,වනවගා සහ උද්‍යාන වගාවේ නියැලෙන්නන් විශේෂයෙන් නත්තල් ගස් සදහාම භාවිතා කරන්නා වූ පයින් හා ෆර් වැනි ශාක විශේෂ වගා කිරීමයි.නත්තල් ගස් වගා කිරීමෙ ගොවිපළක් මුලින්ම ස්ථාපනය වූයේ 1901 දී වුවද ,බොහෝ පාරිභෝගිකයන්  1930 හා  1940 ගණන් වන තුරුම තමාට අවශ්‍ය ශාක ලබාගත්තේ වනාන්තරයෙනි.නත්තල් ගස් වගා කිරීම වරකදී ප්‍රමිතියෙන් අඩු ගොඩබිම් වගා කිරිම සදහා යෙදූ ජීව්‍ය විකල්පයක් ලෙස යොදාගත් නමුත් කෘෂිකාර්මාන්තයේ දියුණුවත් සමග එම අනුදැනුම වෙනස් වී ඇත.ගුණාත්මකභාවයෙන් යුත් ප්‍රශස්ත අස්වැන්නක් ලබා ගැනීම සදහා වගා බිම් සමතලා විය යුතු අතර , යටි වගාවෙන් හා දිරාපත් වන ශේෂ කොටස් වලින් තොර විය යුතු බව දැන් සැලකේ.

පයින් සහ ෆර් ශාක විශේෂ වල පුලුල් භේද ගණනාවක් නත්තල් ගස් ලෙස වගා කළද ඒවායෙන් වඩා ජනප්‍රිය විශේෂ ඇත්තේ අතලොස්සක් පමණි.එක්සත් ජනපදය තුළ ඩොග්ලස් ෆර්,ස්කොට්ස් ෆර්,ෆ්‍රේසර් ෆර් යන ශාක විශේෂ හොදින් අලෙවි වන ශාක විශේෂ වේ.එක්සත් රාජධානිය තුල හොදින් අලෙවි වන විශේෂ වනුයේ නොර්මැනන් ෆර් හා නෝර්වේ ස්පෘස් යන ශාක විශේෂ වන අතර මේවා යුරෝපය තුළද ජනප්‍රිය වෙමින් පවතී.අනෙකුත් ඕනෑම කේතුධර ශාකයක් මෙන්ම නත්තල් ගස්ද පලිබෝධකයන්ට පහසුවෙන් ගොදුරු විය හැකි ශාක වේ.

⭕දේශගුණික බලපෑම ⭕

අනෙකුත් කෘෂිකාර්මික වගාවන්ට සේම වේ.ශීත සෘතුවේදී ඇතිවන අධික ශීතල සහ උණුසුම් හා වියලි අන්ත තත්වයන් නිසා අස්වැන්න කැපීමෙන් පසු වගාවට නැවත ගොඩනැගිය නොහැකි හානි සිදුවිය හැකිය.බලාපොරොත්තු වන කාලයකට කලින් හිම වැටීම ආරම්භ වුවහොත් ,අස්වැන්න කපා ගැනීම සහ ඒවා නැව්ගත කිරීම දුෂ්කර වීමට හෝ සම්පූර්ණයෙන්ම නොහැකි වීමටද ඉඩ ඇත.

Leo Poornima Nethmini

First Year

Faculty of Arts

හිමමිනිසා

එකමත් එක කාලෙක හොඳම යහළුවන් පිරිසක් සිටියහ. ඒ සියලු දෙනාම එකම දේ කිරීමට ප්‍රිය කළහ. මෙම මිතුරන් සියලු දෙනා ගවේෂණය කිරීමට ද ප්‍රිය කළහ. විශේෂයෙන් ශීත ඍතුවේ  දී ඔවුන් එයට වඩාත් හොදින්ම යොමු වුණි. 

ශීත ඍතුවේ එක් උදෑසනක මිතුරන් නගරය කෙළවරේ කෙත්වතු දිගේ ඇවිදින්නට විය. ඔවුන් විශේෂයෙන් හිම සහිත පිට්ටනියක් අසලින් ගමන් කරන විට, වැට කණුවක් මත තිබූ පැරණි සේද තොප්පියක් ඔවුන්ට හමු විය. මිතුරන් තොප්පිය පරීක්ෂා කළ අතර, එය දාරවල තරමක් අබලන් වුවද, එය සැබවින්ම අලංකාර තොප්පියක් විය 🤠 එය  ඇත්තෙන්ම හිම මිනිසෙකු ගොඩනැගීම සඳහා හොඳයි.ඔවුන්ට සිතිනි.

එම තොප්පිය කාගේදැයි මිතුරන් නොදන්නා  බැවින්, එම තොප්පිය එහි වැට කණුවේ  සිට බොහෝ දුරකට ගෙන යාමට ඔවුන්ට අවශ්‍ය නොවීය. ඒ වෙනුවට, ඔවුන් එම ස්තානයේම හිම මිනිසෙකු තැනීමට තීරණය කළහ.

ඔවුන් විශාල හිම බෝල සාදා හිම මිනිසා ගොඩනැගීමට පටන් ගත්හ. එය දුෂ්කර කාර්යයක් වූ අතර, හිමමිනිසා නිර්මාණය සඳහා මුළු කණ්ඩායමේම උත්සාහය විය. ඒ අසල ගිනි උදුනක් තිබූ අතර එහිදී ඔවුන් ගල් අඟුරු ගොඩක් සොයා ගත් අතර, ඔවුන් හිම මිනිසාගේ ඇස් සහ මුඛය පිහිටු වීමට ඒවා  භාවිතා කළහ. වාසනාවකට මෙන්, යමෙකුට ඔවුන්ගේ දිවා ආහාර පෙට්ටියේ තිබී නාසයට සුදුසු කැරට් ගෙඩියක් සහ වනාන්තර අසලින්   විශාල කූරු දෙකක් හමු විය. ඒම යොදා ගෙන ඔවුන් හිමමිනිසා නිර්මාණය කලහ.⛄

මිතුරන් එක්ව, ඔවුන්ගේ හිම මිනිසාගේ හිස මත පැරණි සේද තොප්පිය  තබා එකිනෙකා දෙස බලා සිනාසුණේය. ඔවුන් නිර්මාණය කල විශිෂ්ඨ තම හිමමිනිස මොහු යැයි ඔවුන්ට සිතිනි.

ඒ මොහොතේම, මිතුරන් සිනහසෙමින්, එකිනෙකා වැලදගෙන සතුටු වුවහ. එ මොහොතේ  අරුම පුදුම  දෙයක් සිදු විය. හදිසියේම, ඔවුන්ගේ හිම මිනිසාද ඔවුන් සමඟ සිනාසෙන්නට පටන් ගත්තේය.⛄😃😀 ඔහුගේ දෑස් දිලිසෙන අතර ඔහු ඉතා සතුටු වූ බවක් පෙනෙන්නට තිබුණි.😀

"වාව්!" එක් මිතුරෙක් කෑගැසුවේය.

"ඒක මායාවක්!" තවත් කෙනෙක් කීවෙය.

"ඇත්ත වශයෙන්ම, මම ෆ්‍රොස්ටි ," හිම මිනිසා සෑම දරුවෙකුගේම අත තම අතු ඇඟිලිවලින් අල්ලා සොලවමින්🤝, "ඔබ සැම හමුවීමට ලැබීම සතුටක්!" කීවේය.

ෆ්‍රොස්ටි සහ ඔහුගේ නව මිතුරන්  හිම සහිත පිටියේ සෙල්ලම් කරමින් පැය ගණනක් ගත කළහ. ෆ්‍රොස්ටිට  කරන්න අවශ්‍ය කුමක්දැයි මිතුරන් ඇසූ විට, ඔහු නර්තන සාදයක් ඉල්ලා සිටි අතර, එබැවින් ඔවුන් හිම සහිත පිට්ටනිය වටා නටන්නට පටන් ගත්හ.

නැටුම් ඉක්මනින් හිමබෝල සටනක් බවට පත් විය. ෆ්‍රොස්ටි ඔහුගේ කූරු අත්වලින් හිමබෝල සෑදීමට එතරම් දක්ෂ නොවූ නිසා ඔහුගේ මිතුරන් සෑදු  හිමබෝල  පිට්ටනිය පුරා විසිරී ගියේය.

ඔවුන්ගේ හිමබෝල සටනෙන් පසු, කණ්ඩායම නගරය පුරා  ක්‍රීඩා කිරීමට තීරණය කළහ.ෆ්‍රොස්ටි හිම සහිත මාර්ගවල ඉතා වේගයෙන් ගමන් කළ නිසා ඔහු නගරයට පැමිනෙන  විට ළමයින්ට ඔහුව අල්ලා ගැනීමට අපහසු විය.

ෆ්‍රොස්ටි නගරයේ වීදි හරහා සහ නගර චතුරශ්‍රය වටා දිව ගියේය. ඔහු දිව යන විට ෆ්‍රොස්ටි ඔහුගේ මිතුරන්ට කෑගැසුවේ, "ඔබට හැකි නම් මාව අල්ලා ගන්න!" කියමිනි.

හිම මිනිසා සමඟ ළමයි සිනාසෙමින් තවත් වේගයෙන් දිව ගියහ. ෆ්‍රොස්ටි සහ ළමයින් කෙතරම් වේගයෙන් දිව ගියද යත් ඔවුන් මිනිසුන් පසුකර යන විට ඔවුන්ගේ ජෙට් යානා මෙන් දිස් විය.

ඔවුන් රථවාහන පොලිස් නිලධාරියෙකු පසුකර යන විට, ඔහුගෙ වේග මාපකය දැල්වීය . කණ්ඩායම පැයට කිලෝමීටර් 200 ක වේගයෙන් යමින් සිටියහ.රථවාහන පොලිස් නිලධාරියා එවැනි දෙයක් දැක තිබුණේ නැත. ජීවමාන හිම මිනිසෙක් සහ ඔහු මෙතෙක් දැක ඇති වේගවත්ම දරුවන් කණ්ඩායම මොවුන් විය. රථවාහන පොලිස් නිලධාරියා පෑනක් සහ කඩදාසියක් සඳහා ඔහුගෙ  බෑගයට අත දැමූ නමුත් මෙය සටහන් කිරීමට  ඔවුන් බොහෝ දුරක් ගොස් ඇති බව ඔහුට වැටහුණි. හිම මිනිසා සහ දරුවන් කන්ඩායම නගරයේ අනෙක් කෙළවරට ළඟා වූ අතර මිතුරන් කණ්ඩායම ඉක්මනින් ඔහුව අල්ලා ගත්හ, සියල්ලෝම සිනාසෙමින් එකිනෙකා වැලදගෙන සතුටු විය.

එක් මිතුරෙකු පැවසුවේ, "ෆ්රොස්ටි ඔබ ට  දිව්වට පස්සෙ  ඇත්තටම දාඩිය දලා.."

ෆ්‍රොස්ටිට ඔහුගේ නළලහි පැවති වතුර ඇති බව දැනුණු අතර ඔහු සැබවින්ම දිය වී යන බව වටහා ගත්තේය. ඔහු අහස දෙස බැලූ විට, දහවල් හිරු ඉතා දීප්තිමත් බවත්, ඔහු වැඩි වේලාවක් එහි රැඳී සිටියහොත් ඔහු සම්පූර්ණයෙන්ම දිය වී යා හැකි බවත් දුටුවේය.

ඔහු තම නව මිතුරන්ගෙන් විසඳුමක් ඉල්ලා සිටි අතර කුඩා දැරියක්  මෙසේ කීවාය , "අර කඳු මුදුන්වලට ඉහළින් වනාන්තරයක් තියනව. ඒකෙ ගස් අහස දක්වා විහිදෙන අතර සූර්යයා අවහිර කරනව. සමහර විට ඔබට එහි හිරුගෙන් සැඟවිය හැකි"

ෆ්‍රොස්ටි හිතුවේ මේක හොද අදහසක් කියලා, ඒත් ෆ්‍රොස්ටිට තමන්ව දාලා යන්න වෙයි කියලා ළමයි කට්ටියට දුක හිතුනා. ෆ්‍රොස්ටි සිනාසෙමින්, "අඬන්න එපා, මම තව ටික වෙලාවකින් ආපහු එන්නම්. සමහරවිට ඊළඟ වතාවේ අපට තවත් ක්‍රීඩාවක් කළ හැකියි!"

"කික්බෝල් වගේ ද ?" එක දරුවෙක් ඇහුවේය.

"නැත්නම් ෆූට්බෝල් වගේද?" තවත් එකක් යෝජනා කළේය.

"අපි ඒ සියලුම ක්‍රීඩා කරමු," ෆ්‍රොස්ටි පිළිතුරු දුන්නේය.

ඊට පස්සේ ඔහු 

ඔහුගේ පැරණි සේද තොප්පිය ගලව, එය කුඩා දැරියට දී, එය වැට කණුව අසලින් තබන  ලෙස ඇයගෙන් ඉල්ලා සිටියේය. ඇය හිස වනමින් එයට ප්‍රතිචාර දැක්වූ වාය. ඔහු හිම කඳු මතින් වනාන්තරය දෙසට ගමන් කලේය.. නමුත් අවසන් කඳු මුදුනේදී ඔහු හැරී තම නව මිතුරන්ට සමු දුන්නේය.

ළමයි කණ්ඩායම ආපසු සමුගෙන නගරය හරහා සහ වැට කණුව සමඟ  හිම සහිත පිට්ටනිය වෙත ආපසු යාමට පටන් ගත්හ. ඔවුන් ටික වේලාවකින් නගරයේ මායිමේ  හිම සහිත පිට්ටනියටළඟා වූ අතර පැරණි සේද තොප්පිය තිබූ වැට කණුව සොයා ගත්හ.

“මේ තොප්පිය මැජික් එකක් වෙන්න ඇති,” එක් දරුවෙක් පැහැදිලි කළේ ඔවුන් තොප්පිය වැට කණුව මත තිබූ ස්ථානයට ආපසු යද්දී ය.

"හැබැයි ෆ්‍රොස්ටි තොප්පිය ගලවනකොටත් ඉන්න පුළුවන් විදියට ජීවතුන් අතර හිටියා" එක් මිතුරෙක් කීය.

ෆ්‍රොස්ටිට කැලේ ගැන කියපු පුංචි දැරිය මෙසේ කිව්ව්වාය. "සමහරවිට අපේ මිත්‍රත්වය මැජික් එකක් වෙන්න ඇති"

ඇගේ යහළුවන් ඇය දෙස බලා සිනහ වූ අතර, සියල්ලෝම හිස වනමින් වැලඳ ගැනීමට එකතු වූහ. ඉන්පසු ඔවුන් තම නිවෙස් දෙසට ගමන් කිරීම ට පටන් ගත්හ..

" යාලුවනේ , මම ආව " ..ඔවුන්ට හුරු හඩක් යලිත් ඔවුන් පිටුපසින් පැමිනියේය. ඒ ෆොස්ටි ය.

යාලුවො සියලු දෙනා දිවගොස් හිමමිනිසාව වැලද ගත් හ..

" අපිට  ලැබුනු වටිනාම නත්තල් තෑග්ග අපේ ෆොස්ටි " 🙂 ලමයින් එසේ කියමින් ෆ්‍රොස්‍ටි සමග නැවත්ත සෙල්ලම් කිරීමට පටන් ගත් හ.

Leo Nadeesha Mayomi

First Year

Faculty of Arts

නත්තල් උත්සවය

නත්තල් උත්සවය

ලෝකවාසී සියලු දෙනා වෙත මානව දයාවෙන් යුතුව සාමයේ පණිවිඩය රැගෙන මරිය තුමියගේ කුසින් මෙලොවට පැමිණි ජේසුස් ක්‍රිස්තුන් වහන්සේගේ උපත සිහිකරනු වස් වෙන්කර ඇති නත්තල් දිනය අදට යෙදී ඇත. මෙය ලොව පුරා සිටින කිතුනු බැතිමතුන් විසින් සෑම වසරකම උත්සවාකාරයෙන් සමරනු ලබන සුවිශේෂී උත්සවයක් ලෙස පෙන්වාදිය හැකිය.

කෙසේ නමුත් ක්‍රිස්තු වර්ෂ තුන්වන සියවස වන තෙක්ම කිතු උපත සැමරීමක් සිදුකර නොමැත. මන්ද එකල රෝම නීතියට අනුව උපත සැමරීම තහනම් කොට තිබූ බැවිනි. නමුත් පසුකාලීනව රෝම අධිරාජයා විසින් කිතු දහම වැළඳගනිමින්  දෙසැම්බර් 25 වන දින පැවති රෝමවරුන්ගේ හිරුපිදීමේ උත්සවය වෙනුවට එදින කිතු උපත සැමරුමට යොදා ගැනීමට අණ කිරීමත් සමග මෙම උත්සවය ආරම්භ වී ඇත. එලෙස ආරම්භ වූ නත්තල් දින සැමරුම විවිධාකාර නව අංග සහිතව අද දක්වාම විකාශය වෙමින් කිතුණු බැතිමතුන් පමණක් නොව අන්‍යාගමික ප්‍රජාව විසින්ද සමරනු ලබන විශ්වීය සංස්කෘතික උත්සවයක් බවට පත්ව ඇත. 

මෙම කාලය තුළ දැකගත හැකි ඊට ම ආවේණික වූ සුවිශේෂී සැරසිලි වර්ග ගණනාවක්ම හඳුනාගත  හැකිය. ඒ අතරින් නත්තල් ගස ප්‍රධාන තැනක් ගන්නා අතර විදුලි බුබුළු සහ විසිතුරු සැරසිලි වලින් එය අලංකාර කරයි. සීත ඍතුවේදී පවා ජීවිත සශ්‍රීකවීම පෙන්වන නිහඬ සංකේතයක් ලෙස නත්තල් ගස ඉතා ජනප්‍රිය අංගයක් බවට පත්ව ඇත. ඊට අමතරව ගවලෙන ද නත්තල් සමයේ දැකගත හැකි තවත් සුවිශේෂී අංගයකි. 

තුර්කියේ මයිරා නගරයේ විසූ ශාන්ත නිකුළස්තුමාගේ කරුණාව හා ත්‍යාගශීලී බව නිසා අසරණ දිළිඳු මිනිසුන්ට උපකාර කිරීමේ ගුණය සමග නත්තල් සීයා යන අංගය නත්තල් උත්සවය හා බැඳී ඇත. අද වන විටද  තෑගි බෝග සැපයීමෙන් දිළිඳු මිනිසුන් හා කුඩා ළමුන් සතුටු කිරීමේ චරිතයක් ලෙස නත්තල් උත්සව සමයේ නත්තල් සීයා යන චරිතය සංකේතවත් කර ඇත.

ඒ අනුව මෙම නත්තල් කාලය පුරාවට දේවස්ථාන නිවාස ආදිය තුළ ගවලෙන්, නත්තල් ගස් ආදිය ඉදිකර අලංකාර සැරසිලි වලින් සරසමින් අලුත් ඇඳුම් පැළඳුම්, ප්‍රණීත ආහාර පාන ආදිය සූදානම් කර අලුත් ඇඳුම්වලින් සැරසීම ඔවුන්ගේ චාරිත්‍රමය ක්‍රියාකාරකම්ය. ඊට අමතරව දුගී ජනයා වෙත ආහාරපාන ඇඳුම් පැළඳුම් ආදියෙන් සංග්‍රහ කරමින් ලෝකවාසී සියලු දෙනාට මානව දයාවෙන් යුතුව ජේසු සමිඳුන් විසින් ලොවට ගෙන ආ සාමයේ පණිවිඩය සියලු දෙනා අතර පතුරවනු ලබයි.

මෙම ප්‍රධාන නත්තල් දේව මෙහෙය ශුද්ධෝත්තම පාප් වහන්සේගේ ප්‍රධානත්වයෙන් වතිකානුවේ ශාන්ත පීතර බැසිලිකාවේ දී පවත්වන අතර ශ්‍රී ලංකාවේ නත්තල් දින දේව මෙහෙය අති උතුම් මැල්කම් කාදිනල් රංජිත් හිමිපාණන්ගේ ප්‍රධානත්වයෙන් පවත්වනු ලබයි. 

ලෝකවාසී සියලු දෙනාට සාමය සතුට පිරි සුභ නත්තලක් වේවා !

Leo Nisansala pathirana

Second year

Faculty of Arts

Christmas Festival

Christmas is a festive season that brings happiness to everyone around the world. This festive season is a reminder of compassion and empathy which creates lasting memories. Christmas is celebrated to mark the birthdate of Jesus Christ, an iconic figure in Christianity. Over time, this celebration has turned into a universal feast that transcends beliefs and borders. Christmas is a time period which strengthens the unity and bond between each other irrespective of their various faiths and cultures. Christmas also acts as a harbinger that invites us to enjoy the simple joys of life, share memories, and embrace the spirit of kindness and humanity. During this season, Santa Claus, Christmas trees, decorations, carols, and gifts enhance the festive atmosphere and foster cooperation and unity.

Santa Claus is a significant figure in Christmas, who spreads joy and generosity during the season. The legend of Santa Claus is revolved around a bishop who lived in the fourth century and who was famous for kindliness. The image of Santa Claus as a stout man with a red suit, white beard, and black boots is popular around the world. The enduring presence of Santa Claus is a cherished part of Christmas which captivates the interest of both young and old.

The Christmas tree is also a remarkable symbol of this joyous season. The act of decorating the Christmas tree has turned into an event in which families enjoy togetherness and share lovable experiences. The evergreen Christmas tree is a symbol that denotes hope even amid winter and ornaments such as bells, stars, and angels which are hung on the tree add beauty and vibration to it.  Families often tend to gather around the Christmas tree, enjoy its beauty, and exchange gifts as a tradition.

Christmas decorations also gain special significance during this time as they transform homes, offices, and public places into adoring and wonderful places. Decorations are essential to build a festive atmosphere and also act as a demonstration of the merriment of the season.  Decorations such as lights, trinkets, tinsel, and baubles hold special value during Christmas and people even make handmade ornaments that depict their creativity and unique personalities. As well as the Christmas tree, the decorating process of the houses and workplaces creates lasting memories and shared experiences.

Christmas carols manifest the festive cheer and benevolence of the season while the roots of these melodious songs date back to medieval Europe. The lyrics of the carols bring forth biblical stories as well as specific aspects of Christmas. Carols are sung in many different languages and musical styles which depicts its universality. Caroling also acts as a communal expression of ecstasy and invokes a sense of unity. Due to modern technology, Christmas carols are even presented as online performances which creates wider audiences.

Exchanging gifts has also become a key element of Christmas. Presenting gifts creates a sense of gratitude and highlights the importance of sharing and caring. This process consumes lots of time as choosing gifts involves thoughtful consideration of the interests and needs of the recipients. Wrapping and unveiling presents also become exciting moments for children as well as for adults.

In essence, Christmas is a celebration of love, gratitude, joy, and togetherness. In a world filled with hustle and bustle, Christmas gives us time to exchange warmth and happiness, cherish moments, and foster connections. It gives us time to pay gratitude for what we have and offer a helping hand to less fortunate individuals. Christmas also gives us hope, even amid the darkest days of winter, and rekindles our hopes through shared values, collectivity, and beautiful memories.

Leo Noyali Yalindi

First Year

Faculty of Arts

நத்தார் தின விழா

நத்தார், கிறிஸ்துப் பிறப்புப் பெருவிழா, அல்லது கிறிஸ்துமஸ் என்பது ஆண்டு தோறும் இயேசு கிறிஸ்துவின் பிறப்பைக் குறிக்கக் கொண்டாடப்படும் விழாவாகும். கிறிஸ்துமஸ் என்பதன் பொருள் "கடவுள் விடுவிக்கிறார்" என்பதாகும். தற்காலத்தில் டிசம்பர் 25ஆம் திகதி கிறிஸ்துமஸ் பண்டிகையானது கொண்டாடப்படுகிறது. மனித நேயத்தின் மாண்பையும் மரபையும் பறைசாற்றக் கூடிய நாள் தான் நத்தார் ஆகும். கிறிஸ்தவர்கள் அனைவரும் இத்தினத்தில் தேவாலயம் சென்று இயேசு கிறிஸ்துவை வழிபாடு செய்து ஒருவருக்கொருவர் வாழ்த்தினைக் கூறி மகிழ்வர். 

கிறிஸ்துமஸ் விழாவைக் கொண்டாடத் துவங்கியது ரோமாபுரி நாட்டில் கி.பி. 336 ஆம் ஆண்டில் என்பதுவே பெரும்பாலான வரலாற்றாய்வாளர்களின் முடிவாக உள்ளது. இவ்விழாவின் கொண்டாட்டங்களில் திருப்பலி, குடில்கள், கிறிஸ்துமஸ் தாத்தா, வாழ்த்து அட்டைகளையும் பரிசுகளையும் பரிமாறல், கிறிஸ்துமஸ் மரத்தை அழகூட்டல், கிறிஸ்துமஸ் மகிழ்ச்சிப் பாடல், சிறப்பு விருந்து என்பன பொதுவாக அடங்கும். கிறிஸ்துமஸ் கொண்டாடப்படும் நாளானது மரபு வழியாக வருவதேயன்றி இது இயேசு பிறந்த நாளன்று. கிறிஸ்தவர்களைப் பொறுத்தவரையில் இயேசுவின் சரியான பிறந்த திகதியை அறிந்து கொள்வதை விட,  "மனித குலத்தின் பாவங்களுக்குக் கழுவாயாகக் கடவுள் மனித வடிவில் உலகில் வந்தார்"  என்று நம்புவதே கிறிஸ்துமஸ் கொண்டாடுவதன் முதன்மை நோக்கமாகக் கருதப்படுகின்றது.

அந்த வகையில், இன்று நத்தார் பண்டிகையைக் கொண்டாடும் அனைத்து மக்களுக்கும் எமது Leo Club சார்பாக இனிய கிறிஸ்துமஸ் தின நல்வாழ்த்துக்களைத் தெரிவித்துக் கொள்கிறோம்.

Leo Rusdha Nisthar

Second Year

Faculty of Arts