මත්ද්‍රව්‍ය හා එහි අහිතකර බලපෑම
මත්ද්‍රව්‍ය ලෙස හඳුන්වනු ලබන්නේ ශරීරයේ ස්නායු පද්ධතිය මත ක්‍රියාත්මක වන කාලයක් භාවිතා කළ විට ඇබ්බැහිවීම ඇති කරන කවර ප්‍රමාණවලින් භාවිතා කළත් ශරීරයට හානිදායක වූ රසායන ද්‍රව්‍ය පොදුවේ මත්ද්‍රව ලෙසැඳින්වේ . මත්ද්‍රව්‍යයන් වර්ග කිහිපයක් හඳුනාගත හැකිය ආරක්කු, ගංජා, හෙරොයින්, අයිස් , කොකේන් මර්ජුවානා , කුඩු , දුම් කල වැනි දෑ මේ අතරින් කිහිපයක් වේ . මත්ද්‍රව්‍ය මගින් කායික මෙන්ම මානසික වශයෙන් විශාල රෝග ප්‍රමාණයක් ඇතිවේ .සිරෝසීස්, ලිංගික බෙලහීනතාවය හෘද රෝග, අධි රුධිර පීඩනය ,පිළිකාමය තත්ත්වයන් , වකුගඩු රෝගී තත්ත්වයන් , පෙනහළු වලදුර්වලතාවයන් , අක්මාවේ ඇතිවන රෝගී තත්ත්වයන් , ශරීරය වියැකීයාම වැනි කායික රෝගී තත්ත්වයන් මෙන්ම මානසිකාව පීඩනයන්ද ඇතිවේ . වත්මන් සමාජය තුළ වයස් භේදයකින් තොරව ස්ත්‍රී පුරුෂ භාවයකින් තොරව දැඩි ලෙස මත්ද්රවයට ඇබ්බැහි වී තිබුණු දැක ගත හැකිය . ශ්‍රී ලංකාව තුළ වැඩි ප්‍රතිශතයක් වශයෙන් දුම්වැටිවලට ගොදුරු වී ඇත්තේ ස්ත්‍රීන් වීම මෙයට කදිම නිදසුනකි . මත්ද්‍රව්‍ය සඳහා ගොදුරු වීමට හේතු සාධකයන් විශාල ප්‍රමාණයක් දැක ගත හැකිවේ . විරැකියාව නිසා ඇතිවන මානසික අව පීඩනය , රැකියාව මත ඇතිවන මානසික අව පීඩන තත්ත්වයන් , පවුල් ප්‍රශ්න , මත්ද්‍රව්‍යයට ඇබ්බැහි වූ මිතුරන් ආශ්‍රය කිරීම , සමාජ මාධ්‍ය මගින් ඇතැම් විට මත්ද්‍රව්‍ය පිළිබඳ තොරතුරු ප්‍රචාරණය කිරීම , රූපවාහිනී වැඩසටහන් සිනමාපටයන් ටෙලි නාට්‍ය හරහා මත්ද්‍රව්‍ය ප්‍රචාරණය කිරීම , මත්ද්‍රව්‍ය විකුනුම සිදු කරනු ලබන ව්‍යාපාරිකයන්ගේ කූට උපක්‍රමවලට හසුවීම වැනි තත්ත්වයන් මත මෙම මත්ද්‍රව්‍යයන්ට ඇබ්බැහි වීම සිදුවේ . මේ ආකාරයට මත්ද්‍රව්‍ය විකුණුම් සිදු කරනු ලබන ව්‍යාපාරිකයන්ගේ කෝටු උපක්‍රමයන් ශ්‍රී ලංකාව තුළද ක්‍රියාත්මක වීම ඇතැම් අවස්ථාවන්වලදී දැකගත හැකිය. ශ්‍රී ලංකාවේ පාසල් දරුවන් අතර අයිස් පැකට් ටොපි වැනි පැණිරස හරහා මත්ද්‍රව්‍ය වලට හසු කර ගැනීමේ උත්සාහයන් අවස්ථාවන් කිහිපයකදීම හඳුනා ගැනීමට හැකි විය. මෙම තත්ත්වයන් මගහරවා ගැනීමට විවිධ ක්‍රියාමාර්ග ගැනීමට හැකිය . නීතිමය ක්‍රියාමාර්ගය ගැනීම , පාසල් මගින් දැනුවත් කිරීම් , සිදුකිරීම උපදේශනයන් සැපයීම ,සමාජ මාධ්‍ය හරහා මත්ද්‍රව්‍ය භාවිතා කිරීමේ අහිතකර ප්‍රතිඵලයන් පිළිබඳව තොරතුරු ප්‍රචාරණය කිරීම , රූපවාහිනිය හරහා මත්ද්‍රව්‍ය භාවිතා කිරීමේ අහිතකර ප්‍රතිඵල පිළිබඳව ප්‍රචාරණය කිරීම , මත්ද්‍රව්‍ය භාවිතා කරන්නන් මත්ද්‍රව්‍යයට අධික ලෙස ඇබ්බැහි වූවන් උපදේශනයට යොමු කිරීම හා පුනරුත්ථාපනයට ලක් කිරීම වැනි කටයුතු සිදු කිරීමට හැකිය . කෙසේ වුවත් මත්ද්‍රව්‍ය යනු තුරන් කිරීමට අත්‍යවශ්‍යම පිළිලයකි .
