රාජධානිය:-Animalia
වර්ගය:-Mammalia
වංශය:-Chordata
ගෝත්‍රය:-Carnivora
කුලය:-Felidae
ගණය:-Panthera
විද්‍යාත්මක නාමය:-Panthera Pardus kotiya
ශ්‍රී ලංකාවේ වෙසෙන බළල් කුලයට අයත් විශාලම සාමාජිකයා වන කොටියා ලොව වෙසෙන කොටින්ගේ උප විශේෂයක් වන අතර ලංකාවට ආවේණික වෙයි. Panthera Pardus kotiya ලෙස ශ්‍රී ලංකාවේ උප විශේෂය පී.ඊ.පී.දැරණියගල මහතා 1956 දී නම් කරන ලදී.ශ්‍රී ලංකා කොටියා වඳ වී යාමේ තර්ජනයට ලක්වූ සත්ව විශේෂයක් ලෙස ලෝක සං‍රක්ෂණ සංගමය (IUCN) රතු දත්ත පොතට ඇතුළත් කර ඇත.කොටියා මාංශ භක්ෂක විලෝපිත ක්ෂීරපායී සත්වයෙක් වේ.ශ්‍රී ලංකාවේ පාරිසරික දින දර්ශනයට අනුව සෑම වසරකම අගෝස්තු පළවෙනිදා ලංකාවේ වනාන්තරවල හමුවන විශාලම බළල් විශේෂය වන ශ්‍රී ලංකා කොටියා සැමරීමට වෙන් කර ඇත.Panthera Pardus kotiya යන්නෙන් පැහැදිලි වන පරිදි කොටියා සත්‍ය වශයෙන්ම ශ්‍රී ලංකාව තුළ ස්වභාවික තත්ව යටතේ වාසය කරයි.තවද Panthera Pardus Diviya ලෙසද හඳුන්වන සත්වයෙක් වාසය කරනු නොලැබේ.මෙසේ ගැටළුකාරී තත්වයක් උදාවී ඇත්තේ මිනිසුන් විසින් ඉංග්‍රීසි බසේ යෙදෙන tiger යන්න කොටියා ලෙසත්,leopard යන්න දිවියා ලෙසත් භාවිතා කරන බැවිනි.නිවැරදි භාවිතයට අනුව tiger යනු,ව්‍යාඝ්‍රයා වන අතර leopard යනු,කොටියා වේ.
කොටියා වර්තමානය වන විට වඳවී යාමේ තර්ජනයට මුහුණ දී ඇති සත්වයෙකි.වාර්ෂික වර්ෂාපතනය 1000mm වලට වඩා අඩු ශුෂ්ක නිසරු ප්‍රදේශ වලත් 1000mm ත් 2000 mm අතර වාර්ෂික වර්ෂාපතනයත් ඇති ප්‍රදේශ වලත් 2000 mm ට වඩා වැඩි වර්ෂාපතනයක් ඇති තෙත් කලාපයේත් කොටියා වාසය කරයි.වියළි කලාපයට අයත් වනාන්තරවල,හෝර්ටන්තැන්න හා නකල්ස් වැනි කඳුකර වනාන්තර වලද කොටියා වාසය
